Efesas 5:7 - Bal cehec je haun

⁷ Odimeig age dana eundec age gami cain ihol mowain.

Efesas 5:7 Iomraidhean Croise

2 Korin 6:14

Age dana wawaga qee meleena eundecca ihol mimi ceteh sol jelegina eu cain gahidowain. Ge, Anutna loo je toodu cobocca loo je tefacdudu cobocca eu adi coboc osol? Odocob fulacdocna bilecca tuna bilecca eu adi bilec osol?

Efesas 3:6

Je jahunecna gug eu odi. Age Juda dana qee eundecnu me je eu age egeca sihul osol, dewenige osol, odi calom. Odocob ege cunug ege Krais Jisasca gabangec ege uqana mugumige mec Anut uqa eunu je hahun maden eu oqan.

Efesas 5:11

Dana tucana kobol odogina eu ageca cain ihol mowain. Kobol tuca i edec uqana aig qoc eu gauc himec. Euqa age kobol tuca i dana cajaca cunug ihacadecebil camasac meia.

1 Timoti 5:22

Odocob hina dana oso mahuc ilona eben mimeg cofadec cain mudecem Anutna cabi dana biliaun. Qee dodom hina dana leih agena silail eu fagheiaunnu. Hinadodoc Anut amegna wawin cataniec biligiannu cofdogale.

Jahunec Je Camasac Muden 18:4

Odocob ija jejeg oso sao jobonnadec dah mimigin maden: “Uqana silail eu am ben bahic, eu mahanadec saona tecwe. Anut uqa uqana qisol mec odonnu cisdona. Eunu ijana dana cajaca, age uqaca gabandumeig uqaca silail mowainnuca age uqaca gabandumeig uqaca ameg wadacowainnuca age cuculdi cali hoiga!