Efesas 5:19 - Bal cehec je haun

¹⁹ Age samnaca, kalamnaca, due Kis Gun iwaladena eunaca je madocobmadocobeigale. Age conogana wawaganaca Tibudnu due sileigale.

Efesas 5:19 Iomraidhean Croise

Matju 15:8

‘Dana cajaca i age conogana binani sulegina age wawagaqa eu qisactec bilina.

Matju 26:30

Odocob age binan sulec due silimeig age taun ben cuculi Oliw Aluhna belein.

Aposel 16:25

Euqa witic tu gemo bahic Pol Sailasca inondodosi Anut binan sulec due sisilesin gihacdoc dana age dah mali nijein.

1 Korin 14:15

Eunu ija adi odigen? Ija doloninaca ijana cisdocnaha inondugen. Ija doloninaca ijana cisdocnaha due siligen.

1 Korin 14:26

Ija cotiel, ijana je uqana gug eu odi. Age cuha fecnu cegulegina saen euna oso uqa due silecca hona, oso uqa iwaladecnu jeca hona, oso Anut uqa je jahunec camasac muditon euca hona, oso uqa beilah filna madecnu jeca hona, oso uqa je falicdu sildiadecnu jeca hona. Ceteh cunug odoqagan eu Anutna dana cajaca agena wawaga meleec gagadic mecnu odoigale.

Kolosi 3:16

Kraisna je eu cehewanca bahic, eunu age culdecebil wawagana gagadic biliale. Age cisdoc silecca iwaldocobdocobii bileig, dahiniga hewecebhewecebeigale. Age samnaca, kalamnaca, due Kis Gun iwaladena eunaca Anut hegaga dudu bileig wawagana binan suleigale.

Jems 5:13

Age eundec oso culumen gahidonafi uqa inondoiale. Oso uqa waug me nijinafi uqa Anut binan sulec due siliale.

Jahunec Je Camasac Muden 5:9

Odimeig age due haun oso odi silein: “Age qihecebil cal mem. Hina hinana ihanec cal mecna Anutnu dana caja sihul filfilnadecca, je madec filfilnadecca, dewenega filfilnadecca, hatu filfilnadecca fajadem. Hina odadecem age nawel tawec ihanec dana ibuldoin, age cofaadi bibilebil egena Anut cewel utoin. Age mahamaha cunug agena king biluqagan Eunu hina jaqec je col qoc eu umeg uqana sisi mec libec wagaladecnu ihoc,” ein.