Efesas 4:6 - Bal cehec je haun

⁶ eu Anut osol bilia. Uqa ege dana cajaca cunug Memige, uqa dana cajaca cunug agena ilo bilia, uqa dana cajaca cunug gemo cabi ona, uqa dana cajaca cunug dunuh bilina.

Efesas 4:6 Iomraidhean Croise

Jenesis 14:19

Odimei uqa Ebram eeldudu madon, “Anut Ohis Bahic uqa sao mahaca ifanen eu Ebram eeldoiale.

Matju 6:13

Hina ege temgecna cain ehi li migigaun. Euqa qisol mec kobol eu cagasigagale,’ doigale,” aden.

Matju 6:9

“Eunu age odi inondoigale: ‘O ege Memige, hina sao jobon biligina, hina ijain gun biliale.

Me Je i Jon Jaqen 14:23

Odocob Jisas jejeg hewi madon, “Oso uqa ija naluni mena eu ijana je toodu odigian. Odocob Mei uqa dana eunu nalug migian. Odocob Meica ijaca ele limeu dana eu elena jo bilec uqa dunuh bilewan.

Me Je i Jon Jaqen 17:26

Ija hina ijain camasac iwaladem. Odimig hina naluni mec item eu age wawaga dunuhna biligiannuca, ijaha age dunuhna biligennuca ija hibna camasac iwaladigen,” don.

Me Je i Jon Jaqen 20:17

Odocob Jisas uqa madon, “Ija Memige Anutca ceseli ohis qee tec nijia. Ija cain hewitigaun. Euqa ija cotielca limeg maadaga, ‘Ija Meica age Memegaca, ijana Anutca agena Anutca cemenug tigina,’ adaga,” don.

Pol Uqa Jaqec Je Oso Rom Tamanec Jaqiaden 11:36

Qee bahic! Anut uqa ceteh cunug ifanen. Eunu ceteh cunug bilegina. Odocob ceteh cunug eu Anutnu himec bilegina. Ege uqa binan sulocomun cataneiale! Mele!

1 Korin 12:6

Odocob cabi oc filfil nijia qa Anut eu osol, uqa odigeceb ege cunug cabi ocnu ihoc lena.

1 Korin 8:6

egenu Anut osol bilina, ege Memige. Uqa ceteh cunug ifanec gug, odocob uqanu ege biluquna. Tibud osol dih bilina, uqa Jisas Krais. Uqa ceteh cunug ifanen, odocob ege uqanadec cebac bilec oqona.

2 Korin 6:16

Anutna tempelca kadan tibudna bahimca eu adi gabandosina? Ge, Anut cebac bilina uqana tempel eu ege! Anut uqa odi madena: “Ija age gemo bilimig cobigen. Ija agena Anut biligen. Odocob age ijana dana cajaca biluqagan,” ena. (Wok Pris 26.12; Jeremaia 32.38; Esekiel 37.27)

Efesas 1:21

Odocob Krais uqa ohis bahic bilia. Uqa king bilec cunugca, ilo bilec cunugca, gagadic odoc cunugca, cofadec cunugca eu saona mahanaca bilegina wooladec ohis bilia. Odocob uqa dana qila saen ina ijanagaca bilegina isi saen hibna ijanagaca biluqagan eu cunug wooladec bilia.

Efesas 2:22

Ageha age Kraisca gabanadec bilegina, odocob Anut uqa age uqana dana cajaca leih gami osoben gabanadena, eu age Anutna jo bahic tawegina, jo euna Anutna Kis biligiannu.

Efesas 3:17

Odocob age Kraisnu wawaga meleecna Krais uqa age wawaga dunuh biligiannu inondugina. Odocob agena dana cajaca cunugnu nalunuga mec eu age wawagana wasimei duuec tawigiannu inondugina, eu odiwe na bebeig eu maha gagadic heweceb na duuec tawena.

Efesas 6:23

Malol bilec ageca biliale. Memige Anutca Jisas Krais Tibudca ale cesuladecebil age wawaga meleeceb wawige meleec cotigeil nalunuga meigale.

1 Jon 3:24

Cunug age Anutna je gagadic eu toodu odogina eu age uqaca gabandoc bilegina. Odocob ege uqa Kis Gun igen eunu uqa egeca gabandoc bilina ec doqona.