Efesas 4:23 - Bal cehec je haun

²³ Age Anut culdecebil agena cisdocca, wawaga madecca waticduadeceb haun ibuldugian.

Efesas 4:23 Iomraidhean Croise

Pol Uqa Jaqec Je Oso Rom Tamanec Jaqiaden 12:2

Odocob age dana mahanadec cobogina odi cain tooadi cobowain. Euqa age Anut culdecebil agena cisdoc isindocob agena coboc haun ibuldugian. Odocob age Anut eeta gale dona eu doqagan. Euha cel ceteh eu me, eeta odocomun Anut egenu waug nijigian euha doqagan. Cel kobol eu ihoc bahic ege odocnu euha doqagan.

Pol Uqa Jaqec Je Oso Rom Tamanec Jaqiaden 6:4

Odocob Memige Anut uqa uqana kobolkobolna Krais Jisas cal mecnadec tulidocob cajen. Eu odiwe egeha sanan mi cebac bilec jic haun toodocnu Anut ege cal mecnadec tuligeceb cajeqannu wa joigecna ege Krais Jisasca gabandom, odocob Anut ege Krais Jisasca osoben qalqalna heel cisigen.

Efesas 2:10

Ge, Anut uqadodoc ege migen. Uqa ege Krais Jisasca gabangec cabi me oqannu migen. Anut uqa wele cabi me oc eu ege jic euna cobeqannu saciadon.

Taitas 3:5

uqa cahahagen. Ege tutuc odoc mati nijen eunu qee cahahagel. Euqa Anut uqana eelgec uum igecna ege dana cajaca ititom ecnuca, odocob ege Anut huqanehul ibuldumeb cebac bilec catanec ocnu sumuduquna eu dunuh leqannuca uqa egenu waug qocob cahahagen. Anut uqa Kis Gunna cahahagen. Kis gun wa joigimei ege haun basigeceb cebac bilec haun igen. Jisas Krais egena Cahahagec eunu Anut uqa Kis Gun eu dewenigena meca basecdon.

1 Pita 1:13

Eunu age agena cisdoc tutuc mudimeig dumanaga cofdu cuhadu bileigale. Age agena cisdoc cunug gabandumeig Jisas Krais camasac cali hugiannu sumudeigale. Odocob age Anut uqa eeladec me bahic saen euna uum adigiannu gaid cisdoigale.