Efesas 4:19 - Bal cehec je haun

¹⁹ Age kobol me qee odoginanu majanaga qee adena. Age wal kobol majanagaca qee odocnu gale adena, age kobol me qee filfil gegehinca odocnu wawaga cajena.

Efesas 4:19 Iomraidhean Croise

Me Je i Mak Jaqen 7:22

ameg qocob ceteh occa, qisol mecca, uhulec jeca, wal kobol majagca qee odocca, um qoc madecca, deboi cobocca, osona ceteh feceb gale docca, gad odocca eu cali hona.

Efesas 4:17

Aria, ija Tibud ijanna je i ulauladigina, age haiden dana agena kobolna cain cobowain. Haiden age wawaga eu tahac qon. Eunu agena cisdoc eu ceteh gauc, agena cisdoc eu tuca. Eunu age Anutnu docca qee bilegina, odocob age Anut cebac bilec igina euna qee bilegina.

Kolosi 3:5

Eunu age kobol me qee mahanadec wawagana cabi ogina eu qocobil cal meia. Wal kobolca, kobol gegehin odocca, belicanaga me qeeca, gale adec me qeeca, odocob ceteteh mati bahic ocnu amaga qona. Ge, ceteteh mati bahic ocnu kobol eu odi kadan tibudnu cuha fec kobol cinigwe.

1 Timoti 4:2

Uhulec dana eundec age uhulec kobol odimeig uhulec je i dana cajaca iwaladegina. Dana eundec agena cisdoc silec dalul aqeceb agena silailnu qee tebandogina.

1 Pita 4:3

Ge, wele age haiden dana kobol me qee odocnu gale ben adoloi euna ihoc bilein. Agena bilec eu wal kobol majanagaca qeeca, eu gale adec me qeeca, eu ceu jecebil dalul aqecca, eu ja qoqoig dana age cajaca nijegina euca, eu kadan tibud cuha fecca.

2 Pita 2:22

Ceteh ageca calen eu odi dado madec je oso odi madena: “Qa uqa fojimei haun ceseli li uqana fojoc jena,” ena. (Sindaun 26.11) Odocob dado madec je osoha eu odi madena, “Age ho wa joudecebil uqa nui haun oligna wahol nona,” ena.

Jud Uqa Jaqec Je Oso Anutna Dana Cajaca Jaqiaden 1:11

Dana eu age walocca bileigale! Ge, age Keinna kobolna jic coboin. Age meen qaig ocnu dih gagadic cisdogina eu odiwe Belam wele odon. Age Anut feedogina odiwe Kora eu wele odon. Age agena feeecna fadaloqagan.