Efesas 3:5 - Bal cehec je haun

⁵ Wele bahic Anut uqa dana cajaca je jahunec i oso qee camasac mudi maadel. Qilaqa uqa uqana aposel gunca je hahun madec danaca je jahunec i Kisna camasac mudi maaden.

Efesas 3:5 Iomraidhean Croise

Matju 13:17

Ija mele maadigina, je hahun madec danaca tutuc coboc eundecca wele bilein mati age, age qila fegina eu fecnu wawaga ben hoolen euqa age ceteh eu qee felein. Dana eundec age, age qila dah megina eu dah mecnu wawaga hoolen euqa age je eu qee dah melein,” aden.

Matju 20:7

Odocob age madoin, ‘Oso cabi ocnu qee hu magel,’ doin. Odocobil uqa maaden, ‘Ageha ijana wain cabina belimeig cabi oigale,’ aden,” aden.

Matju 23:34

“Eunu feiga. Dana cajaca ititom cunug mahana bilein eu age golanaga basecdocob age dewenegana hugian. Age wele dana cajaca ititom aqecebil cal mein eu Ebelna golac basecdoc sanijec euna sanan mimei ehi lili Sekaraiana golac basecdoc ihoc len. Sekaraia, uqa Berekaia melah, age tempel hamol gunna ihanec cabalca gemona qocobil cal men. Wadacdoc eu cunug ititom sihul i dewenegana hugiannu ija je hahun madec danaca, Anutnu doc silecca danaca, Anutna je iwaladecca suladecemin ageca loqagan. Eundec age leih aqecebil cal moqagan. Leih na babalecna tuitu aqimeig caqusadecebil caculimeig cal moqagan. Leih age agena cuha jonana qisaadimeig aqati tootooadoqagan. Jobon osona bibilebil ititacadecebil busali jobon osona li bibilebil tooadi li ititacadoqagan.

Me Je i Luk Jaqen 11:49

Je gug eunu Anutna doc maden, ‘Ija je hahun madec dana sos cabi danaca suladigen. Odocob eu age leih aqecebil cal moqagan. Odimeig leih aqati tootooadoqagan,’ en.

Me Je i Jon Jaqen 14:26

Agena Tutuanaga Oc eu Kis Gun, Memige Anut uqa ija ijanina sulduadigian eu humei uqa ceteteh cunug iwaladigian. Odimei uqa je cunug ija age maadem eu tulidocob dahiniga qolocijigian,” aden.

Me Je i Jon Jaqen 16:13

Euqa mele jenu meleecnu Kis eu humei uqadodocnadec je qee maadeiaun qa uqa dah mena eu maadigian. Odimei ceteh hibna caligian euha maadigian. Eunu uqa mele je cunug doqagannu dado madigian.

Aposel 10:28

Odocob Pita maaden, “Agedodoc eu dogina, Juda agena loo je odi madena, ‘Juda dana age Juda dana qee eundec agena jona cain lowain, age gami cain ihol mowain,’ ena. Euqa Anut ija dana oso hina qee eeldocfo, gegehincafo ec cain madagaunnu eu ihacten.

Pol Uqa Jaqec Je Oso Rom Tamanec Jaqiaden 16:25

Me je ija qasali madigina eu Jisas Kraisnu me je. Me je eu wele bahic jahunec bilen eu qilaqa Anut uqa camasac muden. Anut uqa me je euna agena wawaga meleec gagadic tawigiannu ihoc odona.

1 Korin 2:10

Euqa dana uqa dana osona cisdoc qee dona. Dana uqadodoc dolog eu uqana cisdoc cunug du cuhadona. Eu odiha Anutna Kis uqa dih Anutna cisdoc du cuhadona. Odocob Anutna Kis eu ceteh cunug wali fena. Odocob uqa Anutna cisdoc jahuni nijia euha wali fena. Eunu Anut uqa uqana Kisna uqana je jahunec ihacgeceb eu egenu camasac men.

Efesas 2:20

Age Anut jo cehenwe odi. Uqa ege aposelca je hahun madec danaca jo i uqana nah cehen. Odocob Krais Jisas uqadodoc uqa jo i uqana nah man nohinoh bahic!

Efesas 3:9

Anut uqa ceteteh cunug ifanen. Uqa ceteh cunug odigiannu casac uqana cisdoc jahunen. Uqana cisdoc eu wele saensaen cunugna jahunec bilen. Qilaqa Anut uqa uqana cisdoc jahunec adi caligian eu dana cajaca cunug qasali maadecemin foqagannu cabi i iten.

2 Pita 3:2

Ija je inu haun maadiginana age Anutna je hahun madec dana age wele ceteh hibna caligiannu dana cajaca maaden eunu haun cisdoqagannu maadigina. Odocob age Tibud egena Cahahagec uqana loo je magen eunuha cisdoqagannu maadigina. Tibud uqa uqana aposel suladeceb ageca limeig aposel conogana Tibudna loo je eu dah mein.

Jud Uqa Jaqec Je Oso Anutna Dana Cajaca Jaqiaden 1:17

Euqa ijana danah bahic, age wele egena Tibud Jisas Krais uqana aposel age ceteh hibna caligiannu je madein eunu haun cisdoiga.