Efesas 2:8 - Bal cehec je haun

⁸ Ge, Anut uqa uqana eelgec uum igecna age wawaga meleeceb cahahaaden. Odocob eu agena odocna qee, eu Anutna bagol igec himec.

Efesas 2:8 Iomraidhean Croise

Matju 16:17

Odi madocob Jisas madon, “O Saimon, Jon melah, hina eelhec biliga. Mahanadec dana oso je eu qee camas mihel. Eu Mei sao jobon bilia eu uqa je i camas mihia.

Matju 20:9

Uqa utaadeceb hocobil cam waldoc 5 kilokna cabina lein eundec kina osol aden.

Me Je i Mak Jaqen 16:16

Oso me je eunu waug meleeceb wa joudec ocobfi Anut cahahadugian. Euqa oso me je eunu waug qee meleecebfi Anut uqa geuldigian.

Me Je i Luk Jaqen 7:50

Euqa Jisas caja eu madon, “Hina wawin meleec eu me cahahaheia. Hina wawin malolca nuugale,” don.

Me Je i Jon Jaqen 3:36

Oso uqa Anut Melahnu waug meleena eu uqa cebac bilec catanec eu wele on. Oso uqa Anut Melah je madena eu toodu qee odona eu cebac bilec catanec qee feiaun qa Anutna gemag bec eu uqa deweg fagdona.

Me Je i Jon Jaqen 4:10

Odocob Jisas jejeg hewi madon, “O caja, hina bagol Anut uqa dana caja adena eu doummiqa, hinaha in maheia, ‘Wa wetitaga jiga,’ heia euha doummiqa hina uqa sisildoum, ‘Wa itiga,’ doum, uqa cebac bilec wa oso iheceb joum,” don.

Me Je i Jon Jaqen 5:24

“Ija je mele maadigina, oso ijana je dugiaqa, sulten eu uqana jenu waug meleigiaqa, eu uqa cebac bilec catanec wele on. Uqa gesildocna qee leiaun qa uqa cal mecnadec cebac bilecnana wele leti len,” aden.

Me Je i Jon Jaqen 6:35

Jisas maaden, “Ija cebac bilecnu bred. Oso ijaca hugiaqa haun wen qee doiaun. Oso ijanu waug meleeceb haun wa gab qee doiaun.

Me Je i Jon Jaqen 6:37

Dana cajaca cunug Memige Anut itina eu ijaca hoqagan. Oso uqa ijaca hocob eu ija qee ititacdugaun.

Me Je i Jon Jaqen 6:65

Odimei uqa haun maaden, “Gug odi nijianu ija maadem, oso uqadodoc ijaca hocnu ihoc qee nijel. Memige Anut odudeceb ijaca hocnu ihoc eu ijaca hugian,” aden.

Aposel 13:39

Odocob age Mosesna loo je toodoginana dih Anut uqa agena silail cagasiadecwe qee. Euqa age dana inu wawaga meleecebfi uqa ihoc agena silail cagasiadigian.

Aposel 14:27

Odimesi ale Antiok ceseli humesi ale tamanec cunugca gabanadimesi Anut cabi cunug ale gami cabi oinnu saadesin. Juda dana qee Anut jic hudeceb uqanu wawaga meleennu ha saadesin.

Aposel 15:11

Anut uqa Jisas Tibud uqana uum igecna cahahaadigianwe uqa odi egeha Jisas Tibud uqana uum igecna cahahagigian eunu wawige meleena,” aden.

Aposel 16:14

Caja oso uqa cegulec euna bilen uqa egena je dah men eu ijan Lidia. Uqa Taiataira taun bendec, lotoc golca idadu suldoloi. Uqa Anut binan suloloi. Odocob Tibud uqa odudeceb Lidia uqa waug fogo docob Pol je mamaden dah mudi bilen.

Aposel 16:31

Odocob ale jejeg hewi madosin, “Jisas Tibudnu wawin meleeia. Odocob Anut hinaca, age cunug hinana jona bileginaca cahahaadigian,” dosin.

Pol Uqa Jaqec Je Oso Rom Tamanec Jaqiaden 10:14

Euqa age uqanu wawaga qee meleecebfi adi uqa ijan utadoqagan? Odocob age uqana je qee dufeig eu adi uqanu wawaga meleigian? Odocob oso uqa me je qee qasali maadecebfi eu adi doqagan?

Pol Uqa Jaqec Je Oso Rom Tamanec Jaqiaden 10:17

Eunu oso Kraisnu qasali maadeceb age me je dah megina. Odocob dana cajaca age me je dah mimeig wawaga meleena.

Pol Uqa Jaqec Je Oso Rom Tamanec Jaqiaden 4:16

Je hahun Anut Ebraham madon gug eu waug meleec. Eunu je hahun eu uqana aig qoc eu gagadic odocca bibileb Anut uqa eelgec uum igec bagolwe Ebraham uqana sihul cunug hibna cali hoqagan eu mahamaha cunug adigian. Je hahun eu dana cajaca age loo je hewegina eu agena himec qee qa dana cajaca Ebrahamna waug meleec jic toodogina eundec cunug agena. Ebraham uqa ege memige matu.

Pol Uqa Jaqec Je Oso Rom Tamanec Jaqiaden 4:5

Euqa dana oso uqa ititom coboc cabi qee ona qa uqa Anutnu waug meleena, Anut eu uqa silail mec dana eu uqa dana ititom ec madena. Dana eu uqana waug meleec Anut fena eunu uqa dana ititom ec madena.

Pol Uqa Jaqec Je Oso Rom Tamanec Jaqiaden 9:16

Eunu Anut uqa dana osoosofo gesildon eu danana cisdocnaca danana cabi ocnaca eu odi qee odona. Euqa Anut uqa uqana waug qocna himec dana gesildon.

Galesia 3:14

Eeldoc Anut uqa Ebraham uten ec maden eu Anut uqa Jisas Krais odocna Juda dana qee eundec adigiannu Krais uqa odi odon. Eunu ege egena wawige meleecnu Kis Anut uqa eu igigian ec maden eu oqannu odi odon.

Galesia 3:22

Euqa Anutna jaqec je madi madena, dana cajaca age mahamaha cunug bilegina eu silail cilehadena, ena. Eunu dana cajaca age Jisas Kraisnu wawaga meleena eu age Anut uqa je hahun maden eu adigiannu odi nijia.

Efesas 1:19

Odocob ege Anutnu wawige meleena uqana gagadic odoc euna cesulgena eu gagadic bahic ec doqagan. Anutna gagadic odoc ege sanijecnu ihoc qee. Uqa uqana cabi eu ege uqana gagadic odocna oqona.

Efesas 2:10

Ge, Anut uqadodoc ege migen. Uqa ege Krais Jisasca gabangec cabi me oqannu migen. Anut uqa wele cabi me oc eu ege jic euna cobeqannu saciadon.

Efesas 2:5

Ege egena silailna cal mec bibiluqun uqa oigimei Kraisca gabangeceb cebac biluquna. Anut uqa uqana eelgec uum igecna cahahaaden.

Filipai 1:29

Eetanu? Anut uqa age Krais cewel utoc cabi aden. Odocob cewel utoc cabi eu odi. Age uqanu wawaga himec qee meleena qa age uqanu wawaga meleeceb age uqa ijannu dain adecha gahidogina.

Kolosi 2:12

Odocob age wa joc oin saen euna age Kraisca heel cisadein. Odocob age wa jocna ha age Kraisca ceseli cajein, eu Anut uqa Krais tulidocob cal mecnadec ceseli cajen eu uqana gagadic odiodiecnu wawaga meleecna age ceseli cajein.

2 Tesalonika 1:9

Odocob age ameg fadalec catanec oqagan. Age Tibudna fulacdoc ben bilec gagadic odocca euna qee biluwain, odocob uqa cemenug qee biluwain.

Hibru 6:4

Dana leih age wele Anutnu fogo doc eu oin. Age bagol adec sao jobon ohisdec ageca nena eu wele jein. Odocob Kis Gun ageca wele nen. Eu age wele Anutna je temdumeig doin eu me bahic. Age Anutna kobolkobol odocca gesiladec gagadic odoc eu deel hib cit qocna ha eu odi caligian ecca wele doin. Dana eundec age wawaga meleec culecebilfi adi haun tului falicdocobil wawaga meleigian? Kobol eu odina eu agedodoc Anut Melah haun na babalecna tuitu qocobil cal mena. Odimeig age dana amagana uqa qesaldoqaga bili odi odogina. Eunu dana eundec age haun ceseli humeig wawaga falicdocnu jicca qee.

1 Pita 1:5

Age Kraisnu wawaga meleena, eunu Anut uqa uqana gagadic odocna uqa age cahahaadigiannu cofadi cuhadona. Odocob agena cahahaadec eu saciadon bilia eu deel cit qocna camasac mudigian.