Efesas 2:3 - Bal cehec je haun

³ Eu mele, ege cunug wele dana cajaca eundec gemo bilolob, odocob ege dewenigena gale gec me qee eu toodolob. Ege dewenigenaca egena cisdocnaca gale gec me qee eu toodu odolob. Eunu ege Anut ameg me qee wadacgec ocnu ihoc bilolob. Ameg me qee wadacadec eu Anut saciadon nijia, uqa dana cajaca cunug uqana je tefacdogina eu wadacadigiannu nijia.

Efesas 2:3 Iomraidhean Croise

Jenesis 5:3

Saen Adam uqana cabi gel 130 eu odi bibili bilei uqa aideg mel oso basen. Mel eu uqa cinigwe uqa hahun umei cali hon. Odocob uqa ijan Set qon.

Jenesis 6:5

Aria Tibud uqa dana cajaca mahanadec agena qisol mec eu ben bahic fen. Agena cisdoc me qeeca golanaga me qeenu sililecca odi nijen.

Jenesis 8:21

Odocob Tibud uqa dedeman eu tinca don. Eunu uqadodoc waugna maden, “Dana age melnadec agena qisol cisdoc eu gaid odi nijina. Eunu hibna ija dananu maha haun qee geldugaun. Ceteteh cunug mahana cobogina eu qila fadaladiga odiwe haun qee fadaladigaun.

Me Je i Mak Jaqen 4:19

euqa maha bilecnu jaen aqecca, maha cehewan ocnuca, ceteh filfil ocnuca waug madec eu wawagana humei Anutna je cilehdocob aig qee qogina.

Me Je i Jon Jaqen 1:13

Age Anutna mel cali hoin eu dana gale adecnafo, age dewenega gale docnafo anagail memegail golanagana qee basadelein euqa Anut uqadih odocna cali hoin.

Me Je i Jon Jaqen 8:44

Ageqa memega Setenna mel bilegina. Memega eu waug gale dona eundec age toodocnu gale adena. Gug qoc saennadec uqa dana aqecnu tawena. Mele je madec eu uqa waugna qee tawel. Eunu uqa mele je qee madena. Uqa uhulec je madec dana, cunug age uhulegina eu agena memega. Eunu uqa uhulec je madena eu uqadodoc duman toodu madena.

Aposel 14:16

Saen wele uqa culadeceb dana mahamaha bilegina agedodoc agena cisdoc toodu coboin.

Pol Uqa Jaqec Je Oso Rom Tamanec Jaqiaden 1:24

Eunu dana cunug age Anutnu mele je culimeig uhulec je oin. Odocob eu age Anut hibemdumeig ceteh Anut ifanen eu binan sulegina, odimeig ceteh eu cewel utogina. Euqa Anut ceteteh cunug ifanen eunu dana ege Anut binan sulocomun cataneiale! Mele. Eunu Anut uqa felacadeceb agena gale adec me qee wawagana nijia eu diadeceb age silail mimi coboin, odocob agedodoc dewenegana kobol gegehinca mudein.

Pol Uqa Jaqec Je Oso Rom Tamanec Jaqiaden 11:30

Anut uqa dana cajaca cunug age uqana loo je tefacdoginanu uqa ameg me qee wadacadigen ec maden. Eunu uqa dana cajaca cunugnu waug qona. Eunu age Juda dana qee eundec, age wele Anut filedoin. Qilaqa Isrel age Anut filedoinnu Anut agenu waug qoc ageca bilen. Eu odiwe Anut agenu waug qoc ageca bilennu Isrel age Anut agenu waug qoc oqagannu age qila Anut filedogina.

Pol Uqa Jaqec Je Oso Rom Tamanec Jaqiaden 13:14

Euqa age Krais Jisas Tibud umeig han lotoc cinigwe taqeiga. Odimeig dewenegana gale doc me qee toodocnu cain cisdowain.

Pol Uqa Jaqec Je Oso Rom Tamanec Jaqiaden 2:14

Juda dana qee eundec age Mosesna loo jeca qee, sihul euqa age leih loo je toodu odogina. Dana eu age loo jeca qee age odi odocobil agena toodu odoc eu agedodocna loo je cinigwe.

Pol Uqa Jaqec Je Oso Rom Tamanec Jaqiaden 5:10

Ge, wele ege Anutca cad bibiluqun saen euna Anut Melah cal men euna uqa cad kobol eu qee mudimei Anut egeca tanawigen. Eunu qila ege Anutca tanawigec biluqa euna Anut uqa Melah cebac bilecna ege cahahagigian eu tutuc bahic doqona!

Pol Uqa Jaqec Je Oso Rom Tamanec Jaqiaden 5:9

Krais uqa cal meceb uqa golacna Anut ege dana cajaca ititom ec ijanige wele qon. Eunu ege qila tutuc bahic doqona, eu ege gehgeh cesulgigian, odocob ege Anutna gemag bec qee gulucdoqaun.

Pol Uqa Jaqec Je Oso Rom Tamanec Jaqiaden 6:12

Silail kobol eu age dewenega eu cal mena cain culdocobil cilehadeiaun. Age dewenegana gale doc me qee eu cain toodowain.

Pol Uqa Jaqec Je Oso Rom Tamanec Jaqiaden 7:18

Ija wawina ceteh me oso qee bilel eu ija dugina, eu ija dewenina madigina. Ija wawi hilahnu himec madigina. Ija kobol me odocnu ihoc gale tena qa ija kobol me eu odocnu ihoc qee odigina.

Pol Uqa Jaqec Je Oso Rom Tamanec Jaqiaden 9:22

Anut uqa uqana kobolkobol gagadicca egenu uqa waug qoc camasac mudecnu gale don. Ege uqana kobolkobol ceteh me bahic amca ocnu uqa wele hanoigen. Egeha uqa utagen, ege Juda sihulnadec himec qee utagel qa ege Juda dana qee eundec sihulnadec euha utagen. Eunu Anutna odoc eu odiodi odon. Uqa uqana gemag bec camasac mudecnuca, uqana gagadic odoc dana cunug fecnuca eu gale don. Eunu agenu gemag bena uqa fadaladecnu mudaden eu camuhulaadi saen cecelac fadaladecnu sumaden.

1 Korin 4:7

In uqa hina dana ben mihen? Hina cel ceteh eu hina Anutnadec qee olom? Eu mele, hina Anutnadec dih omfi eetanu hinadodoc eu ceteh i gugwe odi hinadodoc ina binain suluguna?

2 Korin 7:1

O ijana danah bahic, je hahun i Anut maden eu ege wele om. Eunu ege kobol gegehinca cunug ege dewenige dolonigeca euna nijia eu wasacudimeb Anut cumundudu uqanu qagu coboqale.

Galesia 3:22

Euqa Anutna jaqec je madi madena, dana cajaca age mahamaha cunug bilegina eu silail cilehadena, ena. Eunu dana cajaca age Jisas Kraisnu wawaga meleena eu age Anut uqa je hahun maden eu adigiannu odi nijia.

Efesas 2:2

Saen euna age maha uqana qisol mec kobolna coboloig. Age buga me qee saona bilegina eu agena ilo toodoloig. Kis me qee gagadicca eu uqa dana cajaca age Anutna je tefacdogina eu wawaga dunuh cabi ona.

Efesas 4:22

Wele ageha deweg hilah uqadodoc golac me qeenu sililec eu toodu odoloig, eu agenel qauaadi me qee bahic moloi. Euqa qila age deweg hilah uqana kobol eu huli heleiga.

Kolosi 1:21

Ageha age saen osona Anut cemenug qee bilelein. Age qisol mimi age cisdoc me qee cisdoloig eunu age uqana cad onoca bahic bilein.

1 Tesalonika 4:13

Ege wawige meleec cotigeil, wawaga qee meleec dana cajaca age waloc adenawe odi age qee waloc adeiaunnu gale gena. Dana cajaca eundec age Anut cal mecnadec tuliadeceb haun cebac biluqagannu qee sumudegina. Eunu age dana cajaca age wele cal mein eu cel ceteh agenu caligian eu doqagannu gale gena.

1 Tesalonika 5:6

Dana age us nijegina age witic us nijegina. Odocob dana age ceu jecebil dalul aqena age witic ceu jecebil dalul aqena. Eunu leih age us nijeginawe ege odi cain us nijuqaun. Euqa ege amige cebac biluqale, ege dumanige cofdoqale.

1 Timoti 6:9

Euqa meen qaig ocnu gawec eu kobol me qeenu gug. Dana leih age wawaga meen qaig ocnu gawec kobol eu diadeceb age wawaga meleec culein. Odocob age culumen sogoec ben gahidogina. Eunu dana age mahana cehewanagaca bilecnu wawaga madena, eu age temadecna toni aqena. Eu aisaisna leginawe odi loqagan. Ageha gadwe odocca golanaga mahana ceteteh ocnu sililec euca fadalecna ehi li madena.

Taitas 3:3

Ge, ege egedodoc wele cisdoc silecca qee, je toodu odocca qee, qauadecca cobolob, odocob ege ceteh ilagnu amige qocca, golanige me qeenu sililecca toodu cobolob, ege cus mimi bili qisol mec kobol odadolob, ege dana osona ceteteh ocnu amige qoloi, dana age sagaggoloig, egeha sagagdocobdocobi cobolob.

1 Pita 1:14

Age mel sim je toodu odoginawe odi odoigale. Wele age docca qee, odocob age wawaga cajecna kobol toodu odoloig. Qila age kobol eundec haun toodu odocnu cain cisdowain.

2 Pita 2:14

Age gaid caja feciadimeig amaga qocob wal kobol eu me ec cisdogina. Age amaga eu silail kobol nenehdogina eu culecwe qee. Age dana wawaga meleec gagadicca qee eundec faninadimeig silail moqagannu diadegina. Age culunuga eu wele ban falecnu kobol iwaldoin. Tibud uqa dana eundec geladigian!

2 Pita 2:18

Ge, dana eu age deboi gad je caunca qee madegina. Age mamadeig dana leih faninadecebil golanaga cajeceb age wal kobol majanagaca qee filfil odocnu odadegina. Odimeig age kobol euna dana age qila bahic haiden agena jic ceja qoc culegina eu diadecnu cabi ocobil age uhulec iwaladec dana beli tooadegina.

1 Jon 2:8

Tu eu qee mena, odocob fulacdoc mele bahic eu wele fulacdona. Eunu je gagadic eu Krais uqana cebac bilecna eu mele ec fein. Odocob je gagadic eu agena cebac bilecna eu mele echa fegina. Euqa je i qila jaqiadigina euha je gagadic haun.