Efesas 1:3 - Bal cehec je haun

³ Anut ege Kraisca gabangi biluquna eunu eelgen, uqa eeldoc cunug eu saona gunnadec ege dolonige cesuldocnu igen. Eunu ege egena Tibud Jisas Krais uqa Memeg Anut binan suluqale!

Efesas 1:3 Iomraidhean Croise

Jenesis 14:20

Anut Ohis Bahic hina cesulheceb han wooldoga eu binan suleqale,” don.

Jenesis 22:18

Hina ijana je toodu odoga. Eunu mahamaha hatu cunug eeladigen eu odiwe hinana sihul eeldugen,’ ena,” don.

Me Je i Luk Jaqen 2:28

Simion uqa mel eu umei ebenna hehewi Anut hetaga don. Uqa maden:

Me Je i Jon Jaqen 14:20

Saen euna ija Mei dunuhna biligina, age ija dunuhna bilegina, ija age dunuhna bilegina eunu age wawaga fogo dugian.

Me Je i Jon Jaqen 17:21

Mei, hina ija dunuhna biligina, ija hina dunuhna biliginawe eu odi age ele dunuhna bilimeig age cunug wawaga osol migiannu inonhigina. Eunu age odi wawaga osol mi bilecnana mahanadec eundec age hina ija sultem eunu wawaga meleigian.

Me Je i Jon Jaqen 20:17

Odocob Jisas uqa madon, “Ija Memige Anutca ceseli ohis qee tec nijia. Ija cain hewitigaun. Euqa ija cotielca limeg maadaga, ‘Ija Meica age Memegaca, ijana Anutca agena Anutca cemenug tigina,’ adaga,” don.

Pol Uqa Jaqec Je Oso Rom Tamanec Jaqiaden 12:5

Eu odiwe, ege mati bahicha, ege cunug eu Kraisca gabandoc deweg osol biluquna. Odocob deweg amihilon mati bahic age gabandoc bilia eu odi egeha cunug osolosol gabandoc biluquna.

Pol Uqa Jaqec Je Oso Rom Tamanec Jaqiaden 15:6

Eu odina age wawaga osol memeig conoga gabandumeig Anut binan suleigale, Anut uqa egena Jisas Krais Tibud Memeg.

1 Korin 1:30

Odocob Anut uqa age Krais Jisasca gabanadeceb bilegina. Odimei Anut uqa Krais Jisas eu egena cisdoc silecca muden. Odimei uqa Krais Jisas umna ceseli fajigen. Odimei uqa Krais Jisas umna ege dana cajaca ititom ec maden. Odimei uqa Krais Jisas umna ege dana cajaca qagu biluquna ec maden.

1 Korin 12:12

Dana deweg eu osol, odocob uqa cabi ocnu nahanaha mati nijadegina. Euqa deweg nahanaha eu mati, odocob cunug age deweg osol. Eu odiwe Krais uqana eundec egeha deweg osol.

2 Korin 1:3

Ege egena Tibud Jisas Krais uqa Memeg Anut binan suluqale! Uqa ege Anut Memige, odocob uqa egenu waug qoc cesulgecca gug.

2 Korin 11:31

Anut uqa Jisas Tibud Memeg ege binan sulocomun catanena eu uqa ija qee uhuligina ec dona.

2 Korin 5:17

Eunu dana oso Kraisca gabandoc bilina eu uqa dana haun. Weledec eu jausen, odocob uqana bilec cunug haun ibuldon.

2 Korin 5:21

Ge, Anut uqa Krais, uqa silail osol qee mel, eu ege hehulgi egena cudunna silailcawe tawigiannu muden. Eunu ege Kraisca gabandoc bilecna Anutna dana ititom ibuldocnu odon.

Galesia 3:9

Odocob Ebraham waug meleeceb Anut eeldon. Eunu cunug age wawaga meleena eu age Anut uqa eeladena, eu odiwe uqa Ebraham eeldon.

Efesas 1:10

Uqana ceteh eu odigiannu cisdon eu odi. Uqa ceteteh cunug ifanen eu dado mumudeb lili saen uqa wele gadac menna uqa ceteteh cunug, eu saona gunnadec mahanadecca, Kraisca gabandocob Krais uqa cunugnu ilo biligian ec cisdon.

Efesas 1:17

Ija agenu Jisas Krais egena Tibudna Anut, uqa Memige fulacdoc benca gagadic odocca, odi inondugina. Anut uqa doc silecca cisdoc fogo adecca adeiale, odocob age uqanu du cuhadoqagannu ec inondugina.

Efesas 1:20

Anut uqa uqana gagadic odoc euna wele uqana cabi eu Kraisna u hedon. Uqa Krais cal mecnadec tulidumei saona gunna ehudi ti uqa eben meulana isec mudeceb bilen saen euna uqa uqana cabi u hedon.

Efesas 2:6

Odocob uqa ege Krais Jisasca gabangi uqaca tuligimei ehigi ti uqaca saona gun ohis migeceb ege uqaca king biluquna.

Efesas 3:10

Wele Anut uqa ceteh oso jahunen, euqa qila uqa uqana tamanecna uqana cisdoc silecca filfil bahic eu camasac muden, king bilecca ilo gagadic odocca age sao ohisna bilegina eu age doqagannu.

Efesas 6:12

Ge, ege age dana dewenega golanagaca eundecca qee cadoqona qa ege tibud me qee eundecca, kis ilo gagadic odoc eundecca, maha cofadec age tu saen ina maha cunug cofadegina eundecca, buga me qee mati bahic age sao ohisna isec cobogina eundecca eu age gami cadoqona.

Filipai 2:11

Odimeig age cunug beilamaga osol mi Jisasnu madi madoqagan, Jisas Krais uqa egena Tibud, oqagan. Age Memige Anut binan wasigiannu odi odoqagan.

Hibru 8:5

Age cuha jo gun euna nawel tawec ihanec cabi ogina eu sao jobon uqana cuha jo gun bahic eu uqana ihicon qoc. Ge, saen Moses uqa cuha talah jo cehigia oodon Anut uqa Moses odi madon: “Hina cofdu cuhadoga. Hina ceteteh cunug gaga aluhna ihachem eu odi bahic mudegan,” don. (Kisim Bek 25.40)

Hibru 9:23

Age ceteteh mahana nijina eu odi soidocnu odi ihanegina eu ceteteh sao jobon nijina eu ihicon qoc bilia. Euqa ceteteh sao jobon nijina eu soidocnu ceteteh wooldoc ihoc nijia.

1 Pita 1:3

Anut uqa egena Tibud Jisas Krais Memeg. Eunu ege Anut binan suluqale. Uqa egenu waug ben qon. Odimei uqa Jisas Krais cal mecnadec tulidocob haun cajen. Uqa jic euna ege cebac bilec haun igen. Odocob cebac bilec haun eu ege gagadic migeceb ege cebac bilec catanec Anut hibna igigiannu sumudi biluquna.