Efesas 1:22 - Bal cehec je haun

²² Anut uqa ceteteh cunug Krais jaih bisalu men. Odimei uqa tamanec cunugnu ceteteh cunug agena ilo bahic biligiannu muden.

Efesas 1:22 Iomraidhean Croise

Jenesis 3:15

Ija odocomin hina cajaca qocobqocob owasan. Uqana sihulca hinana sihulca gaid cad biluwasan. Hibna caja uqana mel oso uqa ilom tulohdocob hina uqa jaih bisoc qu jegan,” don.

Matju 16:18

Eunu ija je oso mahigina eu odi. Hina Pita, ija meen big gug i tatacan ija ijana tamanec cehigen. Odocob oloqanih uqana cebec gagadicca eu ijana tamanec qee wooldoiaun.

Aposel 20:28

Agedodocnuca, Kis Gun uqa tamanec age ebenegana men eunuca cofdu cuhadoiga. Tamanec eu Tibud uqa Melah uqadodoc golacna ehaden eunu cofadi cuhadoigale.

1 Korin 11:3

Euqa age je inu cisdu cuhadoqagannu gale tena. Dana cunug agena ilo eu Krais. Odocob cajana ilo eu uqa gemug. Odocob Kraisna ilo eu Anut.

Efesas 3:21

Ege Anutna tamanec dana cajaca cunug saen qila hibecha gaidgaid Anut Krais Jisasca binanala sulocomun cataneiale! Mele.

Kolosi 1:18

Uqa tamanecna ilo, tamanec eu uqa deweg. Uqa gug qoc, uqa cal mecnadec ceseli cajec matu. Eunu Anut uqa ceteteh cunug agena aquniadec biligiannu muden.

Kolosi 1:8

Odocob uqa agena nalunuga mec kobol eu Kis Gun uqa aden ec malen.

Kolosi 2:10

Odocob age uqaca gabandocna agena cebac bilec ha am bec bahic men. Krais uqana gagadic odoc eu tibud meca me qeeca cunug agena gagadic odoc wooladena. Krais uqa cunug agena ilo bilina.

Kolosi 2:19

Dana eundec uqa Krais, ege tamanec egena ilo, hewec culen. Krais uqa ilowe deweg cunug cofdudu sab waca utina. Odocob deweg cunug uqana gomahin hilimanagana fagdu libec bilia eu ben mena, odiwe Anut uqa eu ben mecnu gale dona.

Hibru 2:8

Odimeg ceteh cunug uqa jaih bisalu mecem agena ilo bilen,” ena. (Buk Song 8.4-6) Anut dana muden eu ceteh cunug agena ilo ec odi maden, eu ceteh cunug bahic ec maden. Euqa qila ege ceteh cunug eu dana uqa agena ilo qee bilina eu foqona.