Aposel 8:12 - Bal cehec je haun

¹² Euqa saen Filip uqa me je Anutna culnuca, Jisas Kraisnuca qasali maaden eunu dana cajaca cunug wawaga meleeceb wa joc oin.

Aposel 8:12 Iomraidhean Croise

Matju 28:19

Eunu age mahamaha cunug beladimeig dana cajaca ijana malogom madeiga. Age Memige Anut ijanna, uqa Melah ijanna, Kis Gun ijanna wa joadeiga.

Me Je i Luk Jaqen 9:2

Odimei uqa age dana cajaca cunug Anutna culnu je qasali maadoqagannuca, hag me mudiadoqagannuca suladeceb belein.

Me Je i Luk Jaqen 9:60

Odocob Jisas jejeg hewi madon, “Cal mec dana culadecem cal mec eundec agena heel ciseigale. Hinaqa nuimeg Anutna culnu je qasali maadaga,” don.

Aposel 1:3

Saen uqa dain ben umei cal meceb li deel 40 hedocob uqa ceteteh ihacadeceb uqa cebac bilia ec doqagannu uqa uqana aposel eu amagana saen mati bahic camas men. Age uqa fefegin uqa Anutna culnu age gami togodoin.

Aposel 11:20

Euqa Juda dana wawaga meleecca leih Saipras Sairinicadec Antiok taunna belimeig Juda dana qee eundecha Jisas Tibudnu me je qasali maadein.

Aposel 18:8

Krispas uqa Juda agena cuha jo ilo uqaca, uqana jona bileinca Tibudnu wawaga meleen. Odocob dana cajaca mati bahic Korin taun benna bilein age Polna je dah mimeig wawaga meleeceb wa joadec oin.

Aposel 19:5

Age eu odi dah memegin Jisas Tibud uqa ijanna wa joadec oin.

Aposel 2:38

Odocob Pita maaden, “Age osolosol agena silailnu tului falicdumeig Jisas Krais ijanna wa joc ocobil Anut agena silail cagasiadigian. Odocob Anut uqa Kis Gun bagolwe adigian.

Aposel 2:41

Odocob geh bahic uqana jenu wawaga meleeceb wa joc oin eu 3,000 odi casacdecca gabandoin.

Aposel 20:21

Ija Juda dana Grikca agena silailnu tului falicdumeig Anutca loqagannuca, age egena Tibud Jisasnu wawaga meleigiannuca ulaulaadiem.

Aposel 20:25

“Qila feiga, ija wele age gemo cocobig Anutna culnu je maaadig cobom age haun ija olani qee fowain eu ija dugina.

Aposel 28:31

Uqa Anutna Me Culnu je maadoloi. Odimei Tibud Jisas Kraisnu iwaladoloi. Uqa oso cahacdocnu qee nijel qa uqa je saluqi u maadoloi.

Aposel 5:14

Euqa dana cajaca mati bahic age Tibudnu wawaga meleen uqana tamanec euna lein.

Aposel 8:4

Dana wawaga meleecca eundec buadein eu cudun cunugna beladein. Odimeig me je qaqasali maaadi coboin.

Pol Uqa Jaqec Je Oso Rom Tamanec Jaqiaden 10:10

Eu odi je hahun jaqec madena: “Dana cunug age Tibud ijan uutaegina eu Anut uqa cahahaadigian,” ena. (Joel 2.32) Odocob Juda danaca Juda dana qee eundecca eu age caca himec. Tibud osol himec uqa ege cunug egena Tibud. Uqa uqana eeldoc me bahic dana cunug uqa cesuladecnu utadogina eu age adena. Odocob Anutna jaqec je odi madena: “Dana cunug age uqanu wawaga meleena eu age majanaga qee adeiaun,” ena. (Aisaia 28.16) Eunu ege wawige meleeceb Anut egenu dana cajaca ititom ec madena. Odimeb ege conigena wawige meleec qasali madocomun Anut cahahagigian.

1 Korin 11:11

Ege Tibudca gabandoc biluquna eu caja uqa cuhanuc qee bilina, odocob dana uqa cuhanuc qee bilina. Euqa caja uqa danana cesuldoc bilina, odocob dana uqa cajana cesuldoc bilina.

Galesia 3:28

Eunu qila Juda danaca Juda dana qee eundecca age fil qee, begabeg meh coboc besiadec danaca age fil qee, dana cajaca age fil qee. Age cunug Krais Jisasca gabanadec osol bilegina.

1 Pita 3:21

Anut uqa qila wa joadecna cahahaadena eu odiwe uqa dana cajaca 8-pela eu wana cahahaaden. Eunu wa eu wa joadec qila cahahaadena eu hahunwe. Wa joadec eu age dewenega gegehin cusi qelecnu qee nijel. Wa joadec eu age Anut amegna cataniec biluqagan ec qeel qeti madein. Anut uqa Jisas Krais tulidocob cajen eunu uqa wa joadecna cahahaadecnu ihoc.