Aposel 7:32 - Bal cehec je haun

³² ‘Ija hina jajaninel agena Anut, ija Ebraham, Aisak, Jekobca agena Anut,’ en. (Kisim Bek 3.6) Odocob Moses qelelimei jejeg cali honna isec feciecnu culen.

Aposel 7:32 Iomraidhean Croise

Jenesis 26:24

Odocob witic euna Tibud uqaca camasac men. Odimei uqa madon, “Ija hina memen Ebraham uqana Anut. Cain cucuiagaun. Ija hinaca biligina. Ija eelhimig odocomin hinana sihul fulusdugian. Euqa ijana cabi dana Ebrahamnu cisdumig odigen,” don.

Jenesis 50:24

Odocob Josef uqa waliagul maaden, “Ijana cal mec dodoldona qa Anut uqa cofadimei maha inadec ehadi nui maha uqa Ebraham, Aisak, Jekobca adigiannu je cagu maaden ono madigian,” aden.

Matju 17:6

Odocob malogom eu dah mimeig ni mahulein. Age ben bahic cucuiein.

Matju 22:32

‘Ija Ebrahamna Anut, ija Aisakna Anut, ija Jekobna Anut,’ en. (Kisim Bek 3.6) Anut uqa cal mein eundec agena Anut qee, uqa cebac bilegina agena Anut,” aden.

Matju 22:46

Farisi gemona oso Jisas jejeg hewi madecnu ihoc qee nijel. Ageha deel euna dih sanan mimeig haun cetehnu sisildocnu hihibanaga qee tel.

Me Je i Luk Jaqen 5:8

Saen Saimon Pita ceteh eu fimei gob cehi Jisas olana bilen. Odimei Jisas madon, “O Tibud, ija silail dana! Cuculti nuuga,” don.

Aposel 3:13

Ebraham Aisak Jekobca agena Anut, ege jajanigeil agena Anut, uqa uqana cabi dana, Jisas, ijan meca gagadic odocca uten. Jisas i age Pailat ebenna mudimeig, uqa Pailat culdeceb nuigiannu wele cisdon, age Pailat amegna uqanu je me qee madein.

Aposel 7:31

Moses eu odi fimei tumatumaen. Odimei cisdudu fi cuhadugia eunu na nag eu cemenugca len. Euqa dodoldodon uqa Tibud jejeg dah men.

Hibru 11:16

Euqa eu age odi qee odoloin. Eu age wawaga eu wele maha osona len, eu me bahic maha iha wooldoc. Eu sao jobon himec. Eunu Anut uqa age egena Anut ec madegina eu agenu qee majag dona. Uqa dana cajaca wawaga meleecca jobon me bahic euna biluqagannu wele saciadon.

Jahunec Je Camasac Muden 1:17

Odocob ija uqa fimig cal mecwe uqa jaihna toni cosolem. Odecemin uqa ijaca humei eben meula dewenina mimi bilei maten, “Ija aqunec, ija cit qoc, ija cebac bilec dana eu. Faga, ija cal mec nijem qa qila ija saensaen cebac bibiligin catanena. Ija cal mecnuca dol jobonnaca ki hewi biligina. Hina cain cucuiagaun.