Aposel 6:8 - Bal cehec je haun

⁸ Stiwen uqa Anut amegna me bilecca, gagadic odocca am bec bibilei uqa kobolkobol odoc gaga odocca benben dana cajaca gemona muden.

Aposel 6:8 Iomraidhean Croise

Me Je i Jon Jaqen 4:48

Odocob Jisas uqa jejeg hewi madon, “Age kobolkobol odocca gaga odocca qee fifeig age wawaga qee meleeiaun,” don.

Aposel 6:10

Euqa Kis uqa cisdoc silecca utennu uqa je maadeceb age uqana uhulec je oso qee felein.

Aposel 6:15

Cunug ono cegulecna bilein eu age amaga Stiwen himec deedoin. Odimeig age uqa ola eu ensel ola cinigwe fein.

Aposel 6:3

Eunu, cotigeil, age dana 7-pela Kis Gun am becca, docca bilegina agenadec nesili ehadecebil ege caja wij sab siwiadecnu cabi cofdocnu madocomun biluqagan.

Aposel 6:5

Dana am eu age cunugca aposel agena cisdoc aquni madeinnu wawaga me bahic nijen. Eunu age Stiwen, Kis Gunca waug meleec dana, uqa nesili ehudein. Odocob age Filip, Prokoras, Naikena, Taimon, Pamenas, Nikolasca nesili ehadein. Nikolas uqa Juda dana qee, uqa dana Antiokdec. Wele uqa Juda sihul ibuldon.

Aposel 7:55

Euqa Stiwen Kis Gun waugna am beceb sao jobon tatiimei Anutna kobolkobol fimei Jisas Memeg eben meulana isec tatawen fen.

Aposel 8:6

Buga me qee dana geh bahic deweneganadec ititacadeceb cali huhu bebeleig geh bahic utaein. Odocob dana mati age ebenega jaimaga cal mecca laleg mecca me mamaden fein. Eunu dana cajaca mati bahic Filip je maaden eu age cunug uqa dah mumudeig odoc kobolkobol odon eu fimeig dah moqagannu dahiniga cehi cuhadoin.

Efesas 4:11

Odocob uqana bagol igec eu odi. Dana leih age aposel cabi aden, odocob leih age je hahun madec cabi aden, odocob leih age me je qasali maadec cabi aden, odocob leih age tamanec cofadec cabi aden, odocob leih age me je iwaladec cabi aden.

1 Timoti 3:13

Ge, tamanec cesuldoc cabi dana age agena cabi me ogina eu age ijanaga me oqagan. Odimeig age Jisas Kraisnu wawaga meleenanu dana cajaca je gagadicca maadecnu ihoc.