Aposel 6:13 - Bal cehec je haun

¹³ Odimeig age dana leih Stiwennu uhulec je madoqagannu hamol cedi ehi lein. Age madein, “Dana i uqa saen cunug tempel gun ica, Mosesna loo je gun eunuca je me qee gaid madena.

Aposel 6:13 Iomraidhean Croise

Matju 24:15

Jisas je haun maaden, “Age ‘ihulahal mec ceteh bebesacca’ (Daniel 9.27; 11.31; 12.11) tempel gunna tataweb foqagan, je hahun madec dana, Daniel, eunu je wele maden eu camas meceb eunu batut feigale,” aden. Dana uqa je i sanijina eu uqa je uqana gug doiale.

Matju 26:59

Aria, ihanec dana benbenca, Juda dana ben cunug age ceguleinca age Jisas dewegnu ob mec je amagana fec dahinigana doc eundec je walein. Oso camas meceb eu toodu geldocomun cal migian ein.

Aposel 21:28

Odimeig age utai madein, “Isrel dana! Cesulgeiga! Dana i hatu cunugna cocobi uqa dana cunug Isrel dana cajaca Mosesna loo jeca tempelca hibemdocnu maaadiena. Euha qila uqa Juda dana qee tempelna cedadi ehi limei gun jo i gegehin mudia!” ein.

Aposel 25:8

Euqa Pol uqadodoc cahahadoc je maden, “Ija Juda agena loo jeca tempelca Sisaca age cunugnu cahuldoc oso qee odolom,” en.

Aposel 6:11

Eunu age dana leih Stiwennu je me qee madecnu fajadein. Age madein, “Ege uqa Moses Anutcanu je me qee mamaden dah mom,” ein.

Aposel 7:58

Hewi qelecebil taun ben hibiloh isec leceb meen heli qoin. Dana age Stiwenna je dah mein eu age agena lotoc dana haun oso, ijan Sol, jaihna olomdoin.

Hibru 7:12

Eunu saen nawel tawec ihanec cabi dana oso falicdocob caleceb loo je euha falicdocob calen.