Aposel 6:1 - Bal cehec je haun

¹ Saen osooso hedocob malogom sanijec ohis teten Juda dana Grik je madegina eu madein, “Egena caja wij eu age deel cunug sab siwiadec saenna age gaid hawaadegina,” ein. Eunu Juda dana Grik je madegina, Juda dana Hibru je madeginaca fee dadanein.

Aposel 6:1 Iomraidhean Croise

Matju 23:13

Jisas je haun maaden, “O loo je iwaladecca Farisica, age dana cajaca sao cul jobon lecnu jic cebec meniadegina. Euqa agedodoc lecnu culegina, odimeig leih sao cul jobon lecnu wawaga nijia euqa age cahacadegina. Eunu age me hihili coboc dana! Age walocca!” aden.

Aposel 11:20

Euqa Juda dana wawaga meleecca leih Saipras Sairinicadec Antiok taunna belimeig Juda dana qee eundecha Jisas Tibudnu me je qasali maadein.

Aposel 11:26

Odimei uqa ono li gulucdumei ehudi Antiok ehi hon. Cabi gel osol cunugca tamanec onodecca gabandumeig am ben Jisas Tibudnu me je iwaladesin. Eu Antiok ono malogom age casac Kristen adein.

Aposel 11:29

Odocob malogom age je oso cagoin. Age osolosol agena meen qaig ganic besecwe ihoc cisdumeig age wawaga meleec cotogail Judia hatu ono bilegina cesuladecnu meen qaig leih sulduadoqagan ein.

Aposel 2:41

Odocob geh bahic uqana jenu wawaga meleeceb wa joc oin eu 3,000 odi casacdecca gabandoin.

Aposel 2:45

Age cehewanagaca agena mahaca suldodoig meen qaig eu umeig dana filfil age sabca qee cetetehca qee eu siwiadoloig.

Aposel 2:47

Age Anut binan susulegin dana cunug agenu culunuga oin. Odocob deel cunugna Tibud uqa cahahaaadi dana cajaca am haun eu cedi ahu gabanaadien.

Aposel 4:4

Euqa mati bahic age me je dah mein eundec wawaga meleen eu 5,000 odi ihoc len.

Aposel 5:14

Euqa dana cajaca mati bahic age Tibudnu wawaga meleen uqana tamanec euna lein.

Aposel 5:28

“Ege age je gatiti maadom, dana i ijanna cain iwaladowain ec maadom qa feiga, age eeta odoin? Dana cajaca iwaladein eu Jerusalem i cunug ihoc len. Odocob age dana i uqana cal mecnu ha ege um qiguqagannu gale adena!” aden.

Aposel 6:2

Odocob aposel 12-pela eu age malogom cunugca maadecebil cegulecebil maadein, “Ege cewel ocnu cabi u Anutna me je maadecnu cabi culecnu eu cois qee.

Aposel 6:7

Eunu Anutna je ihoc len. Malogom age Jerusalem bilein agena sanijadec ohis ten. Odocob ihanec dana mati bahic me jenu wawaga meleeceb me je toodu odoin.

Aposel 9:29

Odocob uqa Juda dana Grik je madoloig eundecca ha je madoloig. Odimei fee dadanoloig. Eunu qoqagannu odoin.

Aposel 9:39

Eunu Pita saciadocob dana lecis eu ale gami ceseli belein. Saen uqa hu Jopa caleceb ehudi jo hamol ohis ono ehi tein. Caja wij cunug ceguli Pita talildu tawein. Saen Dokas uqa cebac bibili bilei lotoc mudiaden eu age qaqaji bileig hewi Pita ihacdoin.

Aposel 9:41

Pita eben hewimei cesuldocob cajen. Bibilen Anutna qagu coboc dana cajaca, caja wijca maadeceb tecebil cajeia cebac bilia aden.

Pol Uqa Jaqec Je Oso Rom Tamanec Jaqiaden 12:7

Dana oso uqa dana cotugul cewel uadecnu duman uteccafi eu uqa cois dana cotugul cewel uadec cabi hewigian. Dana oso uqa iwaladecnu duman uteccafi eu uqa cois mele bahic iwaladec cabi hewigian.

1 Korin 10:10

Ege gonagona cain moqaun eu odiwe age leih odoin. Ensel dana qagaadena eu qagaadeceb fadalein.

2 Korin 11:22

Dana eundec age Hibru danafo? Eufi ijaha Hibrudec. Age Isrel danafo? Eufi ijaha Isreldec. Age Ebraham sihulfo? Eufi ijaha Ebraham sihul.

Filipai 3:5

Deel 8-peladocna age ija deweni cagu qoin. Ija Isrel agena dana cajacanadec sihul. Ija Benjamin sihulnadec. Ija Hibru dana bahic, Hibru golanaganadec. Loo jenu ija Farisi dana loo je toodoc dana bahic.

1 Timoti 5:3

Caja wij eu mele bahic wij cuhanuc bilegina eundec lalan madeigale.

1 Timoti 5:9

Caja wij agena cabi gel 60 ihoc lec eundec himec ijanaga wij agena bukna jaqeigale. Caja wij oso uqa dana osol biliton.

Hibru 13:1

Age wawaga meleec cotogailnu nalunuga megina, odocob age gaid odi agenu nalunuga meigale.

Jems 1:27

Cuha fec eu ege memige Anut amegna eu soidoc bahic nijeceb odocob gegehinca qee eu odi bilina. Age mel leih anagail memegailca cal mein eundec caja wij cuhanuc bilegina eu ageha culumen gahidocnu cesuladeigale. Ceteh osoha. Maha inadec kobol wawaga gegehin cain qoiaun. Odocob age agena jic coboc cofdu cuhadudu coboiga.

Jems 4:5

Anutna jaqec je edi madena, “Kis i Anut ege dunuhna men bilina eu Anut uqa uqadodocnu biligiannu gagadic cahacdona,” ena. Age jaqec je i eu gauc himec ec cisdoginafo?

Jems 5:9

O cotiel, Anut age qee gesiladeiaunnu cain gonagona mudecebmudecebowain. Feiga, gesilgec dana uqa jic cebec hibilohu isec taweia.