Aposel 4:29 - Bal cehec je haun

^29-30 O Tibud, qila agena cahacgec dah maga. Hinana gagadic odoc ihacaadi dana cajaca me madaga. Oodog kobolkobol filfilha hinana cabi dana gun, Jisas, uqa ijanna odoga. Odimeg gagadic odoc euna ege, hinana cabi dana, hinana me je saluqi u maadecnu cesulgagale,” ein.

Aposel 4:29 Iomraidhean Croise

Aposel 13:46

Odocob Pol Banabasca ale je saluqi u maadesin, “Ele casac Anutna me je maadouhqa age je eu hibemdogina. Odocob agedodoc madegina ege euna cebac bilec catanec eu ocwe qee egina. Eunu ele age cuculadi Juda dana qee eundecca lowona.

Aposel 14:3

Eunu Pol Banabasca ale Aikoniam ono saen cecelacca bilesin. Bibilesi ale Tibudnu saluqi u mamadiesin. Tibud uqa ale madi, Tibud eelgena esin je eu mele ihacadimei uqana gagadic odoc aleceb kobolkobol gagaca oodiesin.

Aposel 19:8

Odocob Pol Juda agena cuha jona limei jagel cijed me je saluqi u maaden. Uqa age gami fee dadaneeig Anutna me culnu sildiaden.

Aposel 26:26

King Agripa uqa ceteteh i agenu dona. Eunu ija je cunug saluqi u madugina. Ceteteh i eu jahunec sucunna qee calel. Eunu ceteteh i cunug dona eu ija dugina,” don.

Aposel 28:31

Uqa Anutna Me Culnu je maadoloi. Odimei Tibud Jisas Kraisnu iwaladoloi. Uqa oso cahacdocnu qee nijel qa uqa je saluqi u maadoloi.

Aposel 4:13

Odocob cegulec age Pita Jonca ale je saluqi u mamadesin eu dah mein. Odocob aleha dana gauc, ale Farisi agena doc qee iwalalein eu doin. Eunu age tumatumaein. Odocob ale Jisasca coboloig eu doin.

Aposel 4:21

Odocob cegulec age haun je gatiti maalimeig culalecebil belesin. Dana cajaca cunug age kobolkobol fein eunu Anut binan sulein. Eunu age ameg alecnu jic oso qee felein.

Aposel 4:31

Age inondu hedumeig bibilegin cudun euna mim neceb qelelen. Age cunug Kis Gun am beceb age Anutna me je haun saluqi u maadein.

Aposel 9:27

Euqa Banabas uqa Sol cesuldumei je maadigia ehudi aposelca ehi len. Uqa Damaskas jicna Tibud Solca camas mimei je madonnu sildiaden. Odimei Sol uqa Damaskas ono Jisas ijanna me je saluqi u maadennu saaden.

Aposel 9:28

Odocob Sol uqa age gami Jerusalem ono cudun cunugna me je Jisas Tibud ijanna saluqi u mamadi coboin.

1 Korin 14:13

Eunu dana uqa je beilah filna madena eu uqa je falicdu sildi madecnu duman ocnu inondugian.

2 Korin 3:12

Ege cabi haun i fulacdoc ben bahicca hugiannu wawige meleeceb sumudi biluquna eunu ege qee cucuiolom. Ege eunu camasac qasali madoqona.

Filipai 1:14

Odocob ija gihacdoc jona biligina eunu wawige meleec cotigeil mati age gagadic odoc umeig agena Tibudnu wawaga meleec eu gagadic tawena. Odocob age cucuiec culimeig Anutna je saluqi u maadecnu gehca gagadic mein.

1 Tesalonika 2:2

Ege ageca Tesalonaika ono qee calec ninijen age wele Filipai ono qigimeig je me qee magein ec doin. Euqa ege ageca hocomun egena Anut wawige gagadic mudigeceb ege egena cadnu qee cucuiolom. Euqa ege Anutna me je qasali maadom.

2 Timoti 4:17

Euqa Juda dana qee eundec cunug me je dah moqagannu Tibud uqa homi cehi tawimei uqa cesultimei uqana gagadic odoc iteceb ija me je maadecemin camasac men. Eunu Anut uqa ija laion biahnadec cacawiten.