Aposel 3:14 - Bal cehec je haun

¹⁴ Euqa age Dana Gun Bahic, Dana Ititom Bahic uqanu je me qee madein. Odimeig Pailat agena gale adec toodugiannu sisildocobil uqa han dana qagaadec eu gihacdoc jonadec besiton.

Aposel 3:14 Iomraidhean Croise

Matju 27:20

Ihanec dana benbenca Juda agena matuca age Juda dana cajaca wawaga hunecebil age Pailat Barabas besitugagale, Jisas na babalecna qogale doqagannu jajahiladi hedoin.

Me Je i Mak Jaqen 1:24

Uqa utai Jisas madon, “O Jisas Nasaretdec, hina eetanu odigigana? Hina fadalgecnu hogafo? Ija hina cel dananu dugina. Hina dana gun eu Anut suldocob nen,” don.

Me Je i Mak Jaqen 15:11

Euqa ihanec dana benben age dana cajaca ceguli bilein eu sigaladecebil age Pailat Jisas besi uadecnu qee madein. Age Barabas besitugagale ec madein.

Me Je i Mak Jaqen 15:7

Saen euna age dana Rom gabmanca cadein eu gihacdoc jona madecebil bilein. Dana eundec oso, ijan Barabas, gihacdoc jona bilen uqa Rom gabmanca cadein saen euna dana qocob cal men.

Me Je i Luk Jaqen 1:35

Odocob ensel jejeg hewi madon, “Kis Gun hinaca humei u tacihigian. Odocob Anut Ohis Bahic uqana gagadic odoc jahulhigian. Eunu mel hina basigian eu age gun oqagan, age Anut Melah oqagan,” don.

Me Je i Luk Jaqen 23:25

Odimei eu age dana gihacdocnadec besecnu madein eu besiton. Uqa dana han tulidumei taun benna ono dana oso qagadon. Uqa odimei agena je toodumei Jisas deweg na babalecna tuitu qoqagannu ebenegana men.

Me Je i Jon Jaqen 16:10

Ija Memige Anutca tigina, age ija haun qee mecituwain eunu ititom cobocnu ulauladigian.

Me Je i Jon Jaqen 18:40

Odocob age utai madoin, “Qee, dana i qee! Hina Barabas besitugaga!” doin. (Barabas uqa heje dana eu uqa dana leih aqeceb cal mein.)

Aposel 13:28

Uqa dewegnu balijimeig qocobil cal mecnu je qee felein qa age Pailat qocob cal migiannu sisildoin.

Aposel 22:14

Odimei uqa maten, ‘Hina Jisasnu dana cunug Jisasna ceteteh cunug amenna femca, dahinna dah memca eu qasali maadegan. Eunu ege jajanigeil agena Anut hina uqana odoc cisdocnuca, uqana dana ititom fecnuca, dana ititom eu uqa jejeggul je mamadeb hina dah mecnuca nesili ehihia.

Aposel 4:27

Eu mele bahic, taun ina Herodca, Pontias Pailatca, Juda dana qee eundec ageca, Isrel dana ageca age gabandumeig age Jisas hinana cabi dana gun, hina wele Krais mudem, eu deweg tudocnu cegulein.

Aposel 5:28

“Ege age je gatiti maadom, dana i ijanna cain iwaladowain ec maadom qa feiga, age eeta odoin? Dana cajaca iwaladein eu Jerusalem i cunug ihoc len. Odocob age dana i uqana cal mecnu ha ege um qiguqagannu gale adena!” aden.

Aposel 7:52

Age jajanagail Anutna je hahun madec dana cunug dewenega tuadein. Je hahun madec dana eu age madein, ‘Hibna Anut uqa uqana Dana Ititom Bahic egeca suldugian,’ ein eu age aqein. Odocob qila age Dana Ititom i age balijimeig qoin.

2 Korin 5:21

Ge, Anut uqa Krais, uqa silail osol qee mel, eu ege hehulgi egena cudunna silailcawe tawigiannu muden. Eunu ege Kraisca gabandoc bilecna Anutna dana ititom ibuldocnu odon.

Jems 5:6

Age dana tutuc coboc eu wele geladimeig qagaadecebil cal mein. Oodogin age qee wadacadelein.

1 Pita 3:18

Age Kraisnu cisdoiga, uqa dana ititom. Euqa uqa dana cajaca ititom qee cunug agena cudun umei hehuladen. Odocob uqa dana cajaca agena silailnu cagasiadimei ehadimei Anutca lecnu cal men. Krais uqa mahana cocobi dana bilen. Odocob dana age deweg tudocobil cal men. Uqa saen osolna dih cal men, uqa haun qee cal meiaun. Euqa Anut uqa tulidocob haun cajen. Qila uqa sao jobon kis deweg on bilia.

1 Jon 2:1

O ijana mel sim, age silail cain mowainnu ija je i jaqiadigina. Euqa oso silail mecebfi ege tutuanige oc bilia, uqa Jisas Krais eu dana ititom. Uqa cesulgimei egenu Memige Anut madugian.

Jahunec Je Camasac Muden 3:7

Odocob uqa maten, “Hina Filadelfia tamanecna ensel je odi jaqitogale: ‘Gun meleca uqa Dewidna ki hewi bilina, uqa jic hudeceb oso qee meneiaun, uqa jic meneceb oso qee hudiaun eu uqa je odi mahena,