Aposel 28:26 - Bal cehec je haun

^26-27 Uqa odi maden: ‘Dana cajaca i age ilohonoga cisdocnu eu cal mec bahic. Age dahiniga cufa qoin. Odocob age amaga amusein. Eunu nuimeg dana cajaca i age odi maadaga, “Age dah moqagan qa qee dowain. Age foqagan qa wawaga qee fogo doiaun,” adaga. Qeefami age amagana fimeig fogo adoub, age dahinigana dah mimeig doub, age wawaga fogo doub. Odocob age ijaca falicdocobil me madoum,’ en,” aden. (Aisaia 6.9-10)

Aposel 28:26 Iomraidhean Croise

Me Je i Mak Jaqen 4:12

Eunu ‘age tului falicdocobil Anut agena silail cagasiadeiaunnu age amagana mele feginaqa qee fogo adena, odimeig age dahinigana mele dah meginaqa qee dogina,’ en,” aden. (Aisaia 6.9-10)

Me Je i Luk Jaqen 24:25

Odocob Jisas maalen, “Ale gad! Je hahun madec dana agena jenu wawala meleecnu culumenca!

Me Je i Luk Jaqen 24:45

Odimei uqa Anutna jaqec jenu wawaga fogo dugiannu cisdoc fogo duaden.

Me Je i Luk Jaqen 8:10

Odocobil uqa maaden, “Anut culadeceb age Anutna culnu ceteteh jahunec docnu eu nijia. Euqa dana cajaca leih age amagana foqaganqa qee fowain, odocob age dahinigana dah moqaganqa qee fogo adeiaun. (Aisaia 6.9) Eunu age galolo jena je cunug dah megina,” aden.

Aposel 28:25

Eunu age agedodoc cois qee eeig buadein qa age qee buadec Pol je osol i maaden, “Kis Gun je hahun madec dana Aisaia cona age jajanagail je maaden eu mele!