Aposel 28:25 - Bal cehec je haun

²⁵ Eunu age agedodoc cois qee eeig buadein qa age qee buadec Pol je osol i maaden, “Kis Gun je hahun madec dana Aisaia cona age jajanagail je maaden eu mele!

Aposel 28:25 Iomraidhean Croise

Matju 15:7

“Me hihili coboc age! Je hahun madec dana, Aisaia, uqa agenu je tutuc bahic wele madi maden:

Me Je i Mak Jaqen 7:6

Odocob Jisas jejenega hewi maaden, “Je hahun madec dana, Aisaia, uqa age me hihili coboc dananu mele bahic madi maden. Uqana je odi jaqen: ‘Dana cajaca i age conogana binani sulegina age wawagaqa eu qisactec bilina.

Aposel 28:24

Odocob leih age uqana jenu wawaga meleen qa leih age eunu wawaga qee meleel.

Aposel 28:26

Uqa odi maden: ‘Dana cajaca i age ilohonoga cisdocnu eu cal mec bahic. Age dahiniga cufa qoin. Odocob age amaga amusein. Eunu nuimeg dana cajaca i age odi maadaga, “Age dah moqagan qa qee dowain. Age foqagan qa wawaga qee fogo doiaun,” adaga. Qeefami age amagana fimeig fogo adoub, age dahinigana dah mimeig doub, age wawaga fogo doub. Odocob age ijaca falicdocobil me madoum,’ en,” aden. (Aisaia 6.9-10)

Aposel 8:29

Odocob Kis Gun Filip madon, “Karis i cocobi cemenug laga,” don.

Hibru 3:7

Eunu ege Kis Gunna je dah moqale. Eu odi madena: “Qila age Anut jejeg dah mifeig