Aposel 26:25 - Bal cehec je haun

²⁵ Odocob Pol jejeg hewi madon, “Festas meca! Ija gad qee. Ija je madigina eu mele bahic, docnu me bahic.

Aposel 26:25 Iomraidhean Croise

Me Je i Jon Jaqen 8:49

Odocobil Jisas jejenega hewi maaden, “Buga me qee ijaca qee bilina. Ija Mei binan suligina, ageqa ija cewitegina.

Aposel 23:26

“Ija Klodias Lisias, hina dana meca bahic Filiks, Sisaria gabman ilo feele higina,” don.

Aposel 24:3

Ege ceteh i edi geh bahic saen cunugna gale gena. Eunu ege cunug hegaga oqona.

Taitas 1:9

Uqa dana cajaca wawaga meleena eu adi cobocnu iwaladecnu ihoc odi biligiannuca, odocob uqa dana age mele je iwaladecnu uqa agena cahuldoc ihacadecnu ihoc odi biligiannuca uqa mele je ege iwaladoqona eu hewi daugdugian.

1 Pita 3:9

Anut uqa age uqana eeldoc oqagannu gale don. Eunu uqa age kobol cunug eu odoqagannu utaaden. Eunu dana age kobol me qeena odadecebilfi age ameg me qeena cain wadacduadowain. Odocob dana age je me qee maadecebilfi age je me qee cain wadacduadowain. Eu odi qee, age Anutna eeladec mugumuga oqagannu age Anut uqa dana eu eeladigiannu inondoigale.