Aposel 26:22 - Bal cehec je haun

²² Weledec hocob deel ina bahic Anut ija cesulteten ija dana ijanagaca ijanagaca qeeca je qasali maaadi ene tawiga. Ija madigina je hahun madec dana ageca Mosesca odi cali hugian ein eunu himec maadigina.

Aposel 26:22 Iomraidhean Croise

Matju 26:24

Dana Melah uqa wele Anutna jaqec je jaqen odi toodugian eunu je eu toodugian qa dana uqa ija cad ebenegana mitigian eu walocca biliale! Dana eu anag qee basoubmi eu me bahic nijoub,” aden.

Me Je i Luk Jaqen 24:27

Odimei Jisas uqanu Anutna jaqec je cunugna madenanu sildialen, uqa Mosesna loo jena sanan mimei je hahun madec dana agena jaqec je cunug odi maalen.

Me Je i Luk Jaqen 24:44

Odimei maaden, “Ceteteh inu bahic saen ija ageca cocobi bilob maadem. Ceteh cunug ijanu Mosesna loo jena jaqeinca, je hahun madec dana agena jaqecna jaqeinca, odocob Samna jaqeinca eu mele ihoc caligian,” aden.

Me Je i Luk Jaqen 24:46

Odimei maaden, “Anutna jaqec je edi madena, ‘Anutna Krais eu dain ben doc umei cal mecnadec deel cijeddocna haun ceseli cajigian.

Me Je i Jon Jaqen 1:45

Odocob Filip uqa Nataniel gulucdumei madon, “Moses uqa loo jenaca je hahun madec dana ageca dana oso cali hugiannu jaqein eu ege gulucdoqan. Uqa Jisas Nasaretdec, Josef melah,” don.

Me Je i Jon Jaqen 5:39

“Feiga, age Anutna jaqec je euna cebac bilec catanec oqan eginanu sasanijii uqana caun megegina. Euqa Anutna jaqec je eu ijana gugnu qasali madena.

Me Je i Jon Jaqen 5:46

Moses uqa ijanu je jaqen nijia. Eunu age Mosesna loo jenu wawaga meleeialumi age ijana jenu ha wawaga meleoub.

Aposel 10:43

Je hahun madec dana cunug age Jisasnu madein, cunug age Jisasnu wawaga meleena Anut uqa Jisas ijanna agena silail cagasiadigian ec madein,” aden.

Aposel 13:29

Odocob age Anutna jaqec je uqanu madena ihoc ligiannu odi toodu hedocobil age na babalecnadec umeig ehi nui heelna mudein.

Aposel 24:14

Euqa ija je i mele mahigina. Ija jic eu toodugina eu age cahuldogina egina euna ija ege jajanigeil agena Anut binan suligina. Ija ceteh cunug Mosesna loo je madenanuca, je hahun madec dana agena jaqec jenuca eunu ha wawi meleena.

Aposel 26:17

Ija Isrel danaca Juda dana qee eundecca age ebeneganadec cacawihi oihimig eu ageca sulhigen.

Aposel 26:6

Odocob Anut uqa je hahun ege jajanigeil maaden eunu wawi meleecna eunu qila ija ene temtecna tawiga.

Aposel 28:23

Eunu age Pol gami cegulecnu jagel deel oso gadac mein. Odocob dana am ben bahic Pol ono bibilen cegulein. Qasildec je maaadi Anutna Me Culnu sildiaaden witic men. Uqa Mosesna loo jeca je hahun madec dana agena jeca alenadec Jisasnu sildiaadi wawaga meleigiannu temduduen.

Pol Uqa Jaqec Je Oso Rom Tamanec Jaqiaden 3:21

Qilaqa Anutna kobol uqa ege dana cajaca ititom ec madena eu camasac men. Eu loo je toodoc jicna qee calel. Eu jic filna calen. Odon qa je eu je hahun madec danana jaqec jenaca Mosesna jaqec jenaca nijia eu Anutna kobol ititom inu je camasac madena.

1 Korin 15:3

Ge, me je ija wele om eu je mele bahic ija adem. Me je eu odi. Krais uqa egena silail cunug cagasigigiannu cal men, eu odiwe je eu Anutna jaqec jena nijia.

1 Korin 15:4

Odocob age heel cisecebil deel cijedna Anut tulidocob ceseli cajen, eu odiwe je eu Anutna jaqec jena nijia.

2 Timoti 3:11

deweni tudocca, wawi sogoecca, euha wele fem. Dana age Antiokca, Aikoniamca, Listraca ono bilein age tootooti deweni tudoin, euqa Tibud uqa ebeneganadec ija cahahaten eu hina dogona.

Jahunec Je Camasac Muden 11:18

Juda dana qee eundec age gemanaga beia qa hina gemain becnu saen eu qila caleia. Qila hina cal mec dana gesiladegan. Qila hina hinana cewel oc dana, eu age je hahun madec danaca, qagu coboc dana eu age dana hina ijainnu cumunegina euca, age ijanagaca, ijanagaca qee eu agena aig qoc wadacadegan! Dana age dana cajaca mahana bilegina eu fadaladegina eunu qila wadac fadaladegan!” ein.

Jahunec Je Camasac Muden 15:3

Age Moses, uqa Anutna cewel oc dana, uqana due silein. Age Sipsip Nagna dueha silein: “O Anut Tibud Gagadic Odocca, hinana odoc eu gagadic, eu me bahic! O dana hatu filfilnadec cunug agena King, hinana odoc eu tutuc bahic, eu mele bahic!

Jahunec Je Camasac Muden 20:12

Odocob ija dana cal mec feciadem. Dana ijanagaca, dana ijanagaca qee agecaca king bilec cabal amegna tawein. Ensel eu age buk leih cosocdoin. Odocob buk osoha cosocdoin, eu cebac bilec agena buk. Cal mec dana eu agena odoc, eu odi buk leih euna jaqein euna odi gesiladen.