Aposel 26:17 - Bal cehec je haun

¹⁷ Ija Isrel danaca Juda dana qee eundecca age ebeneganadec cacawihi oihimig eu ageca sulhigen.

Aposel 26:17 Iomraidhean Croise

Aposel 13:50

Euqa Juda dana age caja age ijanagaca, eundec age Anut binan suloloig euca, dana ben age taun ben euna bileginaca jajahil adecebil age Pol Banabasca me qee odalimeig age hatu ben uqana gadacna ititacalein.

Aposel 16:39

Eunu age belimeig eu cahuldom ec maalein. Odimeig age gihacdoc jonadec ehali ahumeig ale taun ben eu culdi belowasannu ninialein.

Aposel 17:10

Witic memen wawaga meleec cotolail age Pol Sailasca sulalecebil Beria taun ono belesin. Ale Beria ono li calimesi Juda dana agena cuha jona lesin.

Aposel 17:14

Odogin wawaga meleec cotugul age Pol suldocobil lanna non. Euqa Sailas Timotica himec Beria ono bilesin.

Aposel 28:28

“Eunu age doigale. Anutna cahahaadecnu me je eu Juda dana qee eundec agenu suldocob nuen. Eu age dah moqagan!” aden. [Odocob Pol je i madi hedocob Juda dana buadein. Age gemanaganu agedodoc fee dadanii belein.]

Aposel 9:15

Euqa Tibud madon, “Juda dana qee ageca, agena king ageca, Juda dana ageca ija ijani hewi ageca nuecnu ija cabi inu nesili ehudem. Odocob ijadodoc uqa ija ijaninu dain doc ganic ugiannu ihacdugen. Eunu nuuga,” don.

Pol Uqa Jaqec Je Oso Rom Tamanec Jaqiaden 11:13

Euqa ija qila Juda dana qee eundec age je maadigina. Ija Anutna aposel Juda dana qee eundec age gemo cabi ocnu Anut gesilten. Ija ijana Juda sihul eu age amaga qocomin Anut age leih cahahaadigiannu ijana cabi oc sulecemin ohis tena.

Pol Uqa Jaqec Je Oso Rom Tamanec Jaqiaden 15:16

Cabi eu ija Krais Jisasna cewel dana Juda dana qee eundecnu cabi ugina. Ija nawel tawec ihanec danawe Anutna me je qasali maadigina. Eunu Juda dana qee eundec age ihanec caloqagan eu Anut gale dugian. Odocob Kis Gun uqa age Anutnu qaguadeceb age Anutna dana cajaca bahic caloqagan.

Galesia 2:9

Odocob Jemsca, Pitaca, Jonca, age tamanecna cofadec ijanagaca egina, age Anut uqa eeltec uum itimei cabi i iten eu fimeig age ija Banabasca sekan milein, ege cabi hihijagwe. Ege ija Banabasca Juda dana qee eundec gemona cabi owannu ec je cagom. Odocob age Juda dana gemona cabi oqagannuca ec je cagoin.

1 Timoti 2:7

Gug inu Anut uqa ija ulicadecca aposelca cobigennu nesili ehiten. Ija je qee uhuligina, ija je mele madigina. Anut ija Juda dana qee eundec Jisas Kraisnu wawaga meleecca mele jeca ulicadecnu miten.

2 Timoti 1:11

Uqa me je ina cabinu ija je qasali maadec danaca, aposelca, iwaladeccanu doot qiten.

2 Timoti 3:11

deweni tudocca, wawi sogoecca, euha wele fem. Dana age Antiokca, Aikoniamca, Listraca ono bilein age tootooti deweni tudoin, euqa Tibud uqa ebeneganadec ija cahahaten eu hina dogona.