Aposel 23:35 - Bal cehec je haun

³⁵ uqa madon, “Dana age hina dewennu um qoin eu age calecebil ija hinana je dah mihigen,” don. Odimei uqa jo King Herod bilia euna cofdodobil biligiannu je gatiti maaden.

Aposel 23:35 Iomraidhean Croise

Matju 2:1

Maria uqa Jisas Betlehem jobon ono Judia hatuna baseceb Herod uqa king bilen. Saen euna haiden agena doc silecca dana age cam tobi becnadec Jerusalem jobon cali humeig

Matju 2:16

Herod uqa doc silecca dana age ija uhultiti woolti belein imei gemag ben bahic ben. Odimei uqa han dana suladeceb age mel manahal age cabi gel lecis qee wooladec eundec cunug age Betlehem jobonca hatu cemenugca ono bilein eu aqi hedoin. Uqa doc silecca dana malaqa cel saen wasen sisiladeceb madocobil don eu toodu mel aqeceb cal mein.

Matju 2:3

Odocob King Herod je eu madecebil dah mimei geh cisdon, odocob Jerusalem dana cajaca cunugha eunu geh cisdoin.

Matju 27:27

Gabman dana matu uqana han dana age Jisas ehudimeig jo gabman dana ben bilia euna lein. Age gabman dana ben uqana cudunna mudein. Odimeig age han dana am cunug utaadecebil humeig osoben cegulein.

Me Je i Jon Jaqen 18:28

Odocob qasil bahic age Jisas ehudimeig Kaiafasna gunnadec jo gabman dana ben bilia euna lein. Juda age ege gabman jo locomun Juda dana qee agena gegehin dewenige qageceb Pasowa sab jecwe qee imeig age jona qee telein.

Aposel 23:30

Odocob saen ija Juda dana leih uqa qagadocnu saciadogina ec dumignu hinaca mahuc suldocomin hoia. Ija dana age uqanu um qoin eu age eetanu uqa hewudein eu hina amenna madoqagannu je gatiti maadem,” don.

Aposel 24:1

Deel 5-pela hedocob ihanec dana ilo, Ananaias, Juda agena matu leihca, agena je gesilec saenna cesuladec dana, ijan Tetalas, uqaca age Sisaria ono nimeig Filiks amegna limeig Pol dewegnu balijein.

Aposel 24:10

Odocob gabman ilo Pol ebenna je madecnu ihohdocob Pol maden, “Hina hatu ina je gesilecnu cabi gel mati bilem eu ija dugina. Eunu ijadodocnu hina amenna je wadacduhecnu wawi ceelena.

Aposel 24:19

Euqa Juda dana leih Esiadec age ono bilein. Age ijanu jecafi agedodoc hina amenna hu tawimeig ija deweninu um qocnu biloub.

Aposel 24:22

Odocob Filiks uqa Jisasna jic eu odinu du cuhadon je gesilecnu menen. Uqa maaden, “Isi han ilo Lisias hocob ija ceteteh i gesili maadigen,” aden.

Aposel 24:23

Odimei uqa han dana aquniadec Pol cofdocnu je gatiti madon. Euqa uqa Pol gihacdoc jona biligianqa uqa ceteteh uqana danah cois ahu utuqagannu ec madon.

Aposel 25:16

Euqa ija Rom agena kobol eu odi qee ec maadem. Ege dana oso uqa dewegnu balijecebil uqa age ebenegana deweg tudocnu mahuc qee moqaun. Euqa casac dana uqa um qudec dana eu age uqaca mecidodii um qudec je eunu madocobil uqa uqadodoc cahahadoc je maadigian.