Aposel 21:40 - Bal cehec je haun

⁴⁰ Odocob han ilo Pol cois ec madocob caji wadowad igocna tatawi ebenna tiliuqagannu maadeceb tiliecebil Hibru jena maaden:

Aposel 21:40 Iomraidhean Croise

Me Je i Luk Jaqen 23:38

Odocob je i uqa ilona jaqi qoin, “Dana i Juda agena king.”

Me Je i Jon Jaqen 19:13

Age je eu madocobil Pailat dumei uqa Jisas ehudimei cudun ijan “Cobocnu Meen,” age Aram jena Gabata egina euna limei gesildocnu bilecna bilen.

Me Je i Jon Jaqen 19:17

Jisas uqa uqana na babalec gahidumei cali li nuen. Nuimei uqa “Ilo Gatic Cudun,” egina, age Aram jena “Golgota,” egina euna len.

Me Je i Jon Jaqen 19:20

Cudun age Jisas na babalecna tuitu qoin eu Jerusalem cemenug nijen. Odocob age je eu Hibruca, Latinca, Grikca agena jena jaqein. Eunu Juda dana cajaca mati age je eu sanijein.

Me Je i Jon Jaqen 5:2

Aria, Jerusalem meen gel alildocna jic cebec oso nijen, eu ijan Sipsip Jic Cebec. Euna isec wa fifiji bec gudoc nijina, eu Aram jena Betesda egina. Eu qeihna isec jo hamol 5-pela cehec tawen.

Aposel 1:19

Odocob dana cajaca cunug Jerusalem bilein eu dah mimeig age agena jena maha eu ‘Akeldama’ ein. Uqana gug eu odi ‘Golac Maha,’” aden.

Aposel 12:17

Euqa uqa ebenna cahacaden. Odimei uqa Tibud adi cesuldu gihacdoc jonadec ehudi cali hoiannu sildiaden. Odimei uqa maaden, “Je i Jems wawaga meleec cotugulca maadeiga,” aden. Odimei uqa culadi cudun osona nuen.

Aposel 13:16

Odocob Pol caji tawimei eben suli u maaden. “Isrel dana age, Juda dana qee age Anut binan sulegina, ageha doiga!

Aposel 19:33

Odocob cegulec euna Juda dana age Aleksanda uqa agena je maadecnu madon. Eunu dana leih age Aleksanda madocobil uqa aqunecna ten. Odimei Aleksanda ebenna cahacaadi age amagana eetanu odi ceguleginanu je maadigia odon.

Aposel 21:35

Odimeig age uqaca wadowad gugna ono tein qa dana am ben eu age hihibanaga teinnu han dana age Pol ilomoga cehimeig gahidumeig wadowadna jo ohis tein.

Aposel 22:2

Odocob uqa Hibru jena maaden dah mimeig age tilitili bahic ein. Oodogin Pol je maaden,

Aposel 26:14

Odocomin ege cunug toni mahulom ninijuqun jejeg oso Hibru jena ija mateten dah mem. Uqa maten, ‘Sol, Sol! Hina eetanu jabiti tootootagana? Hinadodoc ceteh aigca tohol qocom jeihina eu bulmakau cinigwe culum hewec dana uqa kom aigca ihocdocob jaih toholeceb uqadodoc qonawe qihina,’ ten.

Aposel 6:1

Saen osooso hedocob malogom sanijec ohis teten Juda dana Grik je madegina eu madein, “Egena caja wij eu age deel cunug sab siwiadec saenna age gaid hawaadegina,” ein. Eunu Juda dana Grik je madegina, Juda dana Hibru je madeginaca fee dadanein.

Jahunec Je Camasac Muden 16:16

Odocob dolonoga gegehinca eu age king eu cedadi li cudun age Hibru jena Amagedon egina euna mede aqein.

Jahunec Je Camasac Muden 9:11

Agena king eu ensel uqa maha heel ben dunuh bahic non gugca qee eu cofdona. Hibru agena jena ensel eu ijan eu Abadon. Grik agena jena ijan eu Apolion, alena gug eu Fadaladec Dana.