Aposel 2:9 - Bal cehec je haun

⁹ Ege Patiadec, Midiadec, Ilamdecca. Ege Mesopotemiadec, Judiadec, Kapadosiadecca. Ege Pontasdec, Esiadecca.

Aposel 2:9 Iomraidhean Croise

Jenesis 10:22

Sem melahul eu Ilam, Asur, Apaksad, Lud, Aramca.

Jenesis 14:1

Aria saen euna dana ben oso bilen uqa ijan Kedoleoma. Uqa Ilam agena king. Wele Kedoleoma uqa king ebum oso cadadimei ilo bilen. King ebum oso i age eu odi. Sodom agena king Beraca Gomora agena king Birsaca Adma agena king Sinabca Seboim agena king Semebaca Bela agena kingca. Kedoleoma uqa cabi gel 12 eu odi king ebum oso agena ilo bilen. Odocob cabi gel 13 docna king eu age Kedoleoma feedoin. Odocob cabi gel 14 docna Kedoleoma uqana danah king ijedca gami gabandoin. King ijed i age eu odi. Sina agena king Amrafelca Elasa agena king Ariokca Goim agena king Tidalca. Kedoleoma king ijedca agena han dana cedadimeig jicna bebeli bileig Refaim dana age Asterot-kanaim ono bibilegin aqadein. Odimeig age Susim dana Ham onoha aqadein. Odimeig Emim dana Kiriataim onoha aqadein. Odimeig Ho dana age Sia agena hatu aluhca jabadi ehi nui El-paran gadac ono aqadein. El-paran eu wadau naca qee cemenug nijia. Odimeig age haun ceselein. Ceseli humeig En-misbat ono calein. En-misbat eu Kades. Odimeig ono han cadimeig Amalek agena hatu eu cunug oin. Odimeig Amo age Hasason-tema ono bilein euha aqimeig hatu eu oin. Aria Sodom agena kingca Gomora agena kingca Adma agena kingca Seboim agena kingca Bela eu Soa agena kingca age wele gabandoin. Age Kedoleomaca uqana han danaca aqadecnu sacia dumeig gabandu Sidim maha asouna ono cali hoin. Sidim eu wa macasca bahic cudun.

Jenesis 24:10

Odocob cabi dana eu uqana ben uqana kamel 10 cedadimei nuen. Uqa ceteteh me me leihha uqana ben ebennadec cedimei nuen. Uqa cajimei Neho uqana taun eu Mesopotemia hatuna nijia ono nuen.

Aposel 16:6

Odocob Kis Gun Esia hatuna me je maadecnu cahacaden. Eunu Pol uqa age gami coboin eu age Frisia Galesiaca hatuna isec belein.

Aposel 18:2

Ono uqa dana oso Judadec ijan Akwila gulucdon. Uqa anag Pontas hatu ono basen. Uqa aideg ijan Prisila Italidec ale saen euna hosin. Rom agena king, Klodias, uqa Juda dana cunug age Rom ono biloloig eu age Rom culdimeig beloqagannu je gatiti maaden eunu hosin. Odocob Pol eu ale mecialigia bili len.

Aposel 19:10

Eu cabi gel lecis eu odi odoin. Odocob dana cunug Esia hatuna biloloig Juda dana Juda dana qeeca osoben Tibudna me je dah mein.

Aposel 19:27

Eunu egena meen qaig oc cabi jic cagocdainnu nijia. Eu himec qee, osoha eu Atemis caja tibud ben uqana cuha jo qee mecdainnu nijia. Odocob caja tibud i Esia age hatu cunugna binan sulegina eu uqa ijan ben eu me qee muduqagan!” aden.

Aposel 19:31

Esia dana meca leih age Polna danah ageha je suldutoin, hina udoc jo euna cain camasac magaun ec ninidoin.

Aposel 2:8

Euqa ege cunug egena je gul mamadegin egedodoc ihoc dah madoqona eu adi?

Aposel 20:18

Odimei eu age hu calecebil uqa maaden, “Saen ija hahawan Esia hatuna hom hocob qila ija dumani age gemo bilem eu age dogina.

Aposel 20:4

Dana leih age Pol gami belein. Eu age Sopata uqa Piras melah Beriadec uqaca, Aristakas, Sekandasca ale Tesalonaikadec aleca, Gaias Debidec uqaca, Timotica, Tikikas Trofimasca Esiadec aleca age Pol gami belein.

Aposel 21:27

Odocob agena ihanec odoqagannu saen deel 7-pela eu hedugia oodon Juda dana Esia hatunadec age Pol tempel hamol ono fimeig age dana am ben eu ihulahalaadeig Pol hewein.

Aposel 24:18

Ija saen euna tempelna tatawigin fecitein. Ija Juda agena soidoc kobol odi hedom. Ono dana am ben qee cedi ehi lelem. Odocob ija qee odudecemin je alalac tel.

Aposel 27:2

Odocob ege wag Adramitiamdec eu taun Esia lan toodu nijeginana nuigiannu saciadon tatawen euna tobi belom. Aristakas uqa Masedonia dana Tesalonaikadec uqa egeca osoben belom.

Aposel 6:9

Euqa dana leih uqa gami fee dadanein. Age Juda am osonadec, age Cuha Jo Dana Besiadec ein. Leih age Sairinidec, leih age Aleksandriadec. Ageca odocob Juda dana leih age Silisiadecca, Esiaca age Stiwen gami fee dadanec sanan mein.

Aposel 7:2

Stiwen jejeg hewi maaden, “Cotiel memeielca, ija je maadigina dah meiga! Wele ege memige Ebraham Mesopotemia bibilen Haran qee nuec Anut kobolkobolca ono uqaca camasac men.

Pol Uqa Jaqec Je Oso Rom Tamanec Jaqiaden 16:5

Odocob ijana feele ec tamanec eu alena jona cegulegina eu ageha adeiga. Age ijana feele ec Epinitas uteiga, ijana danah bahic. Uqa Asia hatu gadac nagnadec dana eu casac Kraisnu waug meleecca calen.

1 Korin 16:19

Esia hatunanadec tamanec agena feele adec Korin sulduadegina. Akwila Priskaca, tamanec age gami alena jona ceguleginaca agena feele adec mati bahic Tibud ijanna sulduadegina.

2 Korin 1:8

O wawige meleec cotiel, culumen Esia hatuna egeca hocob gahidom ec doqagannu gale gena. Ge, culumen ben bahic egena gagadic odoc wooldoc ege cilehgen. Culumen eu cilehgegen ege cal mecnu himec cisdom.

2 Timoti 1:15

Hina dogona, Esia mahanadec eundec cunug age ija hibemtein. Age eundec leih Figelusca Hemogenisca.

1 Pita 1:1

Ija Pita, ija Jisas Kraisna aposel. Ija jaqec je i Anutna dana cajaca jaqiadigina. Age agena gug jobon culimeig Pontasca, Galesiaca, Kapadosiaca, Esiaca, Bitiniaca hatu ilagna bilegina.

Jahunec Je Camasac Muden 1:11

Eu odi maden, “Hina fagana eu bukna jaqimeg wawaga meleec tamanec 7-pela, eu Efesasca, Smenaca, Pegamamca, Taiatairaca, Sadisca, Filadelfiaca, Leodisiaca, euna sulduadagale,” en.

Jahunec Je Camasac Muden 1:4

Ija Jon. Ija je i wawaga meleec tamanec 7-pela age Esia hatuna bilegina eu agena je jaqi sulduadigina. Anut uqa qila bilina, uqa gaid biloloi, uqa hugian uqa eeladec uum adeiale, uqa malol bilec adeiale. Kis 7-pela age Anut cewel utogina, age uqana king bilec cabal amegna tawegina eu age eeladeiale, age malol bilec adeigale.