Aposel 2:47 - Bal cehec je haun

⁴⁷ Age Anut binan susulegin dana cunug agenu culunuga oin. Odocob deel cunugna Tibud uqa cahahaaadi dana cajaca am haun eu cedi ahu gabanaadien.

Aposel 2:47 Iomraidhean Croise

Me Je i Luk Jaqen 19:48

Euqa dana cajaca cunug age uqa dah mudoloig eu je osol bahic ha wooldocnu culoloig. Eunu age adi bahic odocnu ec jic qee felein.

Me Je i Luk Jaqen 2:52

Oodon Jisas uqa ben men. Uqana docha ben men. Uqa Anut amegnaca dana amaganaca me bahic biloloi.

Aposel 11:21

Tibud uqana gagadic odoc eu ageca bilen. Odocob dana am matica Jisasnu wawaga meleeceb Tibudca falicdoin.

Aposel 13:48

Saen euna Juda dana qee eundec age je eu dah mimeig age celeboeeig Tibudna je binan sulein. Odocob leih Anut cebac bilec catanecnu nesiladen eundec age wawaga meleec dana ibuldoin.

Aposel 14:1

Odocob Pol Banabasca ale Antiok Pisidia ono cabi osin odiwe Aikoniam taunna cabi osin. Ale Juda dana agena cuha jona ono limesi me je maadecebil Juda dana Juda dana qee eundecca mati bahic age Jisasnu wawaga meleen.

Aposel 14:21

Odocob Pol Banabasca Debi ono me je qasali maadesin. Odimesi dana mati bahic wawaga meleeceb age malogom cabi oin. Odocob Debidec Listra isec ceseli belesi Aikoniam calimesi eunadec Aikoniamdec belesi Antiok Pisidia ono calesin.

Aposel 16:5

Eunu tamanec ono eu agena wawaga meleec gagadic mimei deel abesabes cunug dana sanijadec fulusdoloi.

Aposel 17:12

Eunu agenadec mati bahic wawaga meleen. Odocob Grik caja qam leihca, Grik dana leihca ageha wawaga meleen.

Aposel 2:39

Eu odi ha Anut uqa wele maaden odi agenuca, age talacunugailnuca Kis Gun adigian. Odocob dana leih onoca bileginanu ha adigian. Cunug Tibud, egena Anut, utaadeceb hoqagan eu uqa Kis Gun adigian,” aden.

Aposel 2:41

Odocob geh bahic uqana jenu wawaga meleeceb wa joc oin eu 3,000 odi casacdecca gabandoin.

Aposel 4:21

Odocob cegulec age haun je gatiti maalimeig culalecebil belesin. Dana cajaca cunug age kobolkobol fein eunu Anut binan sulein. Eunu age ameg alecnu jic oso qee felein.

Aposel 4:33

Odocob aposel age gagadic odocca Jisas Tibud cal mecnadec ceseli cajennu dana cajaca je maadein. Odocob Anut age cunug eeladen.

Aposel 4:4

Euqa mati bahic age me je dah mein eundec wawaga meleen eu 5,000 odi ihoc len.

Aposel 6:1

Saen osooso hedocob malogom sanijec ohis teten Juda dana Grik je madegina eu madein, “Egena caja wij eu age deel cunug sab siwiadec saenna age gaid hawaadegina,” ein. Eunu Juda dana Grik je madegina, Juda dana Hibru je madeginaca fee dadanein.

Aposel 6:7

Eunu Anutna je ihoc len. Malogom age Jerusalem bilein agena sanijadec ohis ten. Odocob ihanec dana mati bahic me jenu wawaga meleeceb me je toodu odoin.

Aposel 9:31

Odocob eunu tamanec Judia hatunaca, Galili hatunaca, Sameria hatunaca malol bibileig age gagadic tawein. Age Tibud binan susuli cocobogin Kis Gun cesulaaden dana cajaca me jenu meleec fulusdon.

Aposel 9:35

Odocob dana cajaca cunug Lida jobonca, Saron hatunaca ono bilein uqa fimeig falicdumeig Tibudnu wawaga meleen.

Pol Uqa Jaqec Je Oso Rom Tamanec Jaqiaden 14:18

Dana uqa ceteh eu odina Krais cewel utona Anut uqanu gale dugian. Odocob dana age uqa dana me bahic ec cisdoqagan.

Pol Uqa Jaqec Je Oso Rom Tamanec Jaqiaden 9:27

Odocob Aisaia Isrelnu utai maden: “Isrel sihul eu lanna esic nijina odi fulusdocobfi cois Anut am nag odi himec cahahaadigian.

1 Korin 1:18

Anutna jaqec je odi madena: “Ija cisdoc dana agena cisdoc silecca qee mudigen. Odimig dana docnu gesis agena doc eu gesacna migen,” ena. (Aisaia 29.14) Eunu dana age fadaladecnu dodoladena eu agenu na babalecnu je eu gad je ec cisdogina qa ege Anut cahahagecnu odona eu egenu na babalecnu je eu Anutna gagadic odoc bilia ec doqona.