Aposel 2:45 - Bal cehec je haun

⁴⁵ Age cehewanagaca agena mahaca suldodoig meen qaig eu umeig dana filfil age sabca qee cetetehca qee eu siwiadoloig.

Aposel 2:45 Iomraidhean Croise

Matju 19:21

Odocob Jisas uqa jejeg hewi madon, “Hina dana tutuc bahic calegannu gale hecemfi hina nuimeg hina cehewain cunug idadumeg meen qaig eunadec umeg dana sawen eundec siwiadagale. Odi odimeg hina sao jobon ono cehewainca bilegan. Odimeg hu ija tootagale,” don.

Me Je i Luk Jaqen 16:9

Odimei Jisas madimei maaden, “Odocob ija maadigina, agedodocnu maha ina cehewan me qee euna danah meiga. Eunu cehewan hewecnu saen eu qee meceb age ehadecebil age bileceb catanec jobon euna loqagan.

Me Je i Luk Jaqen 18:22

Saen Jisas eu dah mimei dana eu madon, “Hinana odoc ihoc ligiannu odoc oso qee odolom eu odogale. Hina nuimeg hina cehewain cunug idadumeg meen qaig eunadec umeg dana sawen eundec siwiadagale. Odi odimeg hina sao jobon ono cehewainca bilegan. Odimeg hu ija tootagale,” don.

Me Je i Luk Jaqen 19:8

Odocob Sakias caji tawimei Tibud madon, “O Tibud, dah maga! Ija cehewani gemo cesawimig naha sawen adigen. Odocob ija oso uhuldomfi eu odi meen qaig eu sanijec 4-peladoc wadacdugen,” don.

Aposel 11:29

Odocob malogom age je oso cagoin. Age osolosol agena meen qaig ganic besecwe ihoc cisdumeig age wawaga meleec cotogail Judia hatu ono bilegina cesuladecnu meen qaig leih sulduadoqagan ein.

Aposel 4:34

Leih age mahaca joca eu cunug idadumeig meen qaig eunadec umeig aposel adoloig. Odocob meen qaig eu age agenadec oso sabca qee cetetehca qee eundec meen qaig eu cesawimeig utoloig. Eunu saen euna age eundec oso cetehnu qee jaen qoloi.

2 Korin 9:1

Bagol adec i ege Anutna dana cajaca qagoc cesuladecnu gabandom age eunu wele dogina. Odocob ija ceteh inu je jaqiadecnu qee nijel.

2 Korin 9:9

Eu odiwe Anutna jaqec je madena: “Dana uqa ceteh matica uqa sawen dana loo adena eu uqana ititom kobol eu bileceb catanena,” ena. (Buk Song 112.9)

1 Jon 3:17

Euqa oso uqa mahana cehewanca bilina, odocob uqa cotig oso cetehca qee bibilen fimei cotig eu uqa ceteh cain utiaunnu onindocobfi eu adi uqa Anutnu nalug mena?