Aposel 19:34 - Bal cehec je haun

³⁴ Euqa age uqa Judadec dana camasac fimeig age cunug je osol eu aua lecis odi utai mamadiein, “Atemis Efesas egena eu uqa ben bahic!” ein.

Aposel 19:34 Iomraidhean Croise

Matju 6:7

“Haiden age madegina, ‘Ege egena tibud je mati bahic madocomunfi jejenige toodu odigian,’ egina. Eunu age inondudu je gauc madegina eu odi haiden odoginawe cain madowain.

Aposel 16:20

Odimeig age Rom je gesilec danaca ehali limeig madein, “Dana i ale Judadec ale egena taun ben ene ceteh me qee suluwasannu odosina.

Aposel 19:24

Silwa mudec dana oso, ijan Demitrias, uqa Atemis caja tibudna cuha jo nag ihicon qoc silwana mudoloi. Odocob silwa mudec dana age cabi inu meen qaig ben bahic didoloig.

Aposel 19:26

Agedodoc dudu fifi egina dana Pol i dana cajaca mati bahic qauaadi uqa kadan tibud dana ebenegana mudegina eu anut qee ec madena. Odocob dana mati bahic uqa je madennu wawaga meleeceb hibemgimeig uqaca lein. Efesas eneca odocob Esia hatu cunugnaca age hatuhatu cunugnuca odi eu odon.

Aposel 19:28

Odocob dana cegulein eu je odi dah mimeig age gemanaga geh beceb utai madein, “Atemis Efesas egena eu uqa ben bahic!” ein.

Aposel 19:33

Odocob cegulec euna Juda dana age Aleksanda uqa agena je maadecnu madon. Eunu dana leih age Aleksanda madocobil uqa aqunecna ten. Odimei Aleksanda ebenna cahacaadi age amagana eetanu odi ceguleginanu je maadigia odon.

Aposel 19:35

Odocob hibna taun benna kuskus limei dana am ben maadeceb tiliein. Odimei uqa maaden, “Efesas dana! Efesas taun ben eu Atemis Ben Bahicna cuha joca, meen gun sao ohisdec tonen euca alena cofalec age cunug dogina.

Pol Uqa Jaqec Je Oso Rom Tamanec Jaqiaden 2:22

Hina oso hina dana osona cajaca cain nijuwasin ec madodog qa hinadodoc dana osona cajaca nijesinafo? Hina uhulec kadan tibud qee gale hena qa hina kadan tibud agena cuha jonana ceteteh heje cedaganafo?

Jahunec Je Camasac Muden 13:4

Man sononec ben uqa dool cus me qee eu cofadec cabi utennu dana age man sononec bennu cuha fein. Odocob age dool cus me qee eunu ha cuha fefeig madein, “Oso uqa dool cus me qee cinigwe qee bilel. Oso uqa cadecnu ihoc qee bilel,” ein.