Aposel 19:29 - Bal cehec je haun

²⁹ Eunu taun ben eu cunugca je alalac ben. Dana am ben Gaias Aristakasca, dana lecis Masedoniadec Polca coboin, eu ale hewalimeig udoc jona diaali ehi lein.

Aposel 19:29 Iomraidhean Croise

Aposel 13:5

Saen age Saipras taun Salamis ono calimeig Juda dana agena cuha jona Anutna me je maadesin. Ale Jon gami cabinu cesulaligiannu osoben belein.

Aposel 16:12

Onodec Masedonia hatuna taun ben Filipai taun ben ono belom. Filipai eu Rom cofdoloi. Odocob ege deel leih taun ben ono bilom.

Aposel 16:9

Odocob witic euna Pol ola codocna bebelimei Masedoniadec dana oso cesusdudu tatawen fen, “Masedonia ene humeg cesulgaga!” don.

Aposel 17:8

Age je eu madimeig dana am ben taun ben cofdoc cabi danaca age uceldodoig je alalac ten.

Aposel 19:21

Hibna ceteteh eu hedocob Kis Gun odudeceb Pol uqa Masedonia Grikca hatuna limei hibna Jerusalem isec nuigiannu cisdon. Uqa odi maden, “Hibna ija ono limig Rom ha figen,” en.

Aposel 19:22

Odocob uqa Timoti Erastasca uqana cesuldoc lecis eu ale Masedonia sulaleceb belesin. Odimei uqa saen nag cecelacca Esia hatuna ono bilen.

Aposel 19:32

Odocob dana leih age ceteh osonu utaeegin leih age fil utaiiein. Odimeig dana eundec mati bahic age cel gugnu cegulein eu qee doloin. Eunu dana age udoc jona cegulein age ucelduduein.

Aposel 20:34

Agedodoc dogina, ija odi cabi uug ceteh ijaca qee eundec ijadodoc cesultecnu cabi om. Dana ija gami bilom eundec cesuladecnu ha odom.

Aposel 20:4

Dana leih age Pol gami belein. Eu age Sopata uqa Piras melah Beriadec uqaca, Aristakas, Sekandasca ale Tesalonaikadec aleca, Gaias Debidec uqaca, Timotica, Tikikas Trofimasca Esiadec aleca age Pol gami belein.

Aposel 21:30

Odocob taun ben euna cunug dadanein. Odocob dana cunug osoben guguli li Pol hewimeig tempelnadec didu maha gemo calein. Odimeig mahuc bahic age tempel jic cebec ben eu menein.

Aposel 21:38

Hina Isipdec dana osofo uqa wele nag han dana 4,000 ihulahaladimei age Romca cadecnu aquniadimei wadauna nuen? Hina dana eu qeefo?” don.

Aposel 27:2

Odocob ege wag Adramitiamdec eu taun Esia lan toodu nijeginana nuigiannu saciadon tatawen euna tobi belom. Aristakas uqa Masedonia dana Tesalonaikadec uqa egeca osoben belom.

Pol Uqa Jaqec Je Oso Rom Tamanec Jaqiaden 16:23

Gaias uqa feele ec ageca suldona. Uqa uqana jona me bahic coftena, odimei uqa tamanec cunugha odi cofadena. Erastas uqa taun ben ene uqana kuskus uqaca ege cotige Kwotasca eu ale feele ec ageca suldosina. [Krais Jisas uqana eelgec uum igec ageca biliale. Mele.]

1 Korin 1:14

Dana oso age ija ijanina wa joc adem ec madeiaunnu, ija Krispas Gaiasca dih wa joalem. Euqa ija agenadec oso qee wa joudelem eunu ija Anut hetaga dugina. (

1 Korin 4:9

Age ege ensel dana cunugca osoben amagana qigecebil cal moqona, eu odiwe ege dana age cal mecnu ec je madein. Eunu ija Anut uqa ege Kraisna aposel dana cunug eu hib bahic migen ec cisdugina.

2 Korin 8:19

Eu himec qee. Tamanec cunug age cotige i uqa ege gami cocobi meen qaig gabandocnu cabi i cesulgigiannu nesili ehudein. Ege Tibud binan sulecnu cabi i oqona. Odocob ege cabi i ocnu gale ben gena eunu dana ihacadecnu cabi i oqona.

Kolosi 4:10

Aristakas uqa ijaca gihacdoc jona biluwuna uqa feele adec sulduadena. Odocob Mak, uqa Banabas gainag, uqaha feele adec sulduadena. (Ija Maknu je wele sulduadem, uqa ageca calecebfi age ehudeiga ec maadem.)

Failimon 1:24

Odocob ija cabi hijeniel Makca, Aristakasca, Dimasca, Lukca ageha agena feele adec sulduadegina.

3 Jon 1:1

Ija tamanec agena cofadec matu, ija Gaias jaqihigina. Gaias hina ijana danah bahic, ija mele bahic mahigina, ija hinanu nalunin migina.