Aposel 17:32 - Bal cehec je haun

³² Odocob Pol cal mecnadec ceseli cajen ec madeceb dumeig leih age lelandoin qa leih age madoin, “Ege hina magaga eu haun magecem doqan,” doin.

Aposel 17:32 Iomraidhean Croise

Jenesis 19:14

Odocobil Lot uqa cali limei dana lecis uqa ategul cedalowasannu je nijen eu maalen, “Cajesia! Taun i culdesia! Tibud uqa taun i fadaldugian,” alen. Odonqa ale uqa udoc je maalena ec cisdosin.

Me Je i Luk Jaqen 14:18

Euqa age cunug lecnu culimeig cagasec je madoin. Oso uqa cabi dana eu ninidudu madon, ‘Ija cabi ben oso fajiga eu nuimig figen. Ija lecwe qee,’ don.

Me Je i Luk Jaqen 22:63

Odocob dana Jisas cofdu tawein eu age cih je madodoig ququein.

Me Je i Luk Jaqen 23:11

Odocob Herod uqana han danaca age Jisas cih je madodoig ququein. Lotoc gaga me bahic king taqeginawe u taqitumeig suldocobil Pailatca ceselen.

Me Je i Luk Jaqen 23:36

Odimeig han dana ha uqanu lelanec je mamadeig uqa cemenug cocobi timeig wain gad qugiannu uutiein.

Aposel 13:41

‘Age Anut madena cewudegina eu feiga! Agena saenna odoc oso ija odigina. Eunu wawaga dadaneceb cal meiga! Dana oso odoc inu sildiadecebfi age wawaga qee meleeiaun!’ ein,” aden. (Habakuk 1.5)

Aposel 17:18

Odocob iwaladec dana leih age Epikurian Stoikca amnadec gulucadeceb fee dadanein. Pol uqa Jisas cal mecnadec ceseli cajennu me je maaden. Eunu leih madein, “Je lawilawi madec dana i eetanu madigia odona?” ein. Euqa leih madein, “Uqa tibud filfilnu madenafa?” ein.

Aposel 17:33

Odocob eunu Pol cegulecnadec cuculadi nuen.

Aposel 2:13

Euqa leih age dana wawaga meleec eundecnu lelanec je madein, “Dana i age ceu tinca jecebil dalul aqeia!” ein.

Aposel 24:25

Euqa Pol uqa ititom kobol odocca, me cobocca Anut deel hib cit qocna humei gesilgigi tutuc migecnu madeceb Filiks uqa cucuiimei madon, “Hina qila cois nuugale. Ija saencafi haun mahecemin hogan,” don.

Aposel 25:19

Euqa agena um qoc je cunug eu agena cuha fecnu kobolnuca dana oso ijan Jisasnuca himec. Odocob Jisas i uqa wele cal men qa Pol uqa cebac bilia ec madena.

Aposel 26:8

Eetanu Juda age madegina, ‘Anut uqa cal mecnadec tuliadeceb cajecnu wawige qee meleeiaun,’ egina?” en.

1 Korin 15:12

Aria, ege Krais cal meceb Anut tulidocob ceseli cajennu me je gaid qasali madoqona. Eunu adi age leih odi madegina, “Dana wele cal men eu uqa ceseli cajecwe qee,” egina?

1 Korin 4:10

Ege Krais ijannu dana gad biluquna qa age Kraisca gabandoc eu age dana cisdoc silecca bilegina! Ege lehanige culec biluquna qa age hihibanagaca bilegina! Age binanagaca bilegina qa ege binanigeca qee biluquna!

Hibru 11:36

Leih age agena cad qesalaadiein, gehca qisaadi senna qaqagadeig gihacdoc jona madein, culumen eu gahidoin.

Hibru 13:13

Eunu egeha cudun eu jobon hahagum uqaca lecnu. Odimeb uqa majag don odi egeha majanige gigian.