Aposel 16:25 - Bal cehec je haun

²⁵ Euqa witic tu gemo bahic Pol Sailasca inondodosi Anut binan sulec due sisilesin gihacdoc dana age dah mali nijein.

Aposel 16:25 Iomraidhean Croise

Me Je i Luk Jaqen 22:44

Odocob Jisas deweg culumen doc tebandumei gagadic bahic Anut inondon. Odimei musul golac gagadic cinigwe mahana toocooi tonen.]

Aposel 15:22

Odocob aposelca, tamanec matumatuca, tamanec cunugca age je madi cagoin. Odocob age dana leih gemonadec Judas Basabas dogina uqaca Sailasca nesili cedalimeig ale Pol Banabasca gami Antiok suladecebil beloqagan ein. Judas Sailasca ale wawaga meleec cotolail aquniadec dana.

Aposel 16:19

Euqa dana uqa cofdoloig eu age Pol agena meen qaig oc jic cagocob fimeig age Pol Sailasca hewalimeig ceteteh fajecnu cudunna diali ehi nu Rom je gesilec dana amagana malein.

Aposel 16:33

Odocob uqa witic saen euna dih ehali li isomola wasacudialen. Odocob uqaca, age cunug uqana jona bileinca age wa joadec oin.

Aposel 5:41

Odocob aposel age cegulec culadein. Anut uqa age Jisasnu majanaga hewecnu eu ihoc ec cisdon eunu bebeli bileig age wawaga ceelen.

Pol Uqa Jaqec Je Oso Rom Tamanec Jaqiaden 12:12

Ege ceteh hibna ocnu sumigi bilina eunu cisdumeig wawaga ceeleiale. Culumen ben oso ageca calecebfi age duuec taweigale. Anut inondoc kobol eu cain culuwain gaidgaid hewi cuhadoigale.

Pol Uqa Jaqec Je Oso Rom Tamanec Jaqiaden 5:3

Odocob ege eunu himec ceelecnu qee nijel. Odocob Anut uqana Kis Gun ege igina eu odigeceb Anut nalunige mec ege wawigena basecdona. Eunu ege culumen egeca caleginanu ha culaoqona. Ege culumen eu ege wawige gagadic mudina eu doqona. Odocob ege wawige eu gagadic tawecebfi ege dana temdocna gagadic tatawi culumen gahidoc kobol camasac mudina eu doqona. Odocob ege culumen gahidu wooldufob ege wawige meleeceb Anut ceteh cunug igigiannu saciadon eu susumudi biluquna. Eunu ege ceteh saciadon eunu wawige meleeceb ceteh eu susumudi bilifob ege eunu gauc qee susumudi biluquna.

2 Korin 6:10

Ege waloc gen. Euqa ege gaid ceeloqona. Ege sawen bilom qa ege dana mati cehewanagaca madom. Ege cetehca qee bilom qa ege mele bahic ceteh cunugnu ihoc biluquna.

Efesas 5:19

Age samnaca, kalamnaca, due Kis Gun iwaladena eunaca je madocobmadocobeigale. Age conogana wawaganaca Tibudnu due sileigale.

Filipai 2:17

Agena wawaga meleec eu ihanecwe age Anut utegina. Euqa age ija golani wainwe ihanec euna basecdoqagannufi ija galeigina, ija ageca osoben ceeloqona.

Kolosi 1:24

Qila ija agenu culumen gahidugina eunu ceeligina. Ija dewenina culumen gahidugina euna Kraisna culumen gahidoc leih nijia eu ihoc ligiannu odigina. Ija tamanec cesuldocnu odigina, tamanec eu Krais deweg.

Hibru 5:7

Wele Jisas uqa dana mahana bilen saen euna uqa Anut inondudu bilen. Anut uqa cal mecnadec cahahadocnu ihoc eunu uqa qajec benca amulig nenen utai inondon. Uqa uqadodocnu jogoi Anut bisalu himec biloloi eunu Anut uqana inondoc eu dah moloi.

Jems 1:2

O cotiel, deweneganu temadec filfil ageca hocobfi age eu ceelecna ceteh himec eigale.

Jems 5:13

Age eundec oso culumen gahidonafi uqa inondoiale. Oso uqa waug me nijinafi uqa Anut binan sulec due siliale.

1 Pita 4:14

Kis gagadic odoc fulacdocca eu Anutna Kis eu ageca bilina. Odocob age Krais ijan hewegina. Eunu dana age eunu je me qee maadecebilfi age cois ceeloqagan.