Aposel 13:40 - Bal cehec je haun

⁴⁰ Eunu je hahun madec dana madein eu ageca calecdainnu batut feiga. Age odi madein:

Aposel 13:40 Iomraidhean Croise

Me Je i Luk Jaqen 24:44

Odimei maaden, “Ceteteh inu bahic saen ija ageca cocobi bilob maadem. Ceteh cunug ijanu Mosesna loo jena jaqeinca, je hahun madec dana agena jaqecna jaqeinca, odocob Samna jaqeinca eu mele ihoc caligian,” aden.

Me Je i Jon Jaqen 6:45

Ge, je hahun madec dana age agena jaqec je odi jaqein: ‘Anut uqa cunug iwaladigian,’ ein. (Aisaia 54.13) Age abesabes Memige Anut iwaladeceb doin eu age ijaca hogina.

Aposel 15:15

Odocob je hahun madec dana agena jaqec je ica caca bahic madena odi:

Aposel 7:42

Eunu Anut age hibemaden. Odimei Anutna je hahun madec dana agena jaqec jena taweia eu madenawe: ‘O Isrel dana caja! Age cabi gel 40 wadauna cocoboig dool aqimeig ihanoloig saen euna age ijanu ihantoloig ec cisdoginafo? Age Molekna jo talahca Refan tibud uqana malaqa ihiconca gahialein. Eu uhulec kadan tibud himec age eunu cuha foqagannu mudein. Eunu ija age Babilon hibilohu isec suladecemin beli biluqagan,’ madenawe (Amos 5.25-27) odi Anut uqa malaqa sao ohis binan suluqagannu ahawaaden,” aden.

Hibru 12:25

Age fi cuhadoiga. Dana madena eu jejeg filedocnu dahiniga cain afa qoiaun. Wele bahic Anut uqa maha ina dana cajaca je gagadic maaden qa eu age jejeg qee toodoloin. Eunu wele saen euna age busalimeig agena silail ameg me qee wadac ocnu qee wooldoloig. Odocob qila Anut uqa sao jobon bibili je gagadic magena. Ege uqa hibemdufeb busalimeb silail ameg ihoc wooldocnufo? Qee bahic!

Hibru 2:3

Anut ege cahahagecnu waug nijia eu ceteh me bahic. Eunu ege cahahagec eu qee hehewi cisdufeb ameg wadacdoc me qee adi wooldocnu? Tibud uqadodoc casac cahahagec eunu maden. Odocob dana leih dah mudein eu age mele bahic ec magein.

Hibru 3:12

O wawige meleec cotiel, agedodoc cofdu cuhadoiga. Qee fefeig cotoga age gemona oso uqa waugna cisdoc me qeeca culdecebil waug meleec eu felacucudi Cebac Bilec Anut eu hibemdoiaunnu.