Aposel 13:39 - Bal cehec je haun

³⁹ Odocob age Mosesna loo je toodoginana dih Anut uqa agena silail cagasiadecwe qee. Euqa age dana inu wawaga meleecebfi uqa ihoc agena silail cagasiadigian.

Aposel 13:39 Iomraidhean Croise

Me Je i Luk Jaqen 10:25

Odocob loo je iwaladec dana oso tawimei Jisas bolobna mudigiannu temdu sisildon, “Iwalgec, ija cebac bilec catanec eu mugumi ugennu eeta odigen?” don.

Me Je i Luk Jaqen 10:28

Odocob Jisas jejeg hewi madon, “Hinana jejeni hewec eu ihoc. Hina odi odimeg cebac bilec ogan,” don.

Me Je i Luk Jaqen 18:14

Odocob Jisas maaden, “Ija maadigina, oso uqa culai ijanel lalan mumudi bilina euqa Anut uqa dana eu cilehdugian. Oso uqadodoc jogoi waug lal qocca bilina eu Anut uqa dana eu culaug u lalan mumudeb biligian. Eunu takis cedec dana iqa uqa mele bahic Anut amegna ititom bibilen jona nuen, oso eu qee,” aden.

Me Je i Jon Jaqen 5:24

“Ija je mele maadigina, oso ijana je dugiaqa, sulten eu uqana jenu waug meleigiaqa, eu uqa cebac bilec catanec wele on. Uqa gesildocna qee leiaun qa uqa cal mecnadec cebac bilecnana wele leti len,” aden.

Aposel 10:43

Je hahun madec dana cunug age Jisasnu madein, cunug age Jisasnu wawaga meleena Anut uqa Jisas ijanna agena silail cagasiadigian ec madein,” aden.

Pol Uqa Jaqec Je Oso Rom Tamanec Jaqiaden 10:10

Eu odi je hahun jaqec madena: “Dana cunug age Tibud ijan uutaegina eu Anut uqa cahahaadigian,” ena. (Joel 2.32) Odocob Juda danaca Juda dana qee eundecca eu age caca himec. Tibud osol himec uqa ege cunug egena Tibud. Uqa uqana eeldoc me bahic dana cunug uqa cesuladecnu utadogina eu age adena. Odocob Anutna jaqec je odi madena: “Dana cunug age uqanu wawaga meleena eu age majanaga qee adeiaun,” ena. (Aisaia 28.16) Eunu ege wawige meleeceb Anut egenu dana cajaca ititom ec madena. Odimeb ege conigena wawige meleec qasali madocomun Anut cahahagigian.

Pol Uqa Jaqec Je Oso Rom Tamanec Jaqiaden 10:4

Ege doqona, Krais uqa loo je eu ihoc toodu li hedon. Eunu dana cajaca cunug Kraisnu wawaga meleena age ijanaga dana cajaca ititom eu ogina.

Pol Uqa Jaqec Je Oso Rom Tamanec Jaqiaden 3:19

Odocob ege doqona, Mosesna loo je eu uqa egena silail eu himec ihacgena, eunu dana oso uqa ija dana ititom ec madecwe qee. Eunu cel je loo je madena eu dana cunug age je madecwe qee bilimeig dana maha cunugnadec ege Anut amegna cahuldocca biluquna ec madoqagannu eu dana loo je bisalu bilegina eu age maadena.

Pol Uqa Jaqec Je Oso Rom Tamanec Jaqiaden 4:15

Ege doqona, dana age loo jeca bileginafi age loo je tefacdogina. Eunu Anut uqa gemag bena. Euqa Moses uqa loo je qee jaqecebfi dana age loo je qee tefacdogina.

Pol Uqa Jaqec Je Oso Rom Tamanec Jaqiaden 4:24

Jaqec je eu egenu ha madena. Ege Anut uqa Jisas egena Tibud cal mecnadec tulidocob cajennu wawige meleena euha Anut egenu dana cajaca ititom ec madena.

Pol Uqa Jaqec Je Oso Rom Tamanec Jaqiaden 5:1

Egena wawige meleecna Anut ege dana cajaca ititom ec madena. Eunu Jisas Krais Tibud odigeceb ege Anutca malol biluquna.

Pol Uqa Jaqec Je Oso Rom Tamanec Jaqiaden 5:20

Odocob je tefacdoc ben bahic calecnu Anut uqa dana cajaca loo je aden. Odocob silail kobol eu ben bahic calena qa Anutna eelgec uum igec eu silail kobol wooldon, odimei ihoc len.

Pol Uqa Jaqec Je Oso Rom Tamanec Jaqiaden 5:9

Krais uqa cal meceb uqa golacna Anut ege dana cajaca ititom ec ijanige wele qon. Eunu ege qila tutuc bahic doqona, eu ege gehgeh cesulgigian, odocob ege Anutna gemag bec qee gulucdoqaun.

Pol Uqa Jaqec Je Oso Rom Tamanec Jaqiaden 8:1

Eunu dana ege Krais Jisasca gabandom ege silail ameg ocnu ec je oso qee nijel. Dana uqana cisdoc eu waug hilah uqana kobol toodufei uqa Anutna loo je qee toodu odona. Uqa odi odocnu ihoc qee. Eunu dana eu uqa Anut cad mudina. Odocob dana wawaga hilah uqana kobolna cobogina age kobol Anut gale dona eu odocwe qee. Eunu dana wawaga hilahna kobolna cobogina eu agena cisdoc eu ceteteh wawaga hilahna eundecnu himec cisdogina. Euqa dana Kisna kobolna cobogina agena cisdoc eu ceteteh Kisna kobolnu himec cisdogina. Odocob dana uqana cisdoc eu waug hilahna kobolna himec tawenafi dana eu uqa cal migian. Euqa dana uqana cisdoc eu Kisna kobolnu himec cisdonafi dana eu uqa malol bilecca cebac bilecca ugian. Eunu ege wawige hilah eu gagadic odocca qee eunu ceteh eu loo je odocwe qee Anut uqa odon. Loo je eu dana cajaca age kobol ititom odoiga ec madena eu ege wawige hilahna jic coboc kobolna qee coboqona qa Kisna jic coboc kobolna coboqona eu ege kobol ititom ihoc odocnu Anut uqagul Melah suldocob uqa silail deweg eu egena silail dewenigewe u tacimei nen euna silail eu wawige hilahna mena eu qee mecnu odon. Odocob cebac bilec Kisna loo je uqa ege cunug Krais Jisasca gabandoc biluquna eu cebac bilec igen eu silail cal mecca alena loo jenadec besiten. Odocob eunu dana ege Krais Jisasca gabandom ege silail ameg ocnu ec je oso qee nijel.

Pol Uqa Jaqec Je Oso Rom Tamanec Jaqiaden 9:31

Euqa Isrel age Anutna ititom kobol ocnu loo je euna toodoin eu age Anutna ititom kobol qee gulucdoloin.

1 Korin 6:11

Age Korin tamanec leih age dana eundecwe odi biloloig. Euqa Anut uqa agena silailnu soiaden, odimei uqa age qagu maden, odimei uqa Krais Jisas Tibud ijannaca Anutna Kisnaca age dana cajaca ititom maden.

Galesia 2:16

Euqa ege doqona, Anut uqa dana oso uqa Mosesna loo je toodu odonanu uqa dana ititom ec qee madena qa uqa dana oso uqa Jisas Kraisnu waug meleenanu eu himec uqa dana ititom ec madena. Odocob Anut uqa ege Kraisnu wawige meleennu ege dana ititom ec madigiannu egeha Krais Jisasnu wawige meleen. Odocob Anut uqa dana oso uqa Mosesna loo je toodu odonanu uqa dana ititom ec qee madel. Eunu Anut uqa ege dana ititom ec madigiannu ege Mosesna loo je qee toodu odolom.

Galesia 2:19

Ge, ija loo jenu cal mem. Ija Anutnu cebac biligennu loo je uqadodoc ija qiteceb cal mem. Ija Kraisca wele na babalecna tuitu qilimeig caqusilecebil caculimeu cal moh.

Galesia 3:8

Odocob Anutna jaqec je eu Anut uqa Juda dana qee eundec agena wawaga meleecnu age dana cajaca ititom ec madigian eunu wele fen. Eunu Anutna jaqec je eu wele me je Ebraham madon. Anut uqa odi madon: “Hinanu dana cajaca age mahamaha cunugna bilegina eu eeladigian,” don. (Jenesis 12.3; 18.18; 22.18)

Galesia 5:3

Ija haun maadigina, dana oso uqadodoc culadeceb deweg cagu qocobilfi eu uqa Mosesna loo je cunug toodu bahic toodu odigian.

Hibru 10:11

Juda agena nawel tawec ihanec dana cunugca odi tawimeig deel cunugna agena cabi oloig. Age haunhaun ihanec kobol eundecna himec ihanoloig. Euqa ihanec eu odi eu silail cagasigecwe qee.

Hibru 7:19

Eu eetanu? Mosesna loo je eu ceteh tutuc bahic mudecnu ihoc qee. Odocob qila ceteh me bahic ege tutuc mudecnu ihoc eu Anut igen eu bilina. Odocob ceteh me bahic eu ceteh hilah wooldona euna ege Anut cemenug loqona.