Aposel 13:1 - Bal cehec je haun

¹ Antiok tamanecna je hahun madec dana iwaladec dana leihca bilein. Eu age Banabas, Simion age Naija dogina, Lusias uqa Sairinidec, Manejen uqa Herod gabman dana uqana begabeg meh, Solca.

Aposel 13:1 Iomraidhean Croise

Matju 27:32

Age cali hohoig han dana age Sairinidec dana oso fein, uqa ijan Saimon. Age madocobil Jisasna na babalec gahidon.

Me Je i Luk Jaqen 3:1

Saen euna cabi gel 15docna Taibirias Sisa uqa Rom agena cofdoc dana bilen. Saen euna ha Pontias Pailat uqa gabman dana Judia hatu agena ilo bilen. Odocob Herod uqa Galili hatu agena ilo bilen. Odocob uqa waliag, Filip, uqa Ituraia Trakonaitisca hatu alena ilo bilen. Odocob Laisenias uqa Abilini hatu nag agena ilo bilen.

Aposel 11:30

Odi odimeig age meen qaig Banabas Solca alecebil ehi nui Judia hatu ono tamanec matu adesin.

Aposel 12:25

Odocob Banabas Solca alena cabi Jerusalem onodec odoc eu cunug ihoc leceb ale Jerusalemdec Jon uqa ijan oso eu Mak ehudecebil Antiok ono ceseli belesin.

Aposel 13:9

Odonqa Sol, uqa ijan oso Pol, Kis Gun am bec uqa ceeh dana eu gugca mecidon.

Aposel 15:32

Judas Sailasca, ale je hahun madec dana, saen cecelac bahic wawaga meleec cotogail je mati bahic hulunuga cehi maadecebil agena wawaga meleec gagadic men.

Aposel 15:35

Odocob Banabas Polca Antiok ono nag odi bilesin. Ale dana matica osoben tamanec ono Tibudna me je iwaladein.

Aposel 19:6

Odocob Pol eben ilomogana meceb Kis Gun ageca nen. Odocob age beilamaga falicdocob je filfil mamadeig je hahun madec danawe Anutna me je madein.

Aposel 21:9

Uqa ategul 4-pela danaca qee. Age je hahun madec danawe Anutna me je maadoloig.

Aposel 4:36

Odocob saen euna Josef, uqa Liwai sihuldec, uqa Saipras nuidec, eu bilen. Aposel age ijan Banabas dogina, ijan eu uqana gug odi “oso uqa jic ihacadec, hulunuga cehec dana,” en.

Aposel 9:1

Oodogin Sol uqa haunhaun maden, “Ija Tibudna malogom eu aaqigen,” en. Odimei uqa ihanec dana iloca limei

Pol Uqa Jaqec Je Oso Rom Tamanec Jaqiaden 16:21

Ija cabi hi Timoti uqa uqana feele ec ageca suldona. Odocob Lusiasca Jesonca Sasipataca eu age ijana sihulnadec ageha agena feele ec ageca suldogina.

1 Korin 11:4

Eunu dana oso uqa ilo jahuldoc tatawi inondonafo, je hahun madenafo uqa Krais majag hewena. Krais uqa ilo. Odocob caja oso uqa ilo qee jahuldoc tatawi inondonafo, je hahun madenafo uqa gemug majag hewena. Gemug uqa ilo. Caja eu odiwe caja age ilo gosic cocdocobil majag dona. Ge, caja uqa ilo qee jahuldoc bilinafi uqa gosic cagocob gohicdugian. Euqa caja uqa gosic cagu gohicdoc bilinafo, ilo cocdoc bilinafo, eu majag docobfi uqa ilo jahuldugian. Dana uqa Anut ihicon qon, uqa Anutna gagadic odoc fulacdocca. Eunu dana uqa ilo jahuldoc qee biliaun. Euqa caja uqaha gemugna gagadic odoc fulacdocca.

1 Korin 13:2

Ija je hahun madecnu duginafi, odocob ija Anutna cisdoc cunug jahunec nijia eunu duginafi, odocob ija doc silecca cunug duginafi, odocob ija wawi meleec cunugca ija aluh maadecemin ono isec lecnu ihocfi, euqa nalug mec eu ijana qee nijinafi, ija tetec gauc himec.

1 Korin 13:8

Nalug mec uqana saen qee qee meiaun. Euqa je hahun madec eu jausigian. Beilamaga filfil madec eu qee migian. Doc silecca eu jausigian.

1 Korin 14:29

Anut uqa ege kobol ilagna bilecnu qee gale dona. Uqa kobol ilag ihulahaldoc dana qee. Uqa malol bilecnu gug. Eunu Anutna je hahun madec dana eu lecisfo, cijedfo odi je maadoqagan. Odocob dana cajaca leih age adi madegina eunu gesili foqagan. Odocob dana cegulecna bilina uqa Anut je oso madecnu camasac ihacdufei dana uqa casac je madeia eu uqa co cufa qugian. Ge, kobol ina age cunug Anutna je hahun osolosol maadoqagan. Eunu dana cunug age je eu doqagan. Odimeig cunug wawaga gagadic mudoqagan. Odocob dana Anutna je hahun madegina eu agedodoc conoga cofdoqagan. Odocob age agena saennana je madoqagan. Caja age Anutna qagu coboc dana cajaca agena cuha jona cunug tilii bilegina.

1 Korin 9:6

Ija Banabasca eledih elena cebac bilecnu cabi owan, odocob aposel leih age agena cebac bilecnu cabi qee owainfo?

Galesia 2:13

Odocob wawaga meleec Juda dana leihha age uqaca osoben qee sasac qu uhulec kobol i odoin. Odocob hibna agena uhulec kobol i Banabas cecel qudocob uqaha tooaden.

Galesia 2:9

Odocob Jemsca, Pitaca, Jonca, age tamanecna cofadec ijanagaca egina, age Anut uqa eeltec uum itimei cabi i iten eu fimeig age ija Banabasca sekan milein, ege cabi hihijagwe. Ege ija Banabasca Juda dana qee eundec gemona cabi owannu ec je cagom. Odocob age Juda dana gemona cabi oqagannuca ec je cagoin.

Efesas 4:11

Odocob uqana bagol igec eu odi. Dana leih age aposel cabi aden, odocob leih age je hahun madec cabi aden, odocob leih age me je qasali maadec cabi aden, odocob leih age tamanec cofadec cabi aden, odocob leih age me je iwaladec cabi aden.

Filipai 4:22

Anutna dana cajaca qagoc cunug age feele adec sulduadegina. Leih age Sisana jona cabi ogina eu ageha feele adec sulduadegina.

1 Tesalonika 5:20

Dana Kis Gun cesuladeceb je maadegina eundec cain cewadowain.