Aposel 11:29 - Bal cehec je haun

²⁹ Odocob malogom age je oso cagoin. Age osolosol agena meen qaig ganic besecwe ihoc cisdumeig age wawaga meleec cotogail Judia hatu ono bilegina cesuladecnu meen qaig leih sulduadoqagan ein.

Aposel 11:29 Iomraidhean Croise

Matju 25:17

Eu odiha dana kina 2,000 on eu uqa cabi ocna kina 2,000 haun ocob kina 4,000 men.

Me Je i Jon Jaqen 2:2

Euha Jisasca uqana malogom gami ono hoqagannu je sulduadecebil ageha hu bilein.

Aposel 1:15

Deel osooso hedocob euna wawaga meleec cotogail 120 odi cegulein. Odocob Pita je maadigiannu caji tawen.

Aposel 11:1

Aposel wawaga meleec cotogailca age cunug Judia hatu ono ilag bilegina age Juda dana cajaca qee ageha Anutna me je wele oin ec doin.

Aposel 11:26

Odimei uqa ono li gulucdumei ehudi Antiok ehi hon. Cabi gel osol cunugca tamanec onodecca gabandumeig am ben Jisas Tibudnu me je iwaladesin. Eu Antiok ono malogom age casac Kristen adein.

Aposel 13:52

Odocob malogom Antiok ono bilein eundec Kis Gun wawagana ihoc leceb age celeboein.

Aposel 14:20

Euqa saen malogom age uqaca hu taldu tawecebil uqa cajimei taun ben euna ceseli len. Odocob deel oso uqa Banabasca Debi taun ono belesin.

Aposel 14:22

Ale bebelesi malogom hulunuga cehi aadesi wawaga meleec eu duuec tawigiannu dahiniga hewimesi ale ulicaadi maadesin, “Ege Anutna me cul ocnu culumen mati bahic gisi cacagu gemo euna odi leqan,” adesin.

Aposel 24:17

“Odocob cabi gel leih ija Jerusalem ono qee bilelem. Odocob hibna ija Jerusalem ono ceseli limig ijana dana cajaca ono bilegina agena meen qaig sawen eundec siwiadecnu ehi li aadig ihanii hetaga docnu ono tem.

Aposel 4:34

Leih age mahaca joca eu cunug idadumeig meen qaig eunadec umeig aposel adoloig. Odocob meen qaig eu age agenadec oso sabca qee cetetehca qee eundec meen qaig eu cesawimeig utoloig. Eunu saen euna age eundec oso cetehnu qee jaen qoloi.

Aposel 6:1

Saen osooso hedocob malogom sanijec ohis teten Juda dana Grik je madegina eu madein, “Egena caja wij eu age deel cunug sab siwiadec saenna age gaid hawaadegina,” ein. Eunu Juda dana Grik je madegina, Juda dana Hibru je madeginaca fee dadanein.

Aposel 9:19

Odocob hibna uqa sab jimei uqana gagadic odoc haun ceseli on. Odocob Sol uqa malogom gami age Damaskas ono deel osooso ageca bilein.

Aposel 9:25

Euqa witic osona uqana malogom age ehudimeig gel ohis isec cebec nag osona mudegin leceb galelna tacimeig halu hehewegin maha gemo tonen.

1 Korin 13:5

Dana nalug mena uqa qee deboena, uqa osonu je me qee qee madena, uqa ija didih ec qee madena, uqa dana sibeni qaheceb gemani qee bena, uqa deweg tudocobil hewihewi qee cobona.

Galesia 2:10

Age je osol dih madi, age sawen dana age egena tamanecna bilegina eunu cisdu cuhadoqagan, ein. Ceteh i dih ija eu odocnu megameg mem.