Aposel 1:2 - Bal cehec je haun

² hocob li Anut uqa Jisas ehudeceb enedec sao ohisna ten eunu jaqem. Uqa sao ohisna qee tec uqa Kis Gun odocna aposel dana uqa nesili cedaden eundec uqa je gatitina ulicaadi dado maden.

Aposel 1:2 Iomraidhean Croise

Matju 12:28

Ijaqa Anutna Kis cesulteceb ija Anutna gagadic odocna buga me qee dana deweneganadec ititacadiginafi Anutna cul ageca wele hoia,” aden.

Matju 3:16

Jisas wa joc umei uqa mahucwe wa ocna ti tatawen sao ohis jic cebec hudeceb uqa Anutna Kis cuhudid cinigwe ni uqaca bilen fen.

Me Je i Mak Jaqen 6:30

Odocob aposel ceseli Jisasca humeig ceteteh cunug odoinnuca iwaladeinnuca sadoin.

Me Je i Luk Jaqen 24:51

Uqa ono eelaaden [Anut ehudeceb cuculadi sao jobon ten.]

Me Je i Luk Jaqen 9:51

Jisas uqa sao ohis tecnu deel wele dodoldodon uqa Jerusalem nuigiannu cisdoc osol taweceb nuen.

Me Je i Jon Jaqen 1:16

Anut uqa loo je Moses umna igen qa Anut uqa amegna me bilecca mele bilecca eu Jisas Krais umna igen. Eunu uqana Anut amegna me bilec am bec eunadec ege cunug eelgen. Eeldoc me bahic eu filfil igen.

Me Je i Jon Jaqen 13:1

Pasowa Sab Jec Ben Deel qee calec ninijen Jisas uqa maha i culimei Memige Anutca nuigiannu saen eu wele hoia ec don. Uqa uqana, mahana gaid biloloig eu age gaid nalunuga moloi. Uqa nalunuga memen li uqana cal mec calen.

Me Je i Jon Jaqen 13:18

“Ija age cunugnu qee madigina. Ija dana ija nesili cedadem eundecnu dugina. Euqa Anutna jaqec je oso tawena eu ihoc ligiannu ceteh oso caligian. Je eu odi madena: ‘Oso uqa ijana sab jena eu uqa lahactecnu jaih sulina,’ ena. (Buk Song 41.9)

Me Je i Jon Jaqen 13:3

Jisas uqa Memige Anut uqa ceteh cunug uqa ebenna men, uqa Anut suldocob nen, uqa haun ceseli Anutca ti caligian eu cunug don.

Me Je i Jon Jaqen 16:28

Ija Memige Anutnadec humig mahana nem. Qila ija maha qisacdumig Memige Anutca ceseli tigina,” aden.

Me Je i Jon Jaqen 17:13

Qilaqa ija hinaca tige bili odigina. Odimig ija wawi ceeli bilec ageca ligiannu, age wawaga ceeli bilec ihoc bahic ligiannu je i mahana tatawi mahigina,” don.

Me Je i Jon Jaqen 20:17

Odocob Jisas uqa madon, “Ija Memige Anutca ceseli ohis qee tec nijia. Ija cain hewitigaun. Euqa ija cotielca limeg maadaga, ‘Ija Meica age Memegaca, ijana Anutca agena Anutca cemenug tigina,’ adaga,” don.

Me Je i Jon Jaqen 20:21

Odocob Jisas uqa haun maaden, “Malol ageca biliale. Memige Anut ija sultenwe eunu ija age suladigina,” aden.

Me Je i Jon Jaqen 6:62

Age Dana Melah wele biloloi euna haun ceseli teteb fifeig age adi cisdoqagan?

Me Je i Jon Jaqen 6:70

Odocobil Jisas jejenega hewi maaden, “Ija age 12-pela ijana malogomnu wele nesiladi qee cedelemfo? Euqa age oso eu Setenna eundec!” aden.

Aposel 1:11

maadesin, “Galilidec dana, age eetanu sao jobonna tatii ene tawegina? Jisas i Anut uqa ehudeceb enedec sao jobon teia uqa teten feiga odi ceseli tonigian,” adesin.

Aposel 1:13

Age taun benna limeig jo hamol ohis age nijoloigna tein. Aposel eu age ijanaga odi, Pita, Jon, Jems, Andruca, Filip, Tomasca, Batolomju, Matjuca, Jems, uqa Alfias melah, uqaca, Saimon, uqa Selot dana, uqaca, odocob Judas, uqa Jems melah uqaca.

Aposel 1:22

saen hahawan Jon uqa wa joadecnu je maaaden li deel Jisas uqa egecadec ehudi sao jobonna ehi ten eu gadac. Odocob dana i uqa egeca gami Jisas cal mecnadec ceseli cajennu je qasali maadec cabi oqale,” aden.

Aposel 1:9

Uqa je i madi hedumei Anut uqa ehudeceb sao jobon teten mecidu tawein. Oodogin ti taen dunuh li jebuc daneceb amagana haun qee felein.

Aposel 10:38

Age dogina, Anut uqa Kis Gunca gagadic odocca Jisas Nasaretdec ilona basecdocob nen. Anut uqaca bilen. Eunu uqa cudun cunugna dana cunug age Seten cilehaden eu me mamadi kobol me oodi cobonnu eu age dogina.

Galesia 1:1

Ija Pol, ija aposel. Dana age ija qee sultelein, odocob dana oso ija utatimei aposel qee mitel. Euqa Jisas Kraisca Memige Anut uqa Jisas Krais cal mecnadec tulidocob cajen uqaca utatimesi aposel mitesin.

Efesas 2:20

Age Anut jo cehenwe odi. Uqa ege aposelca je hahun madec danaca jo i uqana nah cehen. Odocob Krais Jisas uqadodoc uqa jo i uqana nah man nohinoh bahic!

1 Timoti 3:16

Ege mele doqona, Anutna kobolnu je gug eu me bahic me, oso eunu qee sasac qocwe qee. Je gug eu ege odi qasali madoqona: “Uqa dana deweg ocna camas men. Kis Gun uqana gug eu tutuc bahic ege ihacgen. Ensel age fecidoin. Agena malogom age uqana je dana hatuhatu bilegina age gemo maadecebil dah mein. Mahanadec age uqanu wawaga meleena. Anut uqa ehudi sao jobon teceb uqa binan ben on,” oqona.

Hibru 9:24

Ge, ege doqona, Krais uqa jo gun dana ebenegana mudein euna oso qee lel, eu jo gun sao jobon bilia eu ihicon qoc himec. Uqa tutuc sao jobon len. Odocob qila uqa Anut amegna camasac men, uqa ege cesulgec cabi ona.

1 Pita 3:22

Jisas Krais uqa sao jobon ten, Anut eben meulana isec bilina. Odocob ensel cunugca, kis gagadic odoc cunugca, ceteh cunug gagadic odocca eu age Jisas Krais bisalu bilegina.

2 Pita 3:2

Ija je inu haun maadiginana age Anutna je hahun madec dana age wele ceteh hibna caligiannu dana cajaca maaden eunu haun cisdoqagannu maadigina. Odocob age Tibud egena Cahahagec uqana loo je magen eunuha cisdoqagannu maadigina. Tibud uqa uqana aposel suladeceb ageca limeig aposel conogana Tibudna loo je eu dah mein.

Jahunec Je Camasac Muden 1:1

Jahunec je i eu Jisas Kraisna camasac mec je sanijec. Anut uqa ceteteh isi caloqagannu uqana cewel utoc dana age eu ihacadecnu camasac mec je eu Jisas Krais uten. Odocob Jisas Krais uqa camasac mec je eu uqana ensel utimei suldocob uqa Anutna cewel utoc doc dana, Jonca humei madon.

Jahunec Je Camasac Muden 2:11

“Oso dahigcafi Kis tamanec cunug maadena je eu doiale! Oso gagadic mimi han wooldocobfi cal mec lecisdoc odudecnu qee nijiaun,” hena,’ odi jaqitogale,” ten.

Jahunec Je Camasac Muden 2:17

“Oso dahigcafi Kis tamanec cunug maadena je eu doiale! Oso gagadic mimi han wooldocobfi ija manna jahinec nijia eundec leih utecemin jigian. Ija eu meen senenec oso utigen. Ijan haun utigen, eu meen euna jaqec je nijia, eu oso qee dona qa eu ona himec dona,” hena,’ odi jaqitogale,” ten.

Jahunec Je Camasac Muden 2:29

Oso dahigcafi Kis tamanec cunug maadena je eu doiale!” hena,’ odi jaqitogale,” ten.

Jahunec Je Camasac Muden 2:7

“Oso dahigcafi Kis tamanec cunug maadena je eu doiale! Oso gagadic mimi han wooldocobfi ija cebac bilec na uqana aig jigiannu cois madugen. Cebac bilec na eu Anutna paradaisna tawena,” hena,’ odi jaqitogale,” ten.

Jahunec Je Camasac Muden 21:14

Taun ben eu uqana gel eu meen big gug 12-pelana cehein. Meen big gug euna Sipsip Nagna aposel 12-pela eu age ijanaga jaqein.

Jahunec Je Camasac Muden 3:13

Oso dahigcafi Kis tamanec cunug maadena je eu doiale!” hena,’ odi jaqitogale,” ten.

Jahunec Je Camasac Muden 3:16

Eunu hina dadainca himec biliginanu, daecca qee, dain gulgulecca qee, ija coninadec cin qihecemin nuegan.

Jahunec Je Camasac Muden 3:22

Oso dahigcafi Kis tamanec cunug maadena je eu doiale!” hena,’ odi jaqitogale,” ten.