1 Timoti 6:5 - Bal cehec je haun

⁵ Odocob age gaid ilag galac megina. Dana eundec age mele je gagadic qee hewegina. Dana eu odi odogina eu agena cisdoc eu cogogec. Age Anutna kobol eu cehewanigeca bilecnu jic ec cisdogina.

1 Timoti 6:5 Iomraidhean Croise

Matju 12:33

Jisas je haun maaden, “Na eu gug mefi eu aig me qona. Euqa na eu gug me qeefi eu aig me qee qona. Dana age casac aig fimeig na gug eu mefo, me qeefo ec doqagan.

Matju 21:13

maaden, “Anutna je jaqecna je oso nijia eu Anut odi madena: ‘Ijana jo eu Anut inondocnu jo oqagan,’ ena. (Aisaia 56.7) Ageqa agena odocna age falicdocobil heje dana agena jahunec cudun ibuldon!” aden. (Jeremaia 7.11)

Matju 23:13

Jisas je haun maaden, “O loo je iwaladecca Farisica, age dana cajaca sao cul jobon lecnu jic cebec meniadegina. Euqa agedodoc lecnu culegina, odimeig leih sao cul jobon lecnu wawaga nijia euqa age cahacadegina. Eunu age me hihili coboc dana! Age walocca!” aden.

1 Korin 11:16

Euqa oso uqa eunu jena fee dadanecnu odonafi ija je osol madigen. Egeca Anutna tamanec cunugca ege cuha fecnu kobol fil oso qee odoqona, qa ege cuha fecnu kobol i himec odoqona.

2 Tesalonika 3:6

Ege wawige meleec cotigeil, egena Tibud Jisas Krais ijanna ege je gatiti maadoqona. Age wawaga meleec cotoga oso uqa kobol me odocnu dado mudec je age egenadec oin eu cuculi qee toodu odona, uqa alal dona, cabi qee ona. Cotoga eu qisacdoiga.

1 Timoti 1:6

Dana leih age kobol i culein. Odocob age je gauc dihnu mamadi ilag gad fahalegina.

1 Timoti 3:3

Uqa ceu jeceb dalul cain qoiaun, uqa hihiban cain teiaun qa waug susumulca, malolca biligian. Uqa meen qaig ocnu himec cain cisdoiaun.

1 Timoti 3:8

Eu odiwe tamanec cesuldoc cabi dana eu dana agenu hutanaga me himec coboigale. Age dana conoga lecisca cain biluwain. Age ceu jecebil dalul cain aqeiaun. Age dana agena meen qaig celcel qauadecna ocnu cain cisdowain.

1 Timoti 4:7

Euqa mahanadec dodo caunca qee, eu Anutnu je me qee madegina, eu hibemdogale. Hinadodoc Anutna kobolnu iwaldu cuhadoga.

1 Timoti 4:8

Hina dogona, dewenige cabinu iwalgoqona, odocob dewenige gagadic mena, eu nagnag cesulgigiannu ihoc. Euqa Anutna kobol toodocnu iwaldoqonafi eu ege geh bahic cesulgigiannu ihoc. Eetanu? Eu ege cebac bilec qila ina biluquna cesulgecnu ihoc, odocob hibna cebac bilecnu hugian euna ha cesulgecnu ihoc.

1 Timoti 6:6

Mele, dana oso Anutna kobol toodufei uqa ceteh me mati bahic cedigian. Euqa ceteh Anut utona eu cois ihoc enafi uqa ceteh me mati bahic cedigian.

2 Timoti 3:5

Eundec age dana amagana himec Anutna kobol toodu odoginawe odi odoqagan, euqa Anutna kobol caunca qee biluwain. Hina dana eundec qisacadagale.

2 Timoti 3:8

Wele Janis Jambrisca ale Moses je feedudu uqanu teiesinwe dana eu ageha mele je eu feedudu teiegina. Agena cisdoc eu ihulahaldoc nijia, agena wawaga meleec eu qauec dih, age Kraisnu wawaga qee meleena.

Taitas 1:11

Age je madecnana ege wawige meleec dana leih aidagailca talaculunugail gami cunug agena wawaga meleec eu besiadegina. Age je madec i cain iwaladowain. Odocob age je i iwaladecna meen qaig ogina eu age majanagaca. Eunu hina agena je eu cahacadegan.

2 Pita 2:15

Age jic tutuc culimeig jic ceja qoin. Age jic Belam on eu toodoin. Belam, uqa Bio melah, uqa me qee odocna meen qaig ugiannu gawen.

2 Pita 2:3

Odocob dana eu age ban falec dana bahic eunu age uhulec je mati agena qaig ceteteh diduadoqagannu madoqagan. Euqa wele bahic Anut dana eundec gesiladigiannu deel saciadon bilia. Odocob uqa fadaladigian. Aria, agena fadaladec qee us nijina. Tu gegeldon sumadi bilina.

Jud Uqa Jaqec Je Oso Anutna Dana Cajaca Jaqiaden 1:11

Dana eu age walocca bileigale! Ge, age Keinna kobolna jic coboin. Age meen qaig ocnu dih gagadic cisdogina eu odiwe Belam wele odon. Age Anut feedogina odiwe Kora eu wele odon. Age agena feeecna fadaloqagan.

Jahunec Je Camasac Muden 18:13

mioca, qanaca, ihanec ja casuc dedeman meca euca, lalo dedeman meca euca, sanda meca, wainca, moolca, plauaca, witca, bulmakauca, sipsipca, hosca, karisca, cabi danaca, dana cajaca euha eu cunug oso fajecnu qee bilina.