1 Timoti 6:16 - Bal cehec je haun

¹⁶ Uqa himec cal mecwe qee gaid bileceb catanena. Uqa fulacdoc bahicca bilina eu ege uqa cemenug lecwe qee. Anut eu dana oso qee fel, dana osoha fecwe qee. Ege uqa binan sulocomun cataneiale! Uqa gagadic odocca demico biliale! Mele!

1 Timoti 6:16 Iomraidhean Croise

Me Je i Jon Jaqen 1:18

Dana oso Anut qee fel. Anut Melah osol, eu uqaha Anut, uqa Memige Anut wowogonu bilina, uqa Anutnu mageceb dom.

Me Je i Jon Jaqen 14:9

Odocob Jisas madon, “Filip, ija saensaen ageca biluqunaqa hina ijanu wawin qee fogo dolfo? Hina adi Memige Anut ihacgaga foqa tagana? Oso ija meciteia, eu uqa Memige Anut mecidoia.

Me Je i Jon Jaqen 6:46

Euqa dana oso uqa Memige Anut qee fel. Oso uqa Anutnadec hon eu uqa himec Memige Anut fen.

Me Je i Jon Jaqen 8:58

Odocobil Jisas maaden, “Ija je mele maadigina, Ebraham qee cali hoc ninijen ija bilem,” aden.

Efesas 3:21

Ege Anutna tamanec dana cajaca cunug saen qila hibecha gaidgaid Anut Krais Jisasca binanala sulocomun cataneiale! Mele.

Filipai 4:20

Ege Memige Anut binan sulocomun cataneiale! Mele.

Kolosi 1:15

Ege Anut fecwe qee euqa Anut Melah ege fecnu ihoc qa uqa Anut. Uqa ceteteh cunug Anut ifanen eu agena matu bilia.

1 Timoti 1:17

King saensaen cunug cal mecwe qee, eu uqa fecwe qee, uqadih Anut bilia eu binan sulocomun cataneiale, uqa kobolkobolca bileceb cataneiale! Mele.

Hibru 13:8

Jisas Kraisna kobol eu cumca qilaca, odocob saen cunugna ha eu kobol osol himec bileceb catanena.

Jems 1:17

Kobol me ceteteh um igec bagol igec me bahicca eu cunug sao culnadec nena. Fulacdoc cunug memige uqa suladeceb egeca nena. Memige eu uqa uqana kobol qee falicfulucdona. Uqa eu ceteh osona salu camna calena dodolog cecelac mimei haun gohic mena odi qee.

1 Jon 1:5

Anut Melahna je dumeb qasali maadoqona. Uqana je eu odi, Anut uqa fulacdoc, odocob uqana naha nag oso tuca qee.

1 Jon 1:7

Euqa ege fulacdocna cobifeb eu odi uqa fulacdocna bilinawe ege gabandocobdocobimeb biluquna. Odocob uqa Melah, Jisas uqa golac eu egena silail cunug cagasigeceb soidoc biluquna.

1 Jon 4:12

Oso uqa Anut qee fel. Ege cotigeilnu nalunuga moqonafi Anut uqa ege dunuh bilina, odocob uqana nalug mec eu egeca gagadic ihoc bilina.

Jud Uqa Jaqec Je Oso Anutna Dana Cajaca Jaqiaden 1:25

Anut osol i dih bilina, uqa ege Jisas Krais umna cahahagen. Jisas Krais uqa egena Tibud, ege uqa binan suluqale. Uqa king ben bahic bilina, uqa gagadic odocca, uqa ceteteh cunug agena ilo bilina. Wele bahic saen cunugna uqa odi bilen, odocob qilaha uqa bilina, odocob hibna saen cunugna eu odi bileceb cataneiale! Mele.

Jahunec Je Camasac Muden 1:6

Uqa odigeceb ege nawel tawec ihanec dana ibulgen, ege uqaca cofaadi bibileb uqana Anut, uqa Memegnu cewel utuqan. Jisas Krais uqana kobolkobol gagadic odocca eu gaid bileceb catanena! Eu mele.

Jahunec Je Camasac Muden 1:8

Anut Tibud gagadic odocca madena, “Ija aqunec, ija cit qoc,” ena, uqa qila bilina, uqa gaid biloloi, uqa hugian.

Jahunec Je Camasac Muden 21:3

Odocob ija king bilec cabalnadec jejeg ben oso mamaden dah mem, “Qila Anutna jobon eu dana gemo bilia! Uqa ageca biluqagan. Odocob age uqana dana cajaca biluqagan. Anut uqadodoc age gami biluqagan. Uqa agena Anut biligian.

Jahunec Je Camasac Muden 22:5

Anut Tibud uqa agena fulacdoc biligian. Eunu ono witic haun qee meiaun, age gowocca camca alena fulacdocna fecnu qee nijiaun. Odocob age king bilecebil catanigian.

Jahunec Je Camasac Muden 4:11

“Egena Tibud, egena Anut, hina ceteteh cunug bilegina eu ifani mem. Hina hinana cisdocna eu ifani madem, age hinana cisdocna bilegina. Eunu hina kobolkobolca, binain sulecca, gagadic odocca ocnu ihoc,” egina.

Jahunec Je Camasac Muden 7:12

Age odi madein: “Mele bahic! Ege egena Anut uqa kobolkobolca, doc silecca, binanca, gagadic odocca, hihibanca eunu ege gaid eeldocomun catanena, ege hegaga ec gaid madocomun catanena! Mele bahic!” ein.