1 Timoti 6:13 - Bal cehec je haun

¹³ Ija hina, Anut uqa ceteh cunugnu cebac bilec adena uqa amegnaca, Krais Jisas uqadodoc uqana gug eu Pontias Pailat amegna je qasalen uqa amegnaca, ija je gagadic mahigina.

1 Timoti 6:13 Iomraidhean Croise

Matju 27:11

Jisas uqa gabman dana matu amegna tatawen gabman dana matu sisildu madon, “Juda agena king eu hinafo?” don. Odocob Jisas jejeg hewi madon, “Hina madagana eu odi himec,” don.

Matju 27:2

Togodu hedumeig age Jisas eben libimeig ehudi limeig Rom gabman dana matu, Pailat, ebenna mudein.

Me Je i Jon Jaqen 14:6

Odocob Jisas uqa jejeg hewi madon, “Jic eu ija, mele gug eu ija, cebac bilec silig eu ija. Oso Memige Anutca qee leiaun, ija dih odocomin Memige Anutca loqagan.

Me Je i Jon Jaqen 19:11

Odocob Jisas uqa Pailat jejeg hewi madon, “Gagadic odoc eu Anut qee ihoubmiqa hina maadeceb na babalecna tuitu qee qitoub. Eunu dana uqa ija hina ebenna miten eu uqana silail hinana silail wooldona,” don.

Me Je i Jon Jaqen 5:21

Memige Anut uqa cal mein eundec tuliadimei cebac bilec haun adenawe, odi Melah osooso uqadodoc cisdoc toodu cebac bilec haun adena.

Me Je i Jon Jaqen 5:26

Ge, Memige Anut uqadodoc cebac bilec gug bilina. Odiwe ha uqa Melah cebac bilec gug bilec culiton.

Aposel 17:25

Odocob uqa ceteh osoca qee qee bilel. Dana age uqa cesuldocwe ha qee. Uqadodoc himec maha ina cebac bilecca kisca ceteteh cunug dana cunug adena.

2 Korin 9:13

Cabi i age cotogail cesuladecnu ogina eu agena kobol me camasac mudiadigian. Cotogail age, agenu Anutna je toodu cuhadogina ec doqagan. Odimeig ageha doqagan, age Kraisna me je eu mele oin, eunu age uqana me je toodu odogina. Odocob cotogail age, age dana leihca Anutna dana cajaca cunug ceteh geh adeginanu fimeig age Anut binan suluqagan.

Galesia 3:26

Age Galesia cunug wawaga meleecebnu age Jisas Kraisca gabanadimeig Anut melahul ibuldoin bilegina.

1 Timoti 1:12

Jisas Krais egena Tibud uqa cabi i ocnu gagadic iten. Uqa ija uqana cabi ihoc ugian imei cabi euna miten. Eunu ija hetaga dugina.

1 Timoti 1:15

Krais Jisas ege silail dana cajaca cahahagecnu maha ina toni nen ec madec eu mele bahic. Je madec eu dana cajaca cunug dumeig wawaga meleigiannu ihoc nijia. Ijaha silail dana, ija silail dana cunug wooladec.

1 Timoti 2:5

Ge, Anut osol himec bilia, Anut danaca tanawi tawecnu osol himec eu dana eu Jisas Krais tawena.

1 Timoti 5:21

Ija hina Anutca Krais Jisasca ensel Anut nesili cedadenca amagana tutuc mahigina. Je jaqihem fagana eu toodu bahic odogale. Oso ijanca, oso ijanca qee eu filfil cain odadagaun, age ihocihoc odadagale.

1 Timoti 6:12

Dana Kraisnu waug meleena eu uqa gugulecna resis mecwe mimei uqadodoc cebac bilec catanec wooladi ona. Wele hina wawin meleec eu dana mati amagana qasalem saen euna Anut hina cebac bilec catanec ocnu utahen. Cebac bilec catanec eu hewagale.

Jahunec Je Camasac Muden 1:5

Jisas Krais uqa Anutna me je cunug qasali maaden, uqa dana age cal mecnadec ceseli cajec agena aquniadec, uqa dana mahanadec agena king cunug cofadena uqaha eeladec uum adeiale, uqa malol bilec adeiale. Age cunug feele adegina. Jisas Krais nalunige mena, uqa uqana ihanec cal mecna egena silail cagasiigen.

Jahunec Je Camasac Muden 21:6

Odocob uqa maden, “Ceteh cunug eu wele hedoia! Ija aqunec, ija cit qoc. Ija sanan mec, ija hedoc. Dana oso wa gab cagudocob eu ija uqa wa cebac fifiji benanadec wa fajecca qee jecnu cois docomin jigian.

Jahunec Je Camasac Muden 22:1

Ensel eu cebac bilec wa ihacten, eu glas cinigwe fililaen. Wa eu Anutnaca Sipsip Nagnaca king bilec cabalnadecca cali hona.

Jahunec Je Camasac Muden 3:14

Odocob uqa maten, “Hina Leodisia tamanecna ensel je odi jaqitogale: ‘Eu mele, uqa Anutna je cunug gaidgaid tutuc qasali maadena, uqa Anut ceteh ifanen uqana gug qoc tawec eu uqa je odi mahena,