1 Timoti 3:7 - Bal cehec je haun

⁷ Dana wawaga qee meleena ageha cofadec matu uqana cobocnu madi, uqa me, oqagan. Qeefi, uqanu hutan me qee madowainnu, odocob uqa Setenna aisaisna toni qugian.

1 Timoti 3:7 Iomraidhean Croise

Me Je i Mak Jaqen 4:11

Odocobil uqa maaden, “Anut culadeceb age Anutna culnu ceteteh jahunec docnu nijia. Euqa dana cajaca age Anutna cul dunuh qee bilec age hahagum bilegina eu age galolo jena je cunug dah megina.

Aposel 10:22

Odocob jejeg hewi madoin, “Konilias, uqa Rom agena han 100 agena ilo, uqa sulgeia. Uqa ititom dana Anut binan sulinanu Juda dana cunug eu age uqa jejeg toodu cuhadogina. Odocob Anutna ensel oso Koniliasca humei odi madon, ‘Hina Saimon Pitana je oso suldoga. Uqa hinana jona hocob uqana je dah megan,’ don. Odocob eunu sulgeceb ene hoqa,” doin.

Aposel 22:12

“Ono dana oso, ijan Ananaias, uqa cuha fec dana uqa Mosesna loo je toodoloi. Odocob Juda dana Damaskas biloloig uqa co toodu cuhadoloig.

Aposel 6:3

Eunu, cotigeil, age dana 7-pela Kis Gun am becca, docca bilegina agenadec nesili ehadecebil ege caja wij sab siwiadecnu cabi cofdocnu madocomun biluqagan.

1 Korin 10:32

Age Judanuca, Griknuca, Anutna tamanecnuca cisdoiga. Odimeig age kobol osonu age jaimaga qeti qocob silailna toni aqeiaunnu cain odowain.

1 Korin 5:12

Anutna jaqec je odi madena: “Age dana me qee age gemona bilegina eu ititacadeiga,” ena. (Loo 17.7; 19.19; 21.21; 22.21, 24; 24.7) Euqa dana age tamanec dunuh qee bilegina eu Anut gesiladigian. Eunu dana age tamanec dunuh qee bilegina eu gesiladecnu cabi eu ija ebenina qee nijel. Euqa dana age Korin agena tamanec dunuh bilegina eu gesiladecnu cabi eu Korin tamanec agena bahic.

2 Korin 6:3

Ege dana oso egena cabina cahuldoc cain feiaunnu gale gena. Eunu ege ceteh oso dana jaimaga tataqal aqeceb toni aqecnu qee odoqona.

2 Korin 8:21

Ge, ege kobol me eu odocnu cisdoqona. Ege Tibud amegna dih qee odoqona qa ege dana amagana ha odoqona.

Kolosi 4:5

Dana cajaca age wawaga qee meleec bilegina eu age gemona agena cobocnu cisdu cuhadoiga. Age saen cunugna Kraisna coboc ihacadecnu saciadu bileigale.

1 Tesalonika 4:12

Age odocobilfi wawaga qee meleec dana age agena me odoc fimeig age ijanaga saolal mudoqagan. Odocob age cel ceteh osonu gale adena age dana oso igiga ec qee madowain.

1 Tesalonika 5:22

Qisol mec kobol cunug qisacdoiga.

1 Timoti 3:6

Gadgad uqa waug cisdoc toodu deboeceb Anut uqa Seten geuldenwe eu odi geuldeiannu cofadec matu eu uqa wawaga meleec haun cain biliaun.

1 Timoti 5:14

Eunu caja wij haun leih age wele jic tutuc siho qumeig Setenna jic toodoinnu ija caja wij haun maadigina, age dana umeig mel basimeig agena joca cetetehca cofdoigale. Age eu odi odocobilfi egena cad oso egenu je me qee qee madowain.

1 Timoti 6:9

Euqa meen qaig ocnu gawec eu kobol me qeenu gug. Dana leih age wawaga meen qaig ocnu gawec kobol eu diadeceb age wawaga meleec culein. Odocob age culumen sogoec ben gahidogina. Eunu dana age mahana cehewanagaca bilecnu wawaga madena, eu age temadecna toni aqena. Eu aisaisna leginawe odi loqagan. Ageha gadwe odocca golanaga mahana ceteteh ocnu sililec euca fadalecna ehi li madena.

2 Timoti 2:26

Odocob agena cisdoc eu haun camas mudecebil age Setenna aisaisnadec cacawadeceb busaloqagan. Ge, wele Seten uqa maadeceb uqana je toodu odoin.

3 Jon 1:12

Dana cajaca cunug age Demitrias kobol me odonanu je qasali madein. Odocob Anutna mele je Demitrias kobol me odonanu je qasali maden. Ijaha Demitrias kobol me odonanu je qasali madem. Odocob hina dogona, ijana qasali madec je eu mele.