1 Timoti 1:9 - Bal cehec je haun

⁹ Euqa egeha doqona, loo je gug eu odi. Loo je eu dana tutuc coboginanu je oso qee madena. Euqa dana age loo je wooldudu bisalu qee bilegina eundecca, dana age Anut hibemdudu silail kobol odogina eundecca, dana age Anutna kobolnu odi fena imeig mahanadec kobol toodogina eundecca, dana uqa anag memegca qagaalena eundecca, dana uqa oso qagadona eundecca,

1 Timoti 1:9 Iomraidhean Croise

Matju 10:21

“Saen euna dana waliagwaliagnu balijimeig age walinigail aqecebil cal moqagannu gesilec jona madoqagan. Memegail ageha agena melnu balijuqagan. Mel age memegail anagailnu cajimeig age aqoqagannu gesilec jona madoqagan.

Pol Uqa Jaqec Je Oso Rom Tamanec Jaqiaden 1:30

Odocob oso ijan me qee mudecnu je amemeg qasali madegina. Age Anut sagagdogina, odimeig lelandudu cobogina, deboeeig agedodoc binanaga sulegina. Age kobol me qee ifanegina. Age memegail anagailca agena je qee toodogina.

Pol Uqa Jaqec Je Oso Rom Tamanec Jaqiaden 4:13

Anut uqa Ebraham muguh mec je madi madon, “Hinaca asinel hibna bahic cali hoqaganca age mahamaha cunug oqagan,” don. Ebraham uqa loo je toodon eunu Anut odi qee madel qa uqa Anutnu waug meleeceb Anut uqa dana ititom ec maden eunu age mahamaha cunug oqagan ec maden.

Pol Uqa Jaqec Je Oso Rom Tamanec Jaqiaden 5:20

Odocob je tefacdoc ben bahic calecnu Anut uqa dana cajaca loo je aden. Odocob silail kobol eu ben bahic calena qa Anutna eelgec uum igec eu silail kobol wooldon, odimei ihoc len.

Galesia 3:19

Aria, eetanu loo je calen? Eu egena silail camasac ihacgecnu jabajab hon. Odocob loo je eu odi bibileb li Ebrahamna sihul cali hugiannu, sihul eu Anut uqa muguh mecnu je hahun madon. Anut uqa loo je eu ensel adeceb age dana osol gemona tawen eu ebenna mudein. Odocob dana gemo tawen eu uqa Juda dana cajaca loo je maaden.

Galesia 5:21

eu osona cetehnu gale doc, eu ceu jeceb dalul qoc, eu ja qoc, eundec cunug odi nijia euca. Ija wele ulaulademwe ija odi qila ulauladigina, dana age odoc eundec odogina eu age Anutna cul qee mugumuga owain, adigina.

Galesia 5:23

eu gemanige jocosaigca, eu egedodoc dumanige cofdocca. Eu odoc eundecnu loo je cahacadecnu qee tawel.

2 Tesalonika 2:8

Odocob loo je wooldoc dana camasac migian. Euqa Jisas Tibud ceseli humei uqa dana eu co kisna fadaldugian, uqana camasac mec ileteceb qee migian.

1 Timoti 4:7

Euqa mahanadec dodo caunca qee, eu Anutnu je me qee madegina, eu hibemdogale. Hinadodoc Anutna kobolnu iwaldu cuhadoga.

1 Timoti 6:20

O Timoti, hina cabi i Anut hina ebenna men eu cofdu cuhadogale. Dana leih age madein, “Ege doc silecca,” ein, odocob age wawige meleec eu culimeig jic ceja qu lec euna belein. Eunu je hetec gauc Anutna kobol qee toodona eu dana age doc silecca imeig cahuldudu madegina eu hibemdoga. Anutna eelgec uum igec eu ageca biliale.

2 Timoti 2:16

Dana age je caunca qee gauc madegina eundec age jic Anut hibemdu jic ceja qu lena euna cobogina. Eunu je caunca qee gauc togodogina eunu qisacdu biligale.

2 Timoti 3:2

Saen euna dana age ija didih i cobocca, meen qaignu gawecca, agedodocnu culunuga occa, deboecca, lelanecca, memegail anagail feeadecca, hetaga ec qee madecca, Anut hibemdoqagan.

Taitas 1:10

Ge, dana mati ono Anutna mele je qee toodu odogina. Age je gauc mamadeig dana cajaca agena cisdoc faninduadegina. Dana mati eundec age dewenega cagu qoc sihulnadec.

Taitas 1:16

Age madi, ege Anutnu doqona, egina qa agena odoc age Anutnu qee dogina ec madena. Anut uqa agena odoc sagagdona, age Anutna je qee toodu odogina. Age odoc me oso odocnu ihoc qee.

Taitas 1:6

Tamanec cofadec matu uqa cahuldoc osoca qee eu odi biligian. Uqa caja osol gemug himec biligian. Odocob uqana mel mel aidca age wawaga meleecca biluqagan. Age kobol me qee odogina, age anagail memegailca jejenega qee toodu odogina ec um qoc jeca qee nijigian.

Taitas 3:3

Ge, ege egedodoc wele cisdoc silecca qee, je toodu odocca qee, qauadecca cobolob, odocob ege ceteh ilagnu amige qocca, golanige me qeenu sililecca toodu cobolob, ege cus mimi bili qisol mec kobol odadolob, ege dana osona ceteteh ocnu amige qoloi, dana age sagaggoloig, egeha sagagdocobdocobi cobolob.

Hibru 11:31

Wal caja Rehab uqa Anutnu waug meleen. Odocob uqa dana lecis jobon heje fowasa hosin eu ale cesulalen. Eunu uqa dana cajaca leih wawaga meleecca qee eundec gami qee fadalelein.

Hibru 12:16

Qee fifi dana oso wal kobol toodoiaunnu. Qee fifi dana oso Anut hibemdoiaun eu odiwe wele Iso odon. Uqa sab fajecna saen osol himec euna matu bilec eeldoc cunug helen.

1 Pita 2:7

Age dana cajaca wawaga meleena eunu Krais uqa meen me bahic. Euqa dana cajaca age wawaga qee meleena eunu Anutna jaqec je odi madena: “Meen oso meen gel cehec memei dana culein eu qila meen jo big gug jo hehdocnu tawena,” ena. (Buk Song 118.22)

1 Pita 3:20

Kis eu age wele Noa uqana saen euna Anutna je tefacdoin. Noa uqana saen euna qisol mec kobol ben wasecnu odon qa Anut uqa dana cajaca ameg mahuc qee wadacadel. Uqa susumudi lili Noa uqa uqana wag ben mudi hedon. Odocob sihul nag oso, eu dana cajaca 8-pela himec, wag ben tobimeig dunuh lein. Odocob wa sil ben cajimei wag eu u suldocob basai cobon. Odocob Anut uqa dana cajaca 8-pela eu wana cahahaaden.

1 Pita 4:18

Odocob Anutna jaqec je odi madena: “Dana ititom eundec cahahaadecnu cabi bahicfi, dana age Anut hibemdumeig silail kobol odogina eu agenu qa adi tawoqagan?” ena. (Sindaun 11.31)

Jud Uqa Jaqec Je Oso Anutna Dana Cajaca Jaqiaden 1:15

Tibud uqa dana cunug gesiladeceb agena ameg oqagannu hon. Odocob uqa dana cunug age Anut hibemdoin eundec odadeceb age kobol me qee cunug odoin eu agena cahuldoc tebandu cuhadoqagannu hon. Eu mele, dana eundec age Anut haun gehca hibemdogina. Silail dana age Tibud je me qee filfil madoin eu tebandu cuhadoqagannu Tibud uqa hon,” aden.

Jahunec Je Camasac Muden 21:8

“Euqa dana cucuiimeig bicbic beleginaca, dana wawaga qee meleena euca, dana kobol gegehinca odoginaca, dana age dana aqeginaca, dana wal cajaca nijeginaca, dana ceeh jeladeginaca, dana kadan tibudnu cuha feginaca, dana cunug uhulec je madeginaca eundec agena cudun eu wa gudoc benwe eu jaca ja meen jan dainca cijina agena. Cudun eu cal mec lecisdoc,” en.

Jahunec Je Camasac Muden 22:15

Euqa taun ben hahagum eu dana me qee age qa cinigwe ono bilein. Dana eundec age gegehin odoc odogina, age ceeh jeladegina, age wal cajaca nijegina, age dana aqegina, age kadan tibudnu cuha fegina, age uhulec je madecnu gawegina, odocob age qauadegina.