Ruth 2:3 - Angkentye Mwerre

³ Kele, Ruth re alheke apmere tyerrtye areyele-arle merne annge akemele uthnerlte-anemeke-werne. Re warrkene yanhe areye apenteke annge ntange-arle akerlte-apekeke. Re ingkernenge apetyeke ampenye areye kutyerle-apemele. Kenhe Boaz re akenhe apmere yanheke-artweye aneke.

Ruth 2:3 Iomraidhean Croise

Matthew 10:29

Ngkarte-arle arrekantherre akwetethe-arle mwerrantye itirrerle-aneme alkngwirretyakenhele. Thipe nhenge nyingkeke itirraye. Unte apeke thipe atherre alakenhe inemele mane akwekele ware. Arrantherre apeke itirreme Ngkarte-arle akwele thipeke itirretyakenheke-athene. Arrangkwe, Ngkarte-arle itneke akwetethe-arle itirrerle-aneme nhenge thipe anyente atnyeme imerte ilwemele, kele re itelareme-arle.

Luke 10:31

“Kenhe arlte ikwerele-anteye, kwertengerle tyatye-arenye Jew-kenhe anyente iwerre ikwerele-anteye apetyeke. Re renhe aretye-alheke iwerrele interle-anerlenge, kenhe re anpere alhemele impentyele arenheke renhe arntarnte-aretyakenhele, re anpere-alhemele akwete.

2 Thessalonians 3:12

Anwerne apele warrkene Jesus Christ-kenhe areye. Alakenhe ikwerenge anteme anwerne ayeye rlterrke anthurre renhe ileme tyerrtye arrpenhe yanheke arrpenhe areyeke-arle tyele angkemeke itnenhe apatelhe-ilemele, warrke-irretyakenhe anteye. Itne arnterre anthurre urrkaperlte-anetyeke merne uthene apwerte utheneke.

Ruth 2:2

Arlte anyentele Ruth, arelhe Moab-arenye re, Naomi-ke angkeke, “Ayenge yernaye tyerrtye areye-werne merne barley annge-arle akemele uthnerlte-apeme-werne. Arrpenhe apeke atyenge alhwarrpe-irretyenhenge the annge areye ingkernenge kutyerle-apetyenhenge.” Naomi ikwere angkeke, “Alhaye, anherreye atyinhe.”

Ruth 2:4

Nhenge Boaz Bethlehem-engentyele apetyemele, re warrkene ikwerenhe areyeke angkeke, “YAHWEH arrekantherrenge aneme!” Kele warrkene ikwerenhe areye ikwere angkirtnerlenge, “YAHWEH-ele ngenhe arntarnte-areme!”