Matthew 4:12 - Angkentye Mwerre

¹² Jesus-arle apmere ahurratye ikwerenge-ntyele arratemele apetyeke aweke Herod-elarle John jail-ke akwerneke, awemele arteke re apmere Galilee-werne-atheke alheke.

Matthew 4:12 Iomraidhean Croise

Matthew 11:2

Artwe nhenhe John, tyerrtye areye kwatyeke akwernentye akngerre-arle, re aweke jail-ngentyele Christ-ele-arle arne atningke ngangkere akngerrele mpwareke, re apententye akngerre ikwerenhe areye ilekenge Jesus apayuthnetyeke alhetyeke.

Matthew 14:3

Arrule-arle Herod-ele arelhe atyeyikwe-kenhe ineke-arle renhe anewe akeke. Arelhe Herodias arritnye aneke. John-ele arnterre iletyame Herod renhe alakenhe, “Unte apale-apale mpwareme renhe anewe akemele.” Alakenhenge anteme Herod-ele, thultye ikwerenhe areye yerneke arntwirrketyeke John, renhe ayernemele jail-ke akwernetyenhe. Arratye itne arntwirrkeke renhe jail-ke akwernemele.

Mark 1:14

Itne John jail-ke akwerneke-arle iperrele, Jesus apmere Galilee-werne alpeke. Re anteme angkentye mwerre ilerle-apeke Ngkarte-akerte.

Mark 6:17

Arrantherre itelareme, arrule ulkere Herod-ele arelhe Herodias anewe akeke, rarle atyeyikwe Herod-kenhe Philip-nge anewenhenge atherre akwete anerle-anerrerlenge. Kenhe John-ele arnterre iletyame Herod renhe, “Unte apale-apale mpwareme renhe anewe akemele.” Alakenhe ikwerenge anteme Herod-ele thultye ikwerenhe areye yerneke John arntwirrketyeke renhe jail-ke akwernetyeke. Arratye itne renhe arntwirrkeke jail-ke akwernemele.

Luke 23:5

Kenhe tyerrtye itne Pilate ikwere angkirtnewarrerlenge, “Arrangkwe-arle, artwe nhenhe akurne akwete-arle! Re apmere Galilee-le unthetyarte tyerrtye itnenhene ulperte-ilemele. Re apmere Galilee-ngentyele impemele apmere Judea-werne alheke ikwere anteme-arle awethe akurne mpwaretyarte. Kele imerte re ikwerenge-ntyele apmere nhenhe-werne apetyeke Jerusalem ikwere-werne nhenhe-arenye itnenhene anteme ulperte-iletyeke.”

Luke 3:20

Kenhe yanhe ikwerenge-ntyele Herod ahele-irreke John renhe jail-ke akwernemele.

Luke 4:14

Kenhe Jesus re Utnenge Ngkarte-kenhe-akerte apmere Galilee-werne alpeke. Kenhe apmere yanhe ikwerele tyerrtye Jew arrpenhe areyele apmere arrpe-anenhenge awerrirremele ikwere-akerte. Re tyerrtye Jew yanhe areye-werne alhemele tyatye akweke areye-werne nthenhele-arle itne angkerretyarte akwetethenhe Ngkarte-akerteke itnenhe akaltyele-antheke. Tyerrtye Galilee-arenye areye ikwere-akerte mwerre anthurre angkerrirreke.

Luke 4:31

Ikwere-iperre Jesus apmere Nazareth-engentyele alheke apmere Capernaum-eke irrpenheke, apmere akngerre Galilee ampinye ikwere. Kenhe Arlte Apurrke Saturday-ele re apmere ikwere-werne alhemele nthenhele-arle itne angkerretyarte itnenhe akwetethenhele akaltyele-anthetyeke Ngkarte Ikwere-akerte.

John 1:43

Arlte arrpenhele anteme Jesus itirreke alhetyeke ayerrere kwatye alaye Galilee arritnye-werne. Re apmere ikwere irrpetye-alhemele re unthetye-alheke artwe Philip arritnyeke nhenge re renhe areke ikwere re angkeke, “Ayenge apentaye!”

John 2:11

Yanhe kwenhe lyete-ante anthurre Jesus-elarle ilyernpenye mpwareke. Re kwenhe arne nhenhe renhe mpwareke apmere Cana arritnyeke, nhenge ahelhe Galilee-ke. Nhenge re arne nhenhe renhe mpwaremele, re imerneke rarle nhenge ngangkere akngerre anthurre-akerte aneke, yanhe-ngentyele apententye akngerre ikwerenhe areyele renhe arratye itelareme anthurre nhenge rarle Messiah anemeke Akngeyele-arle yerneke-arle.

John 3:24

Arne nhenhe areye-arle irreke nhenge urreke itne John jail-ke akwernetyenhenge.

John 4:43

Jesus kwenhe arrekwele-anteye angkeke apententye akngerre ikwerenhe areyeke, “Galilee kwenhe apmere atyinhe, kenhe tyerrtye apmere-altye areyele kwenhe awetyakenhele nhenge tyerrtye arrpenhe apmere itnekenhe-ngentyele, ayenge-arteke, nhenge angkentye Ngkarte-kenhe ilerle-apemeke.” Kele, ingwe atherre-iperrele Jesus uthene apententye akngerre ikwerenhe areye uthenele apmere yanhe renhe impemele alheke apmere ikwerenhe-arrpe-werne alpeke Galilee-werne, Jesus itirreke nhenge tyerrtye areyele-arle akwele renhe awetyakenhe anetyenhe.

John 4:54

Yewe, nhenhe kwenhe atherrenge-anteme Jesus-ele arne mwerrentye akngerre mpwareke Galilee-werne apetyemele nhenge Judea-ngentyele.