Matthew 23:3 - Angkentye Mwerre

³ Alakenhenge anteme itne apeke angkerlenge, arrantherre kwenhe itneke akangkwe-irretyeke imerte aywerrkele mpwaremele iwenhe-arle itne angkeme. Kele itnenhe angwaretyale anetyeke iwenhe apeke-arle itne mpwareme. Nhenge itne apeke arratye-arratye-arlke akaltyele-antherlenge yanhe areye-arle itne-arrpe arratye mpwaretyakenhe-arle.

Matthew 23:3 Iomraidhean Croise

Matthew 21:30

“Akngeye re imerte alere ingkernenye ikwerenheke anteme alakenhe angkemele, ‘Garden-werne urrkapetyeke alhaye.’ “Ingkernenye re akenhe angkirtnerlenge, ‘Yewe, ayenge alheme urrkapetyeke.’ Ikwerenge akenhe re alhetyakenhe urrkapetyeke.”

Matthew 23:2

“Arrantherre itelareme angkentye Moses-kenhe akaltyele-anthenhe-anthenhe areye-arlke, Pharisee areye-arlke-arle Ngkartele akngakeke Jew areye arrenhantherrenhe angkentye Moses-kenhe akaltyele-anthetyeke.

Matthew 23:4

Itne akwetethe-arle itirreme arne arrpe-anenheke tyerrtye arrpenhe areyele mpwaretyeke itnenhe akwetethe-arlke uternemele arne itnenhe mpwaretyeke. Kele itne tyerrtye yanhe areye aremele, itnenhe alpe-eme-iletyeke arrangkwe-arle. Nhenge alartetyele-arle urrkapentye akngerre ikwerenhe uternemele-arteke arne ulthentye akngernetyeke re-arrpe. Nhenge re-arrpe uyarne akemelhe-ilemele akertne-iletyeke anyentele, alartetyele renhe akwenpele-arle arerle-aneme. Alakenhe anetyale anetyeke.

Acts 5:29

Kele Peter uthene yerneke-arle itne-arlke alakenhe angkeke, “Anwerne kwenhe angkentye Ngkarte-kenheke-ante akangkwe-irretyeke, arrekantherre kwenye!

Romans 13:1

Ye, Ngkarte ingkirreke anthurreke alartetye aneme. Kenhe alartetye government-kenhe areye alartetye aneme Ngkartele-arle itnenhe arrernekenge. Kele nhenge alartetye government-kenhe areye angkerlenge, nhenge ingkirrekele kwenhe aywerrkele awetyeke mpwaremele itne-arle angkekenge.

2 Timothy 3:5

Tyerrtye arrpenhe akurne areye ilelhetyenhe Jesus-kenhe akwele aneme-arle. Yanhe arratye anetyakenhe-arle. Timothy, unte aretyenhe tyerrtye arrpenhe yanhe areyele akurne mpwarewarrerlenge, unte anteme akaltye anetyenhe itne-arle lterrke Ngkarte-kenhe atnyenetyakenhenge. Itne apeke lterrke Ngkarte-ngentyele atnyeneme, kele itne apeke arratyele Ngkarteke anemere. Tyerrtye itne apeke akwete arne akurne mpwarewarrerlenge, itne-ketye arlenge anaye.

Titus 1:16

Itne akwele angkeme itne-arle Ngkarte itelareme akwele, kele imerte itne akwete-arle arne akurne areye mpwarerlte-anemele. Nhenge itne akwete arne akurne yanhe areye mpwaremele, Ngkarte itneke akangkentye anetyakenhe. Itne Renhe awetyakenhe aneme, kele itne warrke mwerre mpwaretyakenhe-arle Ikwere. Alakenhe ikwerenge anteme tyerrtye yanhe areye Ngkarteke akutne akwete aneme arratye.