Matthew 19:6 - Angkentye Mwerre

⁶ Yewe, ratherre atherre-arle aneke anyente anteme irreke, alakenhenge anteme artwe re arelhe ikwerenhe yernetyale anetyeke ikwerenge akwete, Ngkartele-arle artwe renhe anyentelhe-ilekenge arelhe anewe ikwerenheke-arleke.”

Matthew 19:6 Iomraidhean Croise

Hebrews 13:4

Kenhe arrantherre anewe-akerte-arle anemeke, arrantherre kwenhe arratye-arratye itirretyeke mwerre anerlte-anemele, arelhe anewe akeke-arle-iperrele arrantherre kwenhe itnenhe mwantyele arntarnte-aretyeke. Anewenhenge atherre kwenhe anewe ngkwinhenge-ante ware interretyeke arrpenhenge anyelkngele intelhe-iletyale. Nhenge Ngkartele kwenhe areme angwenhe apeke mpwenye akngerre anerlenge, Re anteme renhe court-eke ngkernetyenhe irrerlknge atwetyenhe apeke.

Romans 7:2

Awerrirraye, angkentye Moses-kenhele anwernenhe ileme nhenge arelhe kwenhe anewe ikwerenhenge akwetethe anetyeke re nhenge itethe-arle anemenge. Kenhe artwe yanhe apeke ilwerlenge arelhe anteme warlekwerte-irremele, angkentye kwenhe arelhe yanheke mwerre angkeme artwe arrpenhe anewe-aketyeke.

Ephesians 5:28

Artwe anewe-akerte areye, ayenge arrekantherre angketyeke. Christ ikwerenhe areyeke ahentye anthurre aneme arratye, alakenhe re anteme artwe arelhe anewe ikwerenheke mwantye antime ahentye-anetyeke renhe arntarnte-aremele. Artwe anwerne-arle tyerrtye anwerne-kenhe mwantyele arntarnte-aretyeke. Alakenhe re-arteke arrantherre anewe arrekantherrenhe arntarnte-aretyeke. Artwe angwenhele apeke arelhe ikwerenhe mwantyele arntarnte-areme, kele alakenhe rarrpele ahentye-anemele arntarnte-arelheme.

Matthew 19:5

Kele alakenhenge anteme artwele anyikwe uthene mikwe uthene imperle-alhemele arelhe anewe akemele anyente-irretyeke.

Matthew 19:7

Itne ikwere angkeke, “Iwenhenge-ame angkentye Moses-kenhe alakenhe angkeke? ‘Nhenge artwe apeke ahentye-aneme anewe ikwerenhenge akalke-irretyeke, re apeke intelhe-iletyeke pipe-ke-arleke renhe re anthetyeke renhe yernetyenhenge.’ ”