Matthew 19:5 - Angkentye Mwerre

⁵ Kele alakenhenge anteme artwele anyikwe uthene mikwe uthene imperle-alhemele arelhe anewe akemele anyente-irretyeke.

Matthew 19:5 Iomraidhean Croise

Genesis 34:3

Ikwere imerte mwerrentye anteme angkemele rarle ikwere ahentye-aneke anewe ikwerenhe anetyeke. Re ikwere ahentye anthurre aneke, re ikwere mwerrentye angketyame re ikwere ahentye-anetyenhenge.

Matthew 19:6

Yewe, ratherre atherre-arle aneke anyente anteme irreke, alakenhenge anteme artwe re arelhe ikwerenhe yernetyale anetyeke ikwerenge akwete, Ngkartele-arle artwe renhe anyentelhe-ilekenge arelhe anewe ikwerenheke-arleke.”

Romans 12:9

Arrantherre kwenhe tyerrtye areyeke ahentye anetyeke. Urrtyirremele iletyalaye, itnenhe mwantye-mwantye anthurre ileme-tetye. Akurne ingkirrekenge impelhaye, arne mwerre areye-ante ware mpwarerlte-anetyeke ahentye-anaye.

1 Corinthians 6:16

Arrantherre itelaretyeke nhenge artwe anyelknge-anyelknge intetyeke arelhe mpwekare-mpwekarenge nhenge ratherre anyente-irreke. Ayenge alakenhe angkeme nhenge pweke Ngkarte-kenhe alakenhe angkemenge: “Nhenge arelhe uthene artwe uthene anewe-akerrerlenge ratherre tyerrtye anyente-irreme.” Genesis 2:24.

1 Corinthians 7:2

Kenhe artwe nhenge anewe-kwenye-arle anemele, re apeke-arle anyelknge-anyelknge intemele angwenhenge apeke re, nhenge tyerrtye anewe-akerretyakenhe areyele mpwareme-arteke-anteye. Alakenhe-irreketyenge, ayenge anteme angkeme artwe arrpe-anenhele anewe aketyeke anewe ikwerenhe-arrpe arntarnte-aretyeke. Marle arrpe-anenhele anewe aketyeke, anewe ikwerenhe-arrpe ikwerenge akwete anetyeke.

1 Corinthians 7:4

Arelhe nhenge anewartele aneme re tyerrtye ikwerenheke pwathe anetyakenhe, artwe anewikwe-arle akenhe pwathe ikwerenhe aneme. Alakenhe arteke-anteye artwe nhenge anewartele aneme re tyerrtye ikwerenheke pwathe anetyakenhe, arelhe anewikwe-arle ikwerenhe pwathe aneme.

Ephesians 5:31

Artwe areyele arrantherre anewe arrekantherrenhe areye mwantyele atnyenetyeke, ayeye nhenhe Payepulenge-arle arrule anthurre intelhe-ilekenge, “Nhenge urreye akweke amangkemele artwe akngerre anteme irremele, re meye uthene akngeye uthene imperle-alhemele, kele re arelhe anewe anteme akemele. Ikwere ipenhele, re-atherre intemele, anewarte atherre anteme re-atherre anemele, re-atherre anyente anteme-arle aneme, tyerrtye atherre anetyakenhe, arrangkwe-arle. Ngkartele renhe-atherrenhe apurtelhe-ileke anyente anetyeke.” Genesis 2:24. Alakenhe ikwerenge anteme, artwe areyele arrantherre anewe arrekantherrenhe areyeke mwantyele atnyenetyeke.