Matthew 19:4 - Angkentye Mwerre

⁴ Kenhe Jesus itneke alakenhe-arle angkirtnerlenge, “Arrantherre-ame Bible-nge apeke aretyakenhe? Arlte arrwekele-arle Ngkartele-arle urreye uthene marle uthene aknganeke.

Matthew 19:4 Iomraidhean Croise

Genesis 2:18

Kele imerte Ngkarte awethe angkeke, “Artwe nhenhe anyente-arenye aneme, alakenhe mwerre anetyakenhe-arle. The kele ikwere atyewe mwerre aknganetyenhe, irlkwatherre ikwerenhe. Tyerrtye nhenhe ikwere arratye mwerre anetyenhenge.”

Genesis 2:23

Kenhe artwele arelhe aremele, re angkeke, “Araye! Nhenhe-athewe irlkwatherre atyinhe anthurre re. Ngkartele utyipme atyinhe inemele, tyelke atyinhe uthene marle irlkwatherre atyenge aknganetyeke. Renhe kele arritnye “arelhe” aketyeke, rarle artwe-ngentyele-arle aknganekenge.”

Genesis 5:2

Re urreye uthene marle uthene aknganeke, Re imerte ikwere-atherre arne mwerre areye mpwaremele, renhe-atherrenhe “tyerrtye areye” arritnye antheke.

Matthew 12:3

Kele Jesus itneke angkirtnerlenge, “Kele arrantherre-ame aretyakenhe pipe-nge David-arle angayakwe-irremele alheke ilthe ameke-ameke Ngkarte-kenhe-werne imerte merne impene-werne renhe arlkwemele imerte arrpenhe areye ikwerenge-arle aneke areye arlkwetyeke anthemele. Kele arratye-arle angkentye ileme kwertengerle tyatye-arenye areyele-ante merne renhe arlkwetyeke. Kele itne akenhe akangkwe-irretyakenhe-arle aneke imerte merne renhe arlkwemele itnenhe iltetyakenhe-arle aneke itne-arle angayakwe anekenge ware.”

Matthew 21:42

Kenhe Jesus re akenhe itnenhene aremele angkeke, “Mwantye itirrewarraye nthakenhe-arle Payepule ikwerele atyenge-akerte angkeme: ‘Kenhe apwerte renhe-arle urrkapentye akngerre itne akethe-werne iwerrirreke, kenhe arrpenhe areyele akenhe apwerte nhenge apmere anthurreke arrerneke, apwerte nhenge arrpenhe ingkirrekenge mwerre akngerre anthurre ulkere aneke! Ngkartele apwerte renhe akngakemele yanhe ikwere arrerneke, anwerne angketyame, “Re tnerle-aneme yanhe ikwerele arratye mwerre akngerre anthurre.” ’ Alakenhe itne Payepule-nge intelhe-ileke.” Psalm 118:22-23.

Matthew 21:6

Kele ratherre apmere-werne-atheke arnpenheke, mpwaretyeke iwenhe Jesus-elarle ileke.

Matthew 22:31

“Arrantherre ayenge apayuthnerrirreke Ngkartele-arle tyerrtye areye itethe-ilirtnemeke apeke ilweke-arle-iperre? Arrantherre-ame angkentye nhenge itelarerrirreme nhenge Ngkarte-arle Moses-eke angkeke, Abraham, Isaac, Jacob-arlke-arle apmere arrule ilwekenge,

Mark 12:10

Kenhe Jesus re akenhe itnenhene aremele angkeke, “Mwantye itirrewarraye Payepule ikwerele atyenge-akerte-arle angkentye angkeme: ‘Kenhe apwerte renhe-arle urrkapentye akngerre itne akethe-werne iwerrirreke, kenhe arrpenhe areyele akenhe Apwerte nhenge apmere anthurreke arrerneke, apwerte nhenge arrpenhe ingkirrekenge mwerre akngerre anthurre ulkere!

Mark 12:26

Arrantherre ayenge apayuthnerrirreke Ngkartele apeke tyerrtye areye itethe-ilirtneme-akerte ilweke-arle-iperre. Arrantherre-ame angkentye nhenge itelarerrirreme Ngkarte-arle Moses-eke angkekeke, arrule anthurrenge Abraham, Isaac, Jacob-arlke ilwekenge? Ngkarte ikwere angketyame arrule anthurre iperre Abraham, Isaac, Jacob-arlke-arle ilwekenge. Re alakenhe angkeke ‘Ayenge Ngkarte, Abraham, Jacob, Isaac-elarle utyernemele tnakewarremeke akwete.’ Kenhe ilweke-arle areyele akenhe Ngkarte utyernemele tnaketyakenhe-arle. Kenhe itethe areyele-ante ware Ngkarte utyernemele tnakewarreme akwete. Abraham, Isaac, Jacob itne ilweke arrule anthurrenge, urreke Moses intetyenhenge, kenhe Ngkarte angkerlenge itne-arle renhe utyernemele tnakewarreme akwete-arle! Itne lyete itethe-arle aneme, ilweke-arle kwenye. Arrantherre apale anthurre itirrewarreke.”

Mark 2:25

Kele Jesus itneke angkirtnerlenge, “Arrantherre-ame aretyakenhe pipe-nge David-arle angayakwe-irremele alheke ilthe ameke-ameke Ngkarte-kenhe-werne imerte merne impene renhe arlkwemele imerte arrpenhe areye ikwerenge-arle aneke areye anthemele arlkwetyeke? Kele arratye-arle angkentye aneme kwertengerle tyatye-arenye areyele-ante merne renhe arlkwetyeke. Kele itne akenhe angkentyeke akangkwe-irretyakenhe-arle aneke imerte merne renhe arlkwemele, arrpenhele itnenhe iltetyakenhe-arle aneke itne-arle angayakwe anekenge. Alakenhe re aneke nhenge Abiathar-arle kwertengerle tyeperre tyatye-arenye aneke.”

Luke 10:26

Kenhe Jesus ikwere angkirtneke, “Iwenhe aneme intelhe-ilentyele angkentye akngerre Moses-kenhele?”

Luke 6:3

Kele Jesus itneke angkirtnerlenge, “Kele arrantherre-ame aretyakenhe pipe-nge David-arle angayakwe-irremele alheke ilthe ameke-ameke Ngkarte-kenhe-werne imerte merne impene-werne renhe arlkwemele imerte arrpenhe areye ikwerenge-arle aneke areye arlkwetyeke anthemele. Kele arratye-arle angkentye ileme kwertengerle tyatye-arenye areyele-ante merne renhe arlkwetyeke. Kele itne akenhe akangkwe-irretyakenhe-arle aneke imerte merne renhe arlkwemele itnenhe iltetyakenhe-arle aneke itne-arle angayakwe anekenge ware.