Matthew 14:1 - Angkentye Mwerre

¹ Nhenhe ikwerele ureke Herod Antipas-ele, artwe nhenge Galilee-arenye areyeke-arle alartetye aneme, angkentye Jesus-akerte aweke tyerrtye areyele ilerlte-aperlenge apmere arrpe-anenhenge.

Matthew 14:1 Iomraidhean Croise

Matthew 13:58

Kele apmere yanhe ikwerele Jesus-ele ngangkerele mpwaretyakenhe aneke tyerrtye atningkeke, itne-arle itirrewarrekenge rarle uyarne mpwaremeke-athene, kele re urrpetye-arrpe ware-arle angkwerre-iweke.

Matthew 9:26

Tyerrtye areyele awerrirreke ampe akeme-arle-irreke ikwere-akerte imerte angkentye antekelhe-ilemele apmere arrpe-anenhe-werne.

Matthew 9:31

Kele ratherre akenhe akangkwe-irretyakenhe-arle aneke, ratherre alheke apmere arrpe-anenhe-werne tyerrtye areyeke ilelhemele Jesus-ele-arle renhe-atherrenhe mpwareke angkwerre-iwemele.

Mark 8:15

Jesus angkentye alengkiwentye akngerre angkerlenge, “Mwantye itirremele arelhewarretyeke arne nhenge merne arlware-ilentye akngerre Pharisee areye-kenhe-ketyenge, Herod areye-kenhe-ketyenge.”

Luke 3:1

Alartetye atningke apmere arrpenhe areyele anerrirretyame. Artwe anyente Tiberias Caesar arritnye aneke re alartetye anetyarte year 15-peleke-atwetye apmere arrpenheke-arrpenhe ikwere areyele Rome-kenhe areyeke. Kenhe artwe arrpenhe akenhe Pontius Pilate arritnye aneke rarle alartetye apmere Judea ikwerele anetyarte. Kenhe artwe arrpenhe akenhe Herod arritnye aneke rarle alartetye apmere Galilee ikwerele-arle aneke. Kenhe kikwe Philip arritnye, rarle alartetye anetyarte apmere akweke atherreke Iturea uthene Trachonitis utheneke. Kenhe artwe arrpenhe akenhe Lysanias arritnye aneke, re alartetye apmere akweke Abilene-ke anetyarte.

Luke 3:19

Nhenhe ikwerele ureke, artwe alartetye Herod re arne akurne arrpenheke-arrpenhe ingkirreke mpwaretyarte. Re arntenge-arntenge-ikwe Herodias rakemele Philip ikwerenge renhe anewe aketyeke. Kenhe arelhe nhenhe Herodias akenhe anewe Philip-kenhe-arle akwete aneke. Philip re akenhe kake Herod-kenhe-arle. Nhenge John-ele nhenhe awemele re Herod renhe alkngetherre anthurre ileke, “Unte kwenhe akurnentye mpwareke kake ngkwinheke!”

Luke 8:3

Kenhe arelhe arrpenhe Joanna arritnye yanhe areyele-arlenge aneme. Anewikwe ikwerenhe Chuza re urrkapentye impene King Herod-kenhe aneke. Kenhe arelhe arrpenhe Susanna arritnye yanhe areyele-arlenge aneke. Kenhe arelhe arrpenhe areye-inpe Jesus ikwerenge anerrirreke. Kenhe nhenhe ingkirreke Jesus-nge-arlke ikwerenhe atyewe areyenge-arlke untherlte-apetyarte. Kele itne mane itnekenhele arne areye itnekenhele-arlke itnenhene arntarnte-arerlte-apetyarte, Jesus-arlke ikwerenhe atyewe areye-arlke.

Acts 12:1

Nhenhe ikwerele ureke Barnabas uthene Saul uthenele-arle akaltyele-anthetyamenge Antioch-ele, akngerrepate Herod-ele thultye areye Jerusalem-werne yerneke Jesus-kenhe arrpenheme arntwirrkemele jail-ke akwernetyeke.

Acts 13:1

Kele Antioch-ele aneke Jesus-kenhe areyele-arlenge arrpenhe areye nhenge angkentye Ngkarte-kenhe awemele ilerle-apentye akngerre akenhe Jesus-akerte-arlke akaltyele-anthenhe-anthenhe: Barnabas uthene Simeon uthene, arritnye arrpenhe-kenhe ikwerenhe aneke “Urrperle-arle”, arrpenhe akenhe Lucius arritnye Cyrene-arenye-arle, artwe arrpenhe Manaen arritnye aneke, Herod uthenenge-arle apurte amangkeke Saul-arlke.

Acts 4:27

“Ngkarte-aye alkerele-arle aneme! David-ele arrule ileke artwe areyele-arle akwele akurne mpwaretyeke angkerreke. Alakenhe anteme Jew akngerrepate areye apurte-irreke nhenhe Jerusalem-enge, nthakenhe Jesus atwetyeke angkerremele. Itne apurte-irreke King Herod uthene Pontius Pilate uthenenge. Jew anetyakenhe areye-arlke itne apurte-irreke ahele anthurre irreremele nthakenhe-arle itne Jesus atwetyenheke, artwe nhenge unte-arle akngakeke re urrkapentye ngkwinhe mpwaretyeke.