Mark 9:2 - Angkentye Mwerre

² Arlte six pele iperrele Jesus antangkeke Peter, James, John-ekarlke. Re itnenhe akngeke apwerte akertne anthurre-werne, itne-arrpe anetyeke. Itne aretyame, Jesus arrpenhe anthurre irrerlenge.

Mark 9:2 Iomraidhean Croise

Exodus 24:13

Ikwere iperrele, Moses akngerrepate areyeke angkeke, “Arrantherre ingkerne nhenhele anerrirraye. Aaron uthene Hur uthene arrekantherrenge nhenhele anetyenhenge. Tyerrtye areye apeke ahele-irrerrerlenge arne iwenheke apeke re, itne akenhe ikwere-atherre angketyenhe. Joshua-ante ware kwenhe arrawe-irrentyeke atyenge aywerrke-irremele atyengenge apetyeme.” Kele Moses-ele Joshua ineke, ratherre apwerte ameke-ameke Sinai-werne alherreke. Yanhe ikwere irretye-alherremele, Moses-ele Joshua ingkerne imperle-alheke, re-arrpe apwerte akertne-werne atheke antyeke.

Matthew 14:13

Nhenge Jesus-ele aweke John-arle ilweke-akerte, re boat-eke antyemele alheke apmere arrpenhe-werne re-arrpe anetyeke. Kenhe tyerrtye areyele awerlenge rarle yanhe ikwere-werne alheke. Apmere arrpe-anenhe-ngentyele itne ingkele apetyeke nthenhele Jesus anemenge.

Mark 14:33

Kele re apententye akngerre urrpetyeke antangkeke, Peter-eke, James uthene John utheneke itne ikwerenge akngeke. Kele re irntwarre ulkere anteme alheke ikwerenge alhwarrpe-irremele, arrakele-akele anthurre anteme irreke.

Mark 16:12

Arlte arrpenhele, Jesus arrateke anteyeke apententye akngerre ikwerenhe atherreke ratherre-arle apmere arrpenhe-werne alherretyamenge.

Mark 5:37

Re antangkemele Peter-eke, James-eke, ikwere atyeyikwe John-eke-ante ware, itne ikwere-werne apetyewarrerlenge.

Luke 6:12

Kele yanhe ikwerenge-ntyele, Jesus apmere ikwerenge-ntyele imperle-alhemele arnpenheke apwerte-werne Ngkarteke angketyeke. Ingwartentyele ikwere angkeke.

John 1:14

Angkentye renhe-arle ileme, anwerneke-arle imerneme iwenhe-arteke Ngkarte Akngeye anerlenge, re ahelhe nhenhe-werne apetyeke tyerrtye-irremele, anwernenge anetyarte. Anwerne areke nthakenhakenhe-arle re mwerre anthurre aneke, Ngkarte Akngeye-arteke anerlenge. Re kwenhe akwetethe anwerneke atnerte akangkentye anetyarte nhenge anwerne-arle ikwere arne mpwaretyakenhe anekenge, re akwetethe arratye angketyarte anwerneke Ngkarte Akngeye-akerte ilemele.

Romans 12:2

Kele angwaretyale yanhe areye-arle arne ahelhe nhenhe-arenye areyeke-ante itirrerlte-anemeke. Ngkartele anteme itirrentye arrekantherrenhe akngarte-iweme nhenge arrantherre-arle Ikwere arratye itirretyenhenge. Nhenhe-ngentyele anteme arrantherre Ngkarte-ngentyele akaltye-irretyenhe nhenge nthakenhe irretyeke Rarle ahentye-anemenge, alakenhe mwerre akngerre-arle. Nhenge Re aremele, akangkemele anthurre anetyenhe.

2 Corinthians 13:1

Ayenge arrekwele atherre-ngare alheke arrekantherrenge aneke, lyete kwenhe ayenge alpetyeke anteme aneme. Alakenhe-arle pweke-nge arrule intelhe-ileke, “Tyerrtye anyentele apeke akurne mpwareme. Kenhe tyerrtye arrpenhele anteme renhe aremele imerte alartetye areyeke iletye-alhetyeke. Tyerrtye nhenge anyente-ante warele apeke areke-arle iperre, renhe ilpernemele renhe iparrpele arratye itelaretyale. Kele nhenge atherrele apeke urrpetyele apeke, areke-arle iperrele renhe ilperneme anteme, imerte itnenhe-ante warele arratye itelaretyenhenge.” Deuteronomy 19:15.

Philippians 3:21

Re anyentele ingkirreke anthurre areme, rlterrke akngerre Ikwerenhele Re ingkirrenyeke arntarnte-areme. Rlterrke Ikwerenhele tyerrtye anwerne-kenhe akngarte-iwetyeke mwerre anthurre iletyenhenge. Kenhe lyete akenhe tyerrtye anwerne-kenhe akurne ware-arle anemenge. Urreke Rarle anteme Re tyerrtye anwerne-kenhe akngarte-iwetyenhe Jesus-arteke-ilemele, tyerrtye ikwerenhe-arle mwerre anthurre anerlenge.

Revelation 20:11

Ikwere-iperrele the Ngkarte areke chair mperlkere akngerre-apenhele anerle-anerlenge. Nhenge re arratemele, apmere ahelhe nhenhe uthene alkere uthene uyerrerlenge tyerrtyele renhe-atherrenhe awethe aretyakenhe aneke.