Mark 2:7 - Angkentye Mwerre

⁷ “Aye! Artwe nhenhele-arle Ngkarte angwareme, re-arrpe-arle Ngkarte akwele itirreme. Arrangkwe-arle! Kenhe Ngkarte anyentele-ante kwenhe tyerrtye areye-ngentyele akurne urrparetyeke, itnenhe ilpernetyakenhe anemele.”

Mark 2:7 Iomraidhean Croise

Matthew 26:65

Nhenge kwertengerle tyeperre tyatye-arenyele angkentye nhenhe awemele re ahele anthurre irreke imerte mantere ikwerenhe alterremele re angkeke kwertengerle tyatye-arenye arrpenhe areyeke, “Araye! Artwe nhenhele-arle Ngkarte-arle angwareme. Iwenhenge-arle-ame anwerne artwe arrpenheke unthetyenhe ikwere-akerte apale angketyeke court-enge? Kele lyetenge anwerne awerne rarle angkerne rarle Ngkarte akwele. Re akenhe artwe ware-arle aneme.

Matthew 9:3

Kenhe artwe areyele, angkentye Moses-kenhe akaltyele-anthenhe-anthenhe areyele Jesus awemele, alakenhe itirremele, “Aye! Artwe nhenhele-arle Ngkarte angwareme, re-arrpe-arle Ngkarte akwele itirreme.”

Mark 2:6

Kenhe angkentye Moses-kenhe akaltyele-anthenhe-anthenhe akenhe itirremele anetyame,

Mark 2:8

Jesus-ele itelareke nthakenhe-arle itnekenhe itirrentye anekenge. Re anteme itneke angkeke, “Arrantherre akurnentye itirretyale anetyeke!

Luke 5:21

Kenhe artwe arrpenhe areye akenhe, angkentye Ngkarte-kenhe-arle akaltyele-anthetyarteke, yanhe ikwerele anerrirreke. Nhenge itne awerrirremele iwenhe Jesus artwe anathe ikwere angkerlenge, itne-arrpe anteme angkerreke, “Re alakenhe angketyale anetyeke! Re kwenhe Ngkarte anetyakenhe. Kenhe Ngkarte-arle re-arrpe-arle akngerre anthurre-arle akurne areye lyete urrparetyeke tyerrtye ingkirrenyeke-ngentyele.”

Luke 7:49

Yanhe iperrenge tyerrtye itne apmere yanhele anerrirremele angkerreke, “Iwenhe ikwere-ame re angkeme? Ngkartele-ante ware arne akurne ingkirreke itnenhene urlkernemele iweke tyerrtye ingkirreke-ngentyele.”

John 10:33

Jew akngerrepate areye anteme ikwere angkirtneke, “Arrangkwe, anwerne ngenhe apwertele irrerlknge atwetyeke ahentye anetyakenhe unte-arle arne mwerre akngerre areye mpwarerlenge. Anwerne ngenhe irrerlknge atwetyeke ahentye aneme unte-arle Ngkarte akelherlenge. Unte akenhe Ngkarte anetyakenhe, unte kwenhe artwe apmere ahelhe nhenhe-arenye ware aneme.”

John 10:36

Ayenge kwenhe aneme Akngeye atyinhele-arle akngakeke nhenge ikwerenhe anetyeke Re ayenge apmere ahelhe nhenhe-werne yerneke. Kele iwenhenge-ame anteme arrantherre alyarrke-alyarrke anthurre irreme atyenge-akerte nhenge tharle Ngkarte ilteke-arteke-apelaye? Arrangkwe, ayenge kwenhe mwerre anthurre angkeme nhenge ayenge angkemele ayenge-arle Alere-arle Ngkarte-kenhe anemeke.